LISAU 09
Lumba Lombelo Phala Kukhala Kuhehi na Suku
Yivi kulomba amwe mana? Wali na vimwe vihulu wasola kuziva? Wasola sikwasu? Wasola kukhala na kuhehi na Yehova? Kulomba kwakukukwasa. Namwahi wafanya kulumba lombelo? Suku wezi kutava malombelo hose? Vikhi wafanya kulumba phala Suku kutava lombelo lyavi? Twakutuva.
1. Kwali twafanya kulomba? Vikhi twafanya kulomba?
Yesu wakalonga heti twatokala kulomba tuhu kwa Suku. Yesu wakakhala kulomba tuhu kwa Yehova. Endi wakaywela heti: “Mwatokala kulomba momo: ‘Tata yetu uli kolu . . .’” (Mateus 6:9) Nga wapama kulumba lombelo wakukhala kuhehi na Yehova.
Ha twezi kulumba lombelo, tuhasa kuywela kwa Suku vyuma viose twasola. Evi twakulomba, nga vyali mu sisola sa Suku, endi akutuha. Bibilya yiti: “Vye shovyo twalomba vyali mu sisola [sa Suku], endi akutwiva.” (1 João 5:14) Yesu wakatulonga vyuma twafanya kuywela kumalombelo etu. (Tanga Mateus 6:9-13.) Kumalombelo etu, tuhasa kuywela vye vyali mu mbungi yetu. Katulavi kusakilila Yehova na kulomba phala kukwasa vakwetu.
2. Namwahi twafanya kulomba?
Bibilya yiti: “Muhana mbungi yenu kwa [Suku].” (Salmo 62:8) Zimbimbi ze zilomboloka kwakuninga, aha tuywela na Yehova, tuywela vye vyali mu mbungi yetu. Mazi namwahi twafanya kukhala mu kulomba? Tuhasa kulomba ola tuali molu, ola twatumama, ola twazeka. Kukhanda yikwau, tuhasa kulomba ku mbungi. Tuhasa kulomba kweshoku twali. Suma sinene kuleka mukomo kwa Yehova.
3. Namwahi Yehova ezi kutava malombelo etu?
Yehova ezi kutava malombelo etu nga twatanga Bibilya. Kutanga mbimbi ya Suku “kuhana mana, ku yo kesi na mana.” (Salmo 19:7; tanga Tiago 1:5.) Yehova ahasa kutulumwisa mbungi yetu ha tuhita na vithombo. Kuli hamwe ezi kutumikisa vathu vakwau phala kutukwasa.
LILONGI WEKHA
Tala vye wafanya kulumba phala Suku kwiva malombelo avi. Tala wekha momo malombelo ahasa kukukwasa.
4. Vikhi twafanya kulumba phala Suku kwiva malombelo etu
Vyuma vikhi vyamboti twafanya kulumba phala Suku kwiva malombelo etu? Talyenu VIDYU.
Yehova wasola nga tulomba tuhu kwendi. Tangyenu Salmo 65:2. Vyelienu kukhanda ya vihulu vye:
Usoka uti Yehova wasola nga ulumba lombelo kwendi? Mukonda lya vikhi usoka momo?
Yehova akutava malombelo wetu nga twalumba vye yindi asola. Tangyenu Miqueias 3:4 na 1 Pedro 3:12. Vyelienu kukhanda ya sihulu se:
Namwahi tuhasa kukhala na sili, se Suku wakwiva malombelo etu ni lowo?
Hakwezi kuhita vita, a vamwe vezi kulomba phala Suku kuvakwasa; vakwau navu havalombi phala Suku kuvakwasa. Amuni, Suku wezi kutava malombelo asu?
5. Twafanya kulomba vye vili mu mbungi yetu
Avamwe vakavalonga veti ha ulomba kwa Suku utumbula zimbimbi zimuhekha sizuwa na sizuwa. Amuni mwenyomo Suku asoli? Tangyenu Mateus 6:7. Vyelienu kukhanda ya sihulu se:
Vikhi wafanya kulumba phala kutumbuli zimbimbi zimuhekha sizuwa na sizuwa kumalombelo avi?
Lumba momo: Ku vizuwa viose, usoka ku simwe suma Yehova alumbi phala yivi. Nga wasoka kulumba vye ku semana yimuhekha, ukuhasa kusakilila Yehova ku sambwali ya vyuma.
Vitata vezi kusola nga monendi aywela vye vili ku mbungi yendi. Yehova nendi wasola nga tulumba mwenyomo kumalombelo
6. Kulomba suma samboti Yehova akatuha
Namwahi lombelo litukwasa? Talyenu VIDYU.
Bibilya yiti lombelo litukwasa kukhala samboti ola ha tukuhita na vithombo. Tangyenu Filipenses 4:6, 7. Vyelienu kukhanda ya vihulu vye:
Kuli hamwe twezi kulumba lombelo mazi ola mwemomo vithombo kavihiti. Mazi ola mwenyomo kulomba lombelu kutukwasa?
Vikhi wasola kulomba kwa Suku?
Wakaziva khali?
Zimbimbi “amém”, zilomboloka “ewa.” Tundi kumivu za munyima, vathu vezi kuywela “amém” ku usukilu wa lombelo.—1 Crônicas 16:36.
7. Nona masimbu phala kulomba
Mukonda lya milimu twezi kukhala nazu, hamwe twezi kulava kulumba lombelo. Mazi vikhi Yesu akakhala kulumba? Tangyenu Mateus 14:23 na Marcos 1:35. Vyelienu kukhanda ya vihulu vye:
Vikhi Yesu akalumba phala kunona masimbu phala kulumba lombelo?
Namwahi wafanya kukengelesa Yesu?
AVAMWE VETI: “Kulomba kakutukwasi, aku kuvisa masimbu!”
Navi mwemomo wezi kusoka?
VIKHI WATUVA
Kulumba lombelo na mbungi yose kutukwasa kuliva ku uhehi wa Suku, na kuliva samboti na kutuhana zikhono za kulumba vye Yehova asoli.
Kuzimbuluka
Kwali twafanya kulomba?
Namwahi twafanya kulomba?
Namwahi kulomba kutukwasa?
KENGA WEKHA
Sanga vitavu vya vihulu kukhanda ya lombelo.
“Sete coisas que você precisa saber sobre oração” (A Sentinela, 1.º de outubro de 2010)
Tuva mukonda lya vikhi wafanya kulomba na momo wafanya kulomba.
Kwali twafanya kulomba? Tala momo Bibilya yiywela.
Vidyu ye yikukwasa momo wafanya kulomba lombelo.