LISAU 32

Uñgana wa Suku Wali Kali Mukutumina!

Momo Yali

Mukanda wa Daniel uleka kwakuninga Uñgana wa Suku wakwiya ukameteka kutumina hose kwakukahita “sambwali lya thembu.” (Daniel 4:16, 17) Hose Yesu akakhala hanu hosi nendi wakaywela kukhanda ya mivu zasu, hati: “Vizuwa vya suka kwene vya ma tumbu.” Endi wakalonga heti vizuwa vyasu khali yikahwili. (Lucas 21:24) Sambwali lya vizuwa vye vya kahwa mu muvu wa 1914.

1. Vikhi Bibilya yakaywela kali?

2. Vyuma vikhi twezi kumona mu tumbu vuli mu muvu wa 1914?

Zindogi vakahula momo kwa Yesu: “Vikhi vileka kwakuninga avi ukwiya, na vye vileka kwakuniga twali ku usukilu wa vyuma vye?” (Mateus 24:3) Yesu wakavatava heti vyuma vinzi vya kwiya vikamoneka vya kuleka kwakuninga endi wali kali mu kutumina kolu. Vimwe vyuma Yesu akatumbula, vita, ukambu wa makulya na vyuma vikwau. (Tanga Mateus 24:7.) Bibilya nayu yakaywela kali momo vathu vakukakhala ku “vizuwa vya suka kwene.” Ayuyu yiti mukonda lya vyuma vyasu mwenyu wakwiya ukahwinyi. (2 Timóteo 3:1-5) Vyuma vye vya viha vya kameteka kuliweza vuli mu muvu wa 1914.

3. Mukonda lya vikhi vyuma vya viha vyezi kumoneka hanu hosi vuli ha Uñgana wa Suku wakameteka kutumina?

Kolu kwakavula ngunda na Sathana hose Yesu akameteka kutumina ku Uñgana wa Suku. Sathana na zidemonyo kavakakhelele na zikhono za kulilenga na Yesu. Bibilya yiywela yiti ‘Sathana na zidemonyo zendi vakavakaya kolu vakeye hanu hosi.’ (Apocalipse 12:9, 10, 12) Sathana ali na thathi yinzi mukonda waziva kwakuninga kwakamba kandambu phala kumuzimisa. Wamona ezi kukenga vithombo vinzi na lamba mu tumbu liose. Amona katwatokelele kunyanyuka mukonda lya vithombo twakumona! Mazi Uñgana wa Suku wakumana na vithombo viose.

LILONGI WEKHA

Ziva mukonda lya vikhi twali na sili tuti Uñgana wa Suku wakameteka kutumina mu muvu wa 1914. Tala wekha vye twafanya kulumba.

4. Umbangi wa Bibilya uleka kwakuninga Uñgana wa Suku wakameteka kutumina mu muvu wa 1914

Talyenu VIDYU.

VIDYU: Uñgana wa Suku Wakameteka Kutumina mu Muvu wa 1914 (5:02)

Suku wakalotesa Nabukonozole akakhala ñgana ya Babilonia. Ku silotesu sasu, Yehova wakamuleka vye vya kakhala phala kumoneka kuphala ya vizuwa. Daniel wakaywela vye kulota kwasu kulomboloka. Kulota kwasu kwakalumba mbandu ya unguvulu wa Nabukonozole na Uñgana wa Suku.—Tangyenu Daniel 4:17.a

Tangyenu Daniel 4:20-26. Vyelienu kukhanda ya vihulu vye:

(A) Nabukonozole wakamona vikhi ha akalota?—Tala vithimbu vya 20 na 21.
(B) Vikhi vya kukahita na muti?—Tala sithimbu sa 23.
(C) Vikhi vya kukamoneka ku usukilu wa “sambwali lya thembu”?—Tala sithimbu sa 26.

Silota sa Muti wo Silomboloka Vikhi Kukhanda ya Uñgana wa Suku?

UMBANGI (Daniel 4:20-36)

Uñgana

(A) Muti unene

Uñgana wakatusula kutumina

(B) “Simbyenu muti” kati hahiti “sambwali lya thembu

Uvutuka mukutumina

(C) Uñgana wendi vakumuvutwisa wene”

Mukumoneka kutete . . .

(D) Muti vikhi?—Tala sithimbu sa 22.
(E) Thembu yikhi yindi akatusula kutumina?—Tangyenu Daniel 4:29-33.
(F) Vikhi vya kamoneka na ñgana Nabukonozole ku usukilo wa “sambwali lya thempo”?—Tangyenu Daniel 4:34-36.

MUKUMONEKA KUTETE

Uñgana

(D) Nabukonozole, Ñgana ya Babilonia

Uñgana wakatusula kutumina

(E) Mukuhita kwa 606 hose Yesu khali akamonekene, Nabukonozole wakavinza malazi mukonda lya vye endi kakahesele kutumina mukuhita kwa sambwali lya mivu

Uvutuka mukutumina

(F) Nabukonozole wakakola akavutuki mukutumina

Nabukonozole wakatula mavoko wali mukutala kolu.

Mukumoneka kwa mbali . . .

(G) Muti ulomboloka yili?—Tangyenu 1 Crônicas 29:23.
(H) Thembu yikhi vakatusula kutumina? Namwahi twaziva tuti avuvu kavakakhele mukutumina hose Yesu akakhala hanu hosi?—Tangyenu Lucas 21:24.
(I) Kwahi na muvu ukhi uñgana wasu wakavutuka mukutumina?

MUKUMONEKA KWA MBALI

Uñgana

(G) Suku wahaka ziñgana za Israel phala kutumina mbunga yendi

Ziñgana za yizalele zatumama huzingunza mukengezi wava manyika.

Uvutuka mukutumina

(H) Jerusalem vakayihumuna. Kwakahita 2.520 za mivu Suku kakahekele yimwe ñgana phala mbunga ya Israel

Jerusalem vahifunyika mu muvu wa 607 H.Y.K.A. Ha vye vya kamoneka 2,520 ya muvu ya kahwa.

Mukumoneka kwa mbali

(I) Yesu wakameteka kutumina kolu ku Uñgana wa Suku

Yesu watumama hu ngunza wali mukutumina kolu vuli mu muvu wa 1914 H.Y.A. Mukengezi wamumanyika.

Sambwali ya thembu yilomboloka mivu zikuti?

Bibilya yihasa kutulombolwela mbandu zikwau za Bibilya. Mukanda wa Apocalipse uywela uti mivu zitatu na sithimbu vilomboloka 1.260 ya sizuwa. (Apocalipse 12:6, 14) Amomo sambwali ya thembu yilomboloka 2.520 ya sizuwa. Ahamwe Bibilya yiywela yiti sizuwa simuheka, yoyu kuywela muvu umuhekha. (Ezequiel 4:6) Avye vileka kwakuninga, hosi Daniel akaywela sambwali ya thembu, endi wakakhala kuywela 2.520 ya mivu.

5. Tumbu lya kahinguluka sinene vuli mu muvu wa 1914

Talyenu VIDYU.

VIDYU: Tumbu lya Kahinguluka Vuli mu Muvu wa 1914 (1:10)

Yesu wakaywela kali momo tumbu lya kukakhala hose yindi akukhala Ñgana. Tangyenu Lucas 21:9-11. Vyelienu kukhanda ya sihulu se:

Vyuma vikhi vya viha wezi kumona ko yivi watunga?

Apostolu Paulo wakaywela momo vathu vakukakhala ku vizuwa vya suka kwene. Tangyenu 2 Timóteo 3:1-5. Vyelienu kukhanda ya sihulu se:

Usoka uti vilinga vya vathu vyali mwemomo kulinu kumbi?

Fotu: Vyuma vyezi kumoneka kuvizuwa vyasuka kwene. 1. Umwe mutuminu wamasulali wakatula kuvoko wali mukuvaza. 2. Hosi halikandi zipelediu zandumuka. 3. Aviyau zavita. 4. Nguluphu ya vathu vali mukuvula vahaki zimaskala. 5. Zipelediu zivali za Nova York vazifunyiki kuzivanditu. 6. Umwe muyala wali mukulita zindoloka. 7. Umwe muyala wakwata ngalafa wasola kulenga mukhetu wendi. 9. Vakhetu vavali vazali vimbamba vya moda vali mukulizola fotu. 10. Umwe muyala wali mukundesa sizomba. 11. Umwe muyala wali mukukonga ngalafa ya tuhia.

6. Tangyenu Mateus 24:3, 14. Vyelienu kukhanda ya vihulu vye:

Milimu zikhi zali mukuhita kulinu zileka kwakuninga Uñgana wa Suku wali kali mukutumina?
Namwahi navi uhasa kukwasa ku milimu ze?

Uñgana wa Suku wali kali mukutumina kolu. Kwakamba kandambu phala kutumina hanu hosi. Tangyenu Hebreus 10:24, 25. Vyelienu kukhanda ya vihulu vye:

“Sizuwa sali mukuheta”, amuni vikhi vose twafanya kulumba?

Fotu: 1. Estudante ya Bibilya waya kusikungulwila sa Zimbangi za Yehova. 2. Estudante ya Bibilya wali mukulonga umwe muthu yindi aziva. — Nga kwakuninga waziva simwe suma sihasa kukwasa na kuhulula mwenyu wa vathu, vikhi ulumba?

NGA UMWE MUTHU AKUHULI MOMO: “Mukonda lya vikhi Zimbangi za Yehova vezi kuywela sinene kukhanda wa muvu 1914?”

Namwahi wakumutava?

VIKHI WATUVA

Mukanda wa Daniel na vye vyali mu kumoneka mu tumbu vileka kwakuninga Uñgana wa Suku wali kali mukutumina. Nga twaya ku zinzangu za Zimbangi za Yehova, ha tulongi Bibilya ku vakwetu, twakuleka kwakuninga twali na ufelelo wakuninga Uñgana wa Suku wali mukutumina.

Kuzimbuluka

Mu mukanda wa Daniel uywela kukhanda ya sambwali ya thembu. Vikhi vya kamoneka ku usukilu wa mivu zasu?
Vikhi vikutevesa kwakuninga Uñgana wa Suku wakameteka kutumina mu muvu wa 1914?
Namwahi uhasa kuleka kwakuninga utava uti Uñgana wa Suku wali kali mukutumina?

Namana:

Lumba momo

Lumba zikhono phala ukhali umulongese wa Bibilya.

Vyuma vikwau:

Your other goal

KENGA WEKHA

Tanga phala kuziva vye vathu va vakalilonga sinene vezi kuywela kukhanda ya muvu wa 1914.

“O Tempo em que a moral foi corrompida drasticamente” (Despertai!, abril de 2007)

Tala momo umbangi wa Mateus 24:14 wakakwasa ku mwenyu wa umwe muyala.

“Eu amava o beisebol mais do que tudo!” (A Sentinela, n.º 3 de 2017)

Namwahi twaziva tuti mukanda wa Daniel mu sivatu sa 4 uywela kukhanda ya Uñgana wa Suku?

“Quando o Reino de Deus começou a governar? — (Parte 1)” (A Sentinela, 1.º de outubro de 2014)

Namwahi twaziva tuti sambwali lya thembu yiywela mu mukanda wa Daniel mu sivatu sa 4 zakasuka mu muvu wa 1914?

“Quando o Reino de Deus começou a governar? — (Parte 2)” (A Sentinela, 1.º de novembro de 2014)

a Tala mikanda zivali zasuka kwene ku mbandu “Kenga Wekha” ya lisau yineye.