Suku Yili?

Kati kumetekelu wetu vathu vezi kusimanya zisuku zinzi. Mazi Bibilya yiywela yiti kwali Suku yimuhekha ya sili. (2 Crônicas 2:5) Suku yasu yili? Mukonda lya vikhi yindi Suku ya sili? Endi wasola nga umuziva. Tukutuva mu lisau yini ye.

1. Zina lya Suku yili? Vikhi vileka kwakuninga Suku wasola nga tuziva zina lyendi?

Zina lya Suku lyali mu Bibilya. Endi heti: “Zina lyami Yehova.” (Tanga Isaías 42:5, 8) Vathu vakalilonga sinene veti zina lya Yehova lilomboloka kwakuninga endi ahasa kulumba viose asoli. Yehova wasola nga tuziva zina lyendi. (Êxodo 3:15) Mukonda lya vikhi? Mukonda zina lyendi lyezi kumuneka mu Bibilya zi vezi zinzi na zinzi!a “Suku ya sili akalumba kolu na hosi” yindi tuhu afanya kukhala na zina lya Yehova.—Deuteronômio 4:39.

2. Bibilya yiywela vikhi kukhanda ya Yehova?

Vathu vezi kusimanya suku zinzi, mazi Bibilya yiti Yehova yindi Suku ya sili. Mukonda lya vikhi Bibilya yiywela momo? Mukonda lya vyuma vinzi. Kakwesi yo ali na uñgana unene nañgu Yehova, “yindi Alandi vose kolu na hanu hosi.” (Tanga Salmo 83:18.) Endi ali na zikhono zinzi mukonda ahasa kulumba vye yindi asoli. Yindi akalumba vyuma viose kolu na viose vili hanu hosi. (Apocalipse 4:8, 11) Yehova kesi na umetekelu kesi na usukilu.—Salmo 90:2.

3. Suku ali na mazina enzi, mazi ali na limuheka ka lya lififili na akwau

Muthu tuhasa kumutumbula mazina enzi, mazi ali na limuhekha vakamuvala naliu. Tala vidyu phala kuziva samboti. Talyenu VIDYU. Vyelienu kukhanda ya sihulu se:

VIDYU: Vezi Kumashana Mazina Enzi, Mazi Ali Tuhu na Limu Hekha (0:41)

• Nga washana muthu lya “Sekulu”, alye lye zina lyendi?

Bibilya yiti vathu vezi kusimanya Suku zinzi na sekulu zinzi. Tangyenu Salmo 136:1-3. Vyelienu kukhanda ya sihulu se:

• “Suku ya zi Suku” na “Sekulu ya zi sekulu” yili?

4. Yehova wasola nga ave umuziva hutumbuli zina lyendi

VIDYU: Suku Ali na Zina?—Sithimbu (3:11)

• Mukusoka kwavi, Yehova wasola nga tuziva zina lyendi? Mukonda lya vikhi usoka momo?

Yehova wasola nga vathu vatumbula zina lyendi. Tangyenu Romanos 10:13. Vyelienu kukhanda ya vihulu vye:

• Mukonda lya vikhi suma samboti kutumbula zina lya Suku?

• Namwahi wezi kuliva nga umwe muthu azimbuluki zina lyavi?

• Mukusoka kwavi, Yehova ezi kuliva namwahi ha utumbula zina lyendi?

5. Yehova wasola kukhala kahalu kavi

VIDYU: Nakakhala Kukenga Suku ya Sili (8:18)

• Namwahi mukhetu yo akaliva hose akaziva zina lya Suku?

Katuhasi kukhala kahalu ka umwe muthu katuzivi zina lyendi. Tangyenu Tiago 4:8a. Vyelienu kukhanda ya vihulu vye:

• Yehova wasola nga ulumba vikhi?

• Namwahi kuziva na kutumbula zina lya Suku kuhasa kukukwasa kukhala kahalu kendi?

VIKHI WATUVA

Yehova zina lya Suku ya sili, endi wasola nga tukhala tutuhalu twendi. Wamona suma samboti kuziva na kutumbula zina lya Yehova.

Kuzimbuluka

• Mukonda lya vikhi Yehova kalififili na suku zikwau?

• Mukonda lya vikhi suma samboti kutumbula zina lya Suku?

• Vikhi vikuleka kwakuninga Yehova wasola nga avi ukhala na ukamba nendi?

KENGA WEKHA

Tala vyuma vitanu vye, vileka kwakuninga Suku kweni ali.

“Deus existe?” (Mu jw.org)

Tala momo tuhasa kutava tuti Yehova kesi na umetekelu.

“Quem criou Deus?” (A Sentinela, 1.º de agosto de 2014)

Katwazivili samboti momo vakakhala kutumbula zina lya Suku ku mivu za munyima. Ola mwemomo ziva mukonda lya vikhi suma samboti kutumbula zina lyendi.

“Quem é Jeová e por que seu nome é importante?” (Mu jw.org)

Suma samboti kutumbula zina lya Suku ni lowo? Suku ali na zina limuhekha.

“Deus tem quantos nomes?” (Mu jw.org)