LISAU 11

Vikhi Vikukukwasa Kutanga Bibilya?

Momo Yali

Wezi kuzinda hose usoka kulumba milimu zinene? Phala kuhasa, umeteka suma simuhekha. Na kutanga Bibilya mwemomo. Hamwe ulihula momo: ‘Kwahi nakumeteka kutanga Bibilya? Lisau ye, wakumona momo twafanya kulumba phala kutanga Bibilya.

1. Mukonda lya vikhi twafanya kutanga Bibilya vizuwa viose?

Muthu yo atanga Bibilya ni lowo “situminu sa Yehova” akukhala na kusanguluka na kuliva samboti kumwenyu. (Tanga Salmo 1:1-3.) Umeteka kutanga tumwi tuvivatu ku vizuwa viose. Kandambu-kandambu ukuziva samboti Bibilya. Hose ukuziva samboti Bibilya, wakukhala na sisola sa kutanga.

2. Vikhi vikukukwasa kutanga Bibilya?

Phala kutuva vye vyali mu Bibilya wafanya kutanga na “kusoka” vye wakutanga. (Josué 1:8, na nota.) Hose wakutanga, uhasa kulihula momo: ‘Avye viñgulonga vikhi kukhanda ya Yehova? Avye viñgulonga vikhi kumwenyu wami? Namwahi ñguhasa kukwasa vakwetu ku vye natanga?’

3. Vikhi uhasa kulumba phala kusanga masimbu akutanga Bibilya?

Mukusoka kwavi, wezi kuliva kwakuninga kwesi na masimbu akutanga Bibilya? Kayivi veni tuhu aku uliva momo. Bibilya yiti tuhanda “kuhita samboti masimbu etu.” (Efésios 5:16) Lumba zikhono ku masimbu ave phala kutanga Bibilya ku sizuwa na sizuwa. Vamwe vezi kutanga Bibilya kukamene. Vamwe vezi kutanga ku ungwizi, avamwe vezi kutanga ku usiki. Ave me? Usoka uti masimbu akhi uhasa kutanga Bibilya?

LILONGI WEKHA

Tala vye vihasa kukukwasa kusola kutanga Bibilya. Tala wekha vye vikukwasa kulilonga Bibilya.

Fotu: Umwe munzangala ali mukufika kulya amwe makulya. 1. Kasolele kulya. 2. Amuni ali mu kulya. 3. Amuni yokusola kulya — Etu vathu tuhasa kulilonga kulya makulya ose. Na kutanga Bibilya nañgu mwemomo

4. Tala vye vikukukwasa kusola kutanga Bibilya

Hamwe usoka uti kutanga Bibilya kuhwinya. Mazi uhasa kusola kutanga Bibilya. Phala kulya kukuwehela uvanga kukufika, na kutanga Bibilya naku mwemomo. Tangyenu 1 Pedro 2:2. Vyelienu kukhanda ya sihulu se:

Usoka uti kutanga Bibilya sizuwa na sizuwa kwakukukwasa kuyisola?

Talyenu VIDYU phala kuziva vye vamwe valumbi phala kukhala na sisola sa kutanga Bibilya. Vyelienu kukhanda ya vihulu vye:

VIDYU: Vakwenze Vatuvi Kukhala na Sisola sa Kulilonga Mbimbi ya Suku (5:33)

Mu vidyu, vikhi vya kakhala kuhukisa vazangala kutanga Bibilya?
Vikhi vya kavakwasa kupama kutanga Bibilya ku sizuwa na sizuwa?
Vikhi vakalumba phala kuziva samboti Bibilya?

Vikhi uhasa kulumba phala kumeteka?

Kenga Bibilya ye kayihwinyi kutanga. Nga mwali na Tradução do Novo Mundo mulizu lyave, Bibilya yamboti.
Tanga vivatu vya Bibilya vye yivi usola. Phala kusanga vimwe vyuma vili mu Bibilya tala ha: “Meteka Kutanga Bibilya.”
Soneka vivatu vye yivi watanga kali. Zikula ha: “Soneka Vivatu Vye Wakatanga Kali”.
Tanga mu JW Library^®. Nga wali na telefone ni lowo kumbutandole hakamwene JW Library^®. A hamwe wakuhasa kwiva ni lowo kutanga Bibilya.
Tanga Apêndice mu Tradução do Novo Mundo. Ukusanga mapa na vyuma vikwau vikukwasa kuziva Bibilya.

5. Tanga vye wakulilonga

Tangyenu Salmo 119:34. Vyelienu kukhanda ya vihulu vye:

Mukonda lya vikhi yivi wafanya kulumba lombelo phala kutanga na kulilonga Bibilya?

Vikhi wafanya kulumba phala kutuva samboti vye wakulilonga? Phala kutuva samboti vye wakulilonga na mulongesi wave. Lumba momo:

Tanga zi paragafu zitete.
Tanga sivatu sa Bibilya uzive samboti.
Fundika na sisoneku ku vitavu vya vihulu vye.

Collage: A woman preparing for her Bible study session. A. She reads the first page of the lesson. B. She reads the cited scriptures from the Bible. C. She highlights key words and phrases in the lesson.

Wakaziva kali?

Zimbangi za Yehova vezi kutanga Bibilya zinzi. Mazi avu vasola sinene Bibilya Tradução do Novo Mundo das Escrituras Sagradas. Vayisola sinene mukonda ayu yinzimbula sili, kayihwinyi kwiyiva, yali na zina lya Suku.—Tanga mu jw.org mbandu yiywela yiti: “As Testemunhas de Jeová usam uma Bíblia diferente?”

AVAMWE VETI: “Kulilonga Bibilya kuhwinya. Kukhanda yikwau, sesi na masimbu phala kulilonga.”

Vikhi yivi usoka?

VIKHI WATUVA?

Phala kutuva vye vili mu Bibilya, wafanya kunona masimbu phala kutanga Bibilya. Navi watuva kwakuninga nga wasola kutanga Bibilya na kulilonga na mulongesi wave, ulumba lombelo.