Lumba Zikhono Phala Kukwasa Sikungulwila

Mu tumbu liose muli vathu venzi vezi kusimanya Yehova muvikungulwila. Vathu vasu va vezi kuhana mukomu winzi ku milongi ze vezi kutambula na kulumba vyuma vinzi phala kukwasa sikungulwila. Avi me, namwahi wezi kuliva kukhanda ya sikungulwila?

1. Namwahi wafanya kukwasa sikungulwila?

Etu vosi tuhasa kukwasa sikungulwila. Vimwe vyuma tuhasa kulumba, kukwasa va vakuki na va vavinzi mu sikungulwila. Nga twali na mota, kalu, kalimbula, tuhasa kuvambata phala kuya ku zinzangu. Netu tuhasa wekha ku vakwasa kusumba vimwe vyuma na kulumba milimu konzu yavu. (Tanga Tiago 1:27.) Kukhanda yikwau, tuhasa kukwasa kukomba na kulumba milimu zikwau musikungulwila. Kakwesi yo vamuthetemeka. Sisola setu kwa Yehova na ku ziphangi zetu seni situkwasa phala kulumba vyuma vye.—Salmo 110:3.

Zimbangi za Yehova vakali vakalibatizala kali, vahasa kukwasa sikungulwila na milimu zikwau. Ziphangi za vayala vahasa kulumba zikhono phala kukhala sikwasu sa vakulu ni lowo vakulu vakasikungulwila. Ziphangi sikhali za vayala sikhali za vakhetu, vahasa kukhala va tushana tuti vakakuzikula nzila. Zimwe ziphangi vezi kukwasa kutunga manzu aha twenzi kulikungulwila. Avamwe vezi kuyaluka phala kuya na kulonga.

2. Namwahi tuhasa kukwasa sikungulwila na vyuma vye tuli navyu?

Tuhasa “kuhana mukomu kwa Yehova na vyuma vyetu tuli navyu.” (Provérbios 3:9) Phala yitu suma samboti kuhana vitali vyetu phala kukwasa milimu za sikungulwila na milimu za kulonga mu tumbu liose. (Tanga 2 Coríntios 7:9.) Vitali vyeni vye twezi kuhana, navyu vyezi kukwasa ziphangi va vezi kuhita na vyuma vya viha. Avamwe vezi kusoka ku vye vakuhana. (Tanga 1 Coríntios 16:2.) Nga wasola kuhana vitali, uhasa kuhaka mu ngonga ye ali mu sikungulwila ni lowo mu donate.jw.org. Nga twahana vitali vyetu na vyuma vikwau phala kukwasa, twakuhasa kuleka sisola setu kwa Yehova.

LILONGI WEKHA

3. Uhasa kukwasa sikungulwila na vitali vyavi

Yehova na Yesu vasola va vezi kuhana na mbungi yosi. Yesu wakasanguluka aha akamona umwe mukhetu akakhala kukunyu, mukuhaka vitali mu ngonga. Tangyenu Lucas 21:1-4. Vyelienu kukhanda ya vihulu vye:

• Tuvinga kuhaka vitali vinzi phala kusangulwisa Yehova?

• Namwahi Yehova na Yesu vezi kuliva nga twahana na mbungi?

Pala kuziva kwahi vitali vyetu vezi kuya, Talyenu VIDYU. Vyelienu kukhanda ya sihulu se:

VIDYU: Hana Vye Wasoka Kumbungi Wavi (4:47)

• Namwahi vezi kukalakala na vitali vye twezi kuhana phala kukwasa vikungulwila mu tumbu liose?

4. Tuhasa kulihana phala kukwasa

Kumivu za munyima mbunga ya Yehova vakakhala kusola kukwasa manzu aha vakakhala kulikungulwila phala kusimanya Yehova. Mazi phala kulumba milimu ze, kavakakheleli kuvinga tuhu vitali. Tangyenu 2 Crônicas 34:9-11. Vyelienu kukhanda ya sihulu se:

• Namwahi Israel vakakhala kukwasa kulava samboti yinzu ya Suku?

Ziva momo Zimbangi za Yehova vezi kukengelesa mbunga ya Suku munyima. Talyenu VIDYU. Vyelienu kukhanda ya vihulu ye:

VIDYU: Twafanya Kulava Samboti Sikungulwila Setu (3:31)

• Mukonda lya vikhi twafanya kukomba mu sikungulwila na kulumba milimu zikwau?

• Vyuma vikhi wafanya kulumba phala kukwasa sikungulwila?

5. Vye ziphangi za vayala vafanya kulumba phala kukwasa mu sikungulwila

Bibilya yivyela vilinga vyamboti ziphangi za vayala vafanya kukhala navyu phala kukhala vikwasu vya vakulu ni lowo, vakulu vasikungulwila. Talyenu VIDYU. Vyelienu kukhanda ya vihulu vye.

VIDYU: Ziphangi za Vayala—Lumbyenu Zikhono Phala Kulumba Mulimu Zamboti (5:19)

• Mu vidyu, vikhi Pedro akalumba phala kukwasa sikungulwila?

Bibilya yiywela vye vayala vafanya kulumba phala kukhala sikwasu sa vakulu ni lowo vakulu vasikungulwila. Tangyenu 1 Timóteo 3:1-13. Vyelienu kukhanda ya vihulu vye:

• Vilinga vikhi va vasoli kukhala sikwasu sa vakulu ni lowo vakulu vakasikungulwila vafanya kulumba?

• Vilinga vikhi khumba yendi yafanya kulumba?—Sithimbu 4 na 11.

• Nga umwe phangi alumbi zikhono phala kuleka vilinga vye, namwahi sikungulwila sakukhala?

VIKHI WATUVA

Yehova ezi kuhana mukomu winzi ku vye wezi kulumba phala kukwasa sikungulwila.

Kuzimbuluka

• Vyuma vikhi twafanya kulumba phala kukwasa sikungulwila?

• Namwahi tuhasa kukwasa sikungulwila na vyuma vyetu?

• Vikhi wafanya kulumba mu sikungukwika senu?

KENGA WEKHA

Mukonda lya vikhi Suku kezi kusopa malizimu?

“O que a Bíblia diz sobre o dízimo?” (Mu jw.org)

Bibilya yiywela yiti vayala vakalibatizala kali vuvu vafanya kulumba zimwe milimu mu sikungulwila. Mazi kuli hamwe umwe phangi ya mukhetu alumba zimwe milimu ze vayala vahasa kulumba. Vyuma vikhi vahasa kulumba.

“O princípio da chefia na congregação” (A Sentinela, 15 de Fevereiro de 2021)

Ziva momo zimwe Zimbangi za Yehova vezi kulumba zikhono zinzi phala kumbata mikanda ku ziphangi zavu.

Publicações bíblicas viajam até a parte mais distante do Congo (4:25)

Tala ko kwezi kuvula vitali phala kulumba milimu zetu.

“Como a obra das Testemunhas de Jeová é financiada?” (Mu jw.org)