LISAU 17

Kuti Yesu Akakhala?

Momo Yali

Tuhasa kuziva samboti Yesu nga twalilonga vye akalumba na vye akalonga hanu hosi. Amomo twakuhasa kukhala na tukahalu ka Yehova na Yesu. Kuti twaziva tuti Yesu wakakhala muthu wamboti? Namwahi tuhasa kumulandula?

1. Namwahi Yehova na Yesu valififa?

Yesu wakakalakala mivu zinzi kolu akatuvi vyuma vinzi na Yisi. Mukonda lya mwemomo Yesu ezi kusoka, yowo ezi kuliva nañgu Yehova. (Tanga João 5:19.) Yesu ezi kukengelesa samboti vilinga vya Yisi wamomo akaywela heti: “Mweshowou añgumoni, wamona tata.” (João 14:9) Nga walilonga kukhanda ya Yesu wakuziva samboti Yehova. Nga wasoka momo Yesu akakhala kukwasa vathu, kwa kukuzimbwilisa sisola Yehova ali nasu kwavi.

2. Namwahi Yesu akaleka sisola sinene kwa Yehova?

Yesu wakaywela momo: “Phala vathu kuziva kwakuninga nali na sisola kwa Tata ñgulumba viose yindi añgutumina.” (João 14:31) Yesu wakakhala kulumba viose Yehova asoli, ola ha akakhala kuhita na vyuma vihwinya. Yesu wakakhala na sisola sakuywela kukhanda ya Yisi, nakukwasa vakwau kukhala tuhalu twa Suku.—João 14:23.

3. Namwahi Yesu akaleka sisola ku vathu?

Bibilya yiti Yesu “asola sinene vathu.” (Provérbios 8:31) Yesu wakakhala kulihana samboti na vathu. Kakakhele na kahandu. Vilinga vyendi na vye akakhala kulonga vya kakwasa sinene vathu kuliva samboti. Yesu kakhakeleli kusoha vathu phala kuleka tuhu zikhono zendi, mazi mukonda lya sisola akakhala nasu ku vathu. (Marcos 1:40-42) Avye Yesu akalonga vya kahana sikwasu na silevelelo samboti ku vathu vamboti. Yesu wakamona lamba akafi mukonda wali na sisola sa vathu. Mazi endi wali na sisola sinene ku va vezi kulumba vye yindi akatumina.—Tanga João 15:13, 14.

LILONGI WEKHA

Ziva samboti momo Yesu atokala. Khala na sisola lihani samboti na vakwenu nañgu Yesu.

4. Yesu wali na sisola kwa yisi

Evi Yesu akalumba vituleka momo twafanya kuleka sisola kwa Suku. Tangyenu Lucas 6:12 na João 15:10; 17:26. Vyelienu kukhanda ya sihulu se:

Namwahi tuhasa kuleka sisola setu kwa Yehova nañgu Yesu?

Yesu wali mukulumba lombelo. — Yesu wakakhala na sisola kwa Yisi yo akakhala kuywela nendi ku malombelo

5. Yesu wezi kuzinda ha ezi kumona vathu mukuhita na lamba

Yesu wakakhala kulumba zikhono zinzi phala kukwasa vathu ola ha akakhala kukata. Tangyenu Marcos 6:30-44. Vyelienu kukhanda ya sihulu se:

Namwahi Yesu akaleka sali ku vathu?—Tala vithimbu 31, 34, 41 na 42
Mukonda lya vikhi Yesu akasola kukwasa vathu?—Tala sithimbu sa 34.
Twatuva tuti Yesu wezi kukengelesa vilinga vya Yisi. Amuni avye akalumba vitulonga vikhi kukhanda ya Yehova?
Namwahi netu twafanya kuleka sisola ku vathu nañgu Yesu?

Yesu wakalumba siliwanu waka venesa sitanu sa mbolo na mbinzi zivali ku vathu venzi. Zindongi vali mukuvenesa makulia ku vayala, vakhetu na vana vazikhemba.

6. Yesu muthu wamboti

Yesu kakakheleli na vyuma vinzi, mazi ola mwemomo, wakakhala kukwasa vakwau. Endi heti netu mwemomo twafanya kulumba. Tangyenu Atos 20:35. Vyelienu kukhanda ya sihulu se:

Yesu heti vikhi vya kutukwasa kukhala na kusanguluka?

Talyenu VIDYU. Vyelienu kukhanda ya sihulu se:

VIDYU: “Kuhana Kutuha Kusanguluka”—Sithimbu (4:00)

Ola katwesi na vyuma vinzi, namwahi tuhasa kukwasa vakwetu?

Waziva kali?

Bibilya yitulonga yiti twafanya kulomba kwa Yehova mu zina lya Yesu. (Tanga João 16:23, 24.) Nga twalumba vye, twakuleka mukomo kwa Yesu ku vye akatulumba phala yitu kukhala tutuhalu twa Suku.

AVAMWE VETI: “Suku kesi na sali sa vathu.”