Kulikwatenena

Vikhi Yesu Akalumba

VIDYU: Jesus yo Kulonga Nikodemu

1. Tala VIDYU. Ni lowo tanga João 3:1, 2. Soka kukhanda ya vihulu vye:

1. Mukonda lya vikhi Nikodemu akasola tuhu kuya mukutala Yesu ku usiki?—Tanga João 12:42, 43.

2. Yesu wakatava kuvyela na Nikodemu ku usiki. Namwahi vye vileka kwakuninga Yesu wakasola limwe kukwasa Nikodemu kukhala ndongi yendi?

Vikhi Twatuva na Yesu

2. Etu tulumba zikhonu phala kukwasa vathu kukhala zindonge za Yesu, mukonda etu tuvasola sinene.

Namwahi Tuhasa Kukengelesa Yesu

3. Lilongyenu ku sizuwa se muthu asoli. Nga asoli kulilonga ku masimbu wa yindi avyeli, avi tava tuhu. Kwahi yindi asoli nga mulilonga Bibilya? Ku milimu zendi, konzo yendi, ni ko kwezi kuhita vathu venzi? Nga mwakalisika kali, soka se ukutusula vyuma vye wakhala phala kulumba, mulilongi siwa.

4. Pamyenu mu kulilonga. Nga wakuvula, kuvyeli ku yo wezi kulonga kwakuninga: ‘Twakulilonga tuhu sizuwa na kuvutuka.’ Soka kulumba vye:

1. Kulilonga ku suziwa sikwawu mu semana yasu.

2. Kulilonga ku telefoni?

3. Kuvyela na umwe phangi musikungulwila phala kulilonga nendi kasimbu kwesi heni.

5. Lumba lombelu kwa Yehova phala kukuha zikhono. Ahamwe yo wezi kulonga, kesi kusola kulilonga sizuwa se mwakalisika. Ko kuli hamwe yo wezi kulonga kesi kulumba zikhono za kulumba vye ezi kutuva. Mu kuhita na vithombo vye, lomba kwa Yehova phala kukukwasa kupama na kulilonga nendi. (Fil. 2:13) Hamwe ayo wezi kulonga ali na vilinga vyamboti. Lomba kwa Yehova phala kukukwasa kulikwatenena ku vilinga vyasu vyamboti.