LISAU 01
Namwahi Bibilya Yihasa Kukukwasa?
Vose tuli na vihulu kukhanda ya mwenyu ya lamba lya kufa na vyuma vikwau vikwiya kuphala. Netu twezi kusoka momo tukumana vya kulya, na momo tukukhala samboti na khumba. Vathu vezikumona momo Bibilya yiywela kuvye. Bibilya nayu yiywela vye uhasa kulumba phala kukhala na kusanguluka. Mukusoka kwave, Bibilya yihasa kukwasa umwe muthu uziva?
1. Vyuma vikhi Bibilya yiywela?
Vamwe vathu vezi kulihula momo: Mukonda lya vikhi Suku akatulumba? Mukonda lya vikhi vathu vakumona lamba? Muthu aha afa, aya kwahi? Vathu vasoli mbembwa, mukonda lya vikhi kuli vita? Tumbu likwiya lihwa? Suma samboti kulilumba vihulu vye! Mundu winzi vasangi vitavu vyavu mu Bibilya.
2. Kute Bibilya yikukwasa ku sizuwa na sizuwa?
Bibilya yiywela momo uhasa kukhala na khumba ya sanguluka, na momo uhasa kusanguluka na milimu zave, na momo yikukwasa kukhala samboti. Mukanda wo ukukulonga ku vyuma vye Bibilya yiywela na vyuma vikwau. Nga walilonga Bibilya ukumona uti ayu ‘yilonga vyuma vyamboti.’—2 Timóteo 3:16.
Mukanda wo ka Bibilya ku. Mazi awu ukukwasa kuziva samboti Bibilya. Tanga vivatu mu Bibilya phala kutala se evi ukutanga vyasili ni lowo.
LILONGI WEKHA
Ukuziva momo Bibilya yihasa kukwasa vathu, na momo uhasa kusola kutanga Bibilya. Ukulilonga wekha mukonda lya vikhi suma samboti kutambula sikwasu sakulilonga Bibilya na muthu wakasekha.
3. Bibilya yihasa kutuleka munzila
Bibilya yali nañgu simanyiku. Yituhana mana akulumba vyuma vyamboti. Ha yituzimbwili vyuma vikumoneka kuphala ya vizuwa.
Tangyenu Salmo 119:105. Vyelienu kukhanda ya vihulu vye:
O akasoneka zimbimbi ze, wakaywela heti Bibilya yali nañgu vikhi?
Vikhi yive ukusoka kukhanda ya Bibilya?
4. Bibilya yihasa kutava vihulu vyetu
Tala momo Bibilya yakahasa kukwasa umwe mama kusanga vitavu vyendi mu Bibilya. Tala VIDYU. Vyelienu kukhanda ya vihulu vye:
Mu vidyu, vihulu vikhi mama yo akakhala navyo?
Kuti kulilonga Bibilya kwakamukwasa?
Bibilya yiywela yiti nga katwavili tukenga vitavu vya vihulu vyetu. Tangyenu Mateus 7:7. Vyelienu kukhanda ya sihulu se:
Vihulu vikhi wali navyo wasola nga Bibilya yikuzimbwila?
5. Kutanga Bibilya kakuhwinyi
Mundu winzi wezi kutanga Bibilya yekuvakwasa. Tala VIDYU. Vyelienu kukhanda ya vihulu vye:
Mu vidyu, mukonda lya vikhi vakwenze kavakakhele kusola kutanga?
Amuni, mukonda lya vikhi yivu vakusola kutanga Bibilya?
Bibilya yiywela yiti vyuma vikukawaha kuphala ya vizuwa. Tangyenu Romanos 15:4. Vyelienu kukhanda ya sihulu se:
Wasola kuziva wekha vyuma vye vya waha Bibilya yiywela?
6. Lomba sikwasu ku vakwenu phala kulilonga Bibilya
Vamwe vathu vezi kutanga Bibilya, mazi vamoni veti vezikusanga sikwasu sinene ha vezi kulilonga na vakwau. Tangyenu Atos 8:26-31. Vyelienu kukhanda ya sihulu se:
Namwahi tuhasa kuziva samboti Bibilya?—Tala sithimbu 30 na 31.
Mu mukanda wa Atos lizimbula liti umwe muyala wakalomba sikwasu phala kwiva samboti Bibilya. Kulinu vathu vezi kumona veti kulilonga Bibilya na vakwau ko kuvakwasa
AVAMWE VETI: “Kulilonga Bibilya kukamba milimu.”
Nave utava mwenyomo? Mukonda lya vikhi?
VIKHI WATUVA?
Bibilya yituhana mana akukhala na kusanguluka ku sizuwa na sizuwa. Ha yitave vihulu na kutuzimbwila vyuma vyamboti vikwiya kuphala ya vizuwa.
Kuzimbuluka
Mana akhe tusanga mu Bibilya?
Vihulu vikhi Bibilya yitava?
Vikhi wekha wasola kutuva mu Bibilya?
KENGA WEKHA
Ziva momo Bibilya yihasa kutukwasa.
“Os conselhos da Bíblia são sempre atuais” (A Sentinela No. 1 2018)
Tala momo Bibilya yakakwasa mona muyala mu uhe wendi kati ku ukulu akakhala kusoka kuliziha.
Tala vye Bibilya yiywela twafanya kulumba phala kukhala samboti na khumba.
“12 segredos para uma família ser feliz” (Despertai!, N.º 2 de 2018)
Vathu vezi kuywela veti Suku akutumina tumbu, mazi tala vyuma Bibilya yiywela.