Uhasa Kukhala Ukahalu ka Yehova

Uhasa kukhala tuhu ukahalu ka muthu yo uziva. Yehova nendi mwemomo asola. Endi wasola nga ukhala ukahalu kendi, wamona asoli nga umuziva samboti. Nendi wasola nga uziva momo yindi ezi kulumba vyuma, na vyuma vikwau asoli kukuhana kuphala ya vizuwa. Watokala kutuva kukhanda ya Yehova phala kukhala ukahalu kendi. Mazi vikhi vitukwasa kukhala tutuhalu twa Suku? (Tanga Salmo 25:14.) Vikhi wafanya kulumba? Bibilya yiywela vyuma vye. Bibilya nayu yiti kukhala ukahalu ka Suku suma samboti.

1. Vikhi Yehova asoli nga ulumba?

Bibilya yiti: “Yukyenu kwa Suku, nendi aliyuki kwenu.” (Tiago 4.8) Mazi tuhasa kukhala tutuhalu twa Suku? Tuhasa, mukonda Bibilya yiywela mwene. Avamwe vezi kusoka momo: Suku katumumoni, kuti ñguhasa kukhala ñgukahalu kendi? Mazi mu Bibilya Yehova atuzimbwila vye tuvinga kuziva kukhanda ya yindi, mukonda lya vye tuhasa kukhala tutuhalu twendi. Nga twatanga Bibilya twakuhasa kukolesa unzimu wetu nendi, ola mwemomo katwezi kumumona.

2. Mukonda lya vikhi Yehova kahalu kamboti?

Kakwesi yo akusola sinene nañgu Yehova. Endi wasola nga ukhala na kusanguluka na kukukwasa mu kuhita na vithombo. Bibilya yiti “hana vithombo vyavi kwa [Suku], mukonda endi akukulava.” (1 Pedro 5:7) Yehova wasola kwiva na kukwasa tuhalu twendi.—Tanga Salmo 94:18, 19.

3. Yehova wasola nga tuhalu twendi tulumba vikhi?

Yehova asola vathu vose, mazi endi ali na “unzimu unene kuva vezi kulumba vyuma vyamboti.” (Provérbios 3:32) Yehova wasola nga tuhalu twendi valumba vyuma vyamboti, havatusuli vyuma vya viha. Avamwe veti sihasi kulumba viose Suku asoli. Mazi Yehova wasola kukwasa ava vali na sisola kwendi, va vasola kulumba vye yindi asoli.—Salmo 147:11; Atos 10:34, 35.

LILONGI WEKHA

4. Abrayau wakakhala kahalu ka Yehova

Avye Bibilya yiywela kukhanda ya Abrayau, vituleka vye twafanya kulumba phala netu kukhala tutuhalu twa Suku. Tangyenu vye Abrayau akalumba mu Gênesis 12:1-4. Vyelyenu kukhanda ya vihulu vye:

• Vikhi Yehova akalomba kwa Abrayau phala kulumba?

• Vikhi Yehova akakeneka kuhana kwa Abrayau?

• Vikhi Abrayau akalumba?

5. Kwali vimwe vyuma Yehova asoli nga tuhalu twendi tulumba

Twezi kusola nga tuhalu twetu tulunda vyuma vyamboti.

• Vyuma vikhi usola nga tuhalu twavi valumba phala yivi?

Tangyenu 1 João 5:3. Vyelienu kukhanda ya sihulu se:

• Yehova wasola nga tuhalu twendi valumba vikhi?

Nga twasola kukhala tutuhalu twa Yehova, vilinga vyetu na visoka vyetu vyafanya kukhala momo yindi asoli. Tangyenu Isaías 48:17, 18. Vyelienu kukhanda ya sihulu se:

• Mukonda lya vikhi Yehova ezi kulomba nga tuhalu twendi valumba vye yindi asoli?

6. Tala momo Yehova ezi kukwasa tuhalu twendi

VIDYU: Yehova Wakañgukwasa Sinene (3:20)

• Mukhetu yo wakakhala kuzinda hosi akhakhala kuzimbuluka vyuma vakamulumba. Namwahi Yehova akamukwasa?

Tangyenu Isaías 48:10, 13. Vyelienu kukhanda ya vihulu vye:

• Vikhi Yehova asoli kulumba phala tuhalu twendi?

• Usoka uti Yehova kahalu kamboti? Mukonda lya vikhi usoka momo?

7. Phala kukhala tutuhalu twa Yehova twafanya kumwiva na kuywela nendi

Phala kukhala ukahalu ka umwe muthu, twafanya kutamaka nendi. Tangyenu Salmo 86:6, 11. Vyelienu kukhanda ya vihulu vye:

• Namwahi tuhasa kuywela na Yehova?

• Namwahi Yehova ezi kuywela netu?

VIKHI WATUVA

Yehova wasola kukukwasa kukhala ukahalu kendi.

Kuzimbuluka

• Namwahi Yehova ezi kukwasa tuhalu twendi?

• Mukonda lya vikhi Yehova asoli nga vilinga vyetu vikhala momo yindi asoli?

• Usoka uti kuhwinya kukhala ukahalu ka Yehova? Mukonda lya vikhi?

KENGA WEKHA

Namwahi kukhala ukahalu ka Suku kukukwasa?

“Jeová, o Deus que vale a pena conhecer” (A Sentinela, 15 de fevereiro de 2003)

Tala vye vihasa kukukwasa kukhala ukahalu ka Suku?

“Como posso me tornar amigo de Deus?” (Os Jovens Perguntam—Respostas Práticas, Volume 2, capítulo 35)

Tala momo Yehova akakwasa umwe mukhetu.

“Eu não queria morrer!” (A Sentinela, n.º 1 de 2017)

Vazangala vaywela ku vye vasoka kukhanda ya Yehova.

O que significa ser amigo de Deus? (1:46)