Muvyeli Sili

Vikhi Yesu akalumba

VIDYU: Yesu Wakavyela Sili ku Umwe Nguvulu

1. Tala VIDYU. Ni lowo tanga Marcos 10:17-22. Soka kukhanda ya vihulu vye:

1. Vyuma vikhi vyamboti Yesu akamona ku mukwenzi yo nguvulu?

2. Yesu wakakhala na woma wakuvyela na nguvulu ye? Namwahi Yesu akaleka sisola na sili mu kumuvyela vye yindi afanya kulumba?

Vikhi Twatuva na Yesu

2. Phala kukwasa yo twezi kulonga kukhala na ukamba wamboti na Yehova, twafanya ku mulonga na sisola na kumuvyela sili sa vye afanya kutusula.

Namwahi Tuhasa Kukengelesa Yesu

3. Kwasa yo wezi kulonga phala kukula kandambu-kandambu.

1. Mu livulu Khala na Kusanguluka Kakuhwi! kuli mbandu ye yivyela momo: “Lumba Momo.” Kwasa yo wezi kulonga kulumba vye asangi mu mbandu yasu.

2. Mukwasi kuziva vimwe vyuma afanya kulumba vya kumukwasa kulumba vye ali mu kutuva.

3. Musakilili zikhono ze ezi kulumba.

4. Ziva vyuma vye vyezi kumuhwinya phala umukwasi kuhita na vihangu vyasu.

1. Lihuli momo:

   • ‘Vyuma vikhi vikulumbisa yo na kulonga phala kalibatizali?’

   • ‘Vikhi nafanya kulumba phala kumukwasa?’

2. Lomba sikwasu kwa Yehova phala yivi kuvyela nendi na sisola na sili sose, kukhanda ya vye afanya kulumba phala kukhala na ukamba wamboti na Yehova.

5. Tusula kulonga va vahewi kavasoleli kuhinguluka.

1. Phala kuziva se ayo wakulonga yo kukula, wafanya kulihula momo:

   • ‘Wezi kulumba vye ezi kutuva?’

   • ‘Endi ezi kuya mu zinzangu ni lowo ezi kuvyela na vakwawu vye ezi kutuva?’

   • ‘Kahehi avula na kulilonga. Endi wasola lumwe kukhala Mbangi ya Yehova?’

2. Amuni, nga yo twezi kulonga akulumba vyuma vileka kwakuninga endi kasoleli kukhala Mbangi ya Yehova:

   • Muhuli phala yindi kusoka ku vye vya kumuhwinya phala endi kakuli.

   • Muzimbwili sili, se mukonda lya vikhi kwasoleli wekha kukhala kulilonga nendi. Mazi vyela nendi samboti.

   • Muzimbwili vye afanya kulumba nga yindi asoli kuvutuka mu kulilonga.