LISAU 16
Vikhi Yesu Akalumba ha Akakhala Hanu Hosi?
Vamwe vathu vezi kusoka veti Yesu mona khemba, vakwau vezi kusoka veti profeta. Kukhanda yikwau, avamwe ha vezi kusoka Yesu vezi kuzimbuluka tuhu momo yindi akafa. Mazi tuhasa kutuva vimwe vyuma aha akakhala hanu hosi? Mu lisau ye twakutala vye Yesu akalumba na momo vihasa kutukwasa.
1. Milimu zikhi zalanda Yesu akakhala kulumba?
Milimu zalanda Yesu akakhala kulumba “kulonga vathu kukhanda ya Uñgana wa Suku.” (Tanga Lucas 4:43.) Yesu wakalonga heti Uñgana wa Suku wakumana vithombo viose vya vathu.a Yesu wakalumba mivu zitatu na kulonga mizimbu zamboti ze.—Mateus 9:35.
2. Mukonda lya vikhi Yesu akakhala kulumba vyuma vikasumwisa?
Bibilya yiywela vyuma “vinzi vikasumwisa akalumba kukhanda ya [Yesu].” (Atos 2:22) Suku wakahana zikhono zendi kwa Yesu. Endi akahasi kuhana kulya ku mundu winzi na winzi, kusoha mawuvezi, na kuhindula vathu vakafa. (Mateus 8:23-27; 14:15-21; Marcos 6:56; Lucas 7:11-17) Vyuma vye Yesu akakhala kulumba vileka kwakuninga Suku akamutuma. Kukhanda yikwau, avye navyu vitulekesa kwakuninga Yehova ali na zikhono zakumana vithombo viose vya vathu.
3. Mwenyu wa Yesu utulonga vikhi?
Yesu wakakhala kulumba vye Tata yendi asola, ola ha akakhala kuhita na vyuma vya viha. (Tanga João 8:29.) Wakalumba vye Yisi asola kate mu kufa kwendi. Avye vitulonga kwakuninga netu tuhasa kulumba vye Suku asoli, ola ha twakuhita na vyuma vya viha. Yesu wakalumba vyuma viose vye phala yitu ‘kulandula ziñganyu zendi.’—1 Pedro 2:21.
LILONGI WEKHA
Tala vyuma vye vikasumwisa Yesu akalumba, na mizimbu zamboti akalonga.
4. Yesu wakalonga mizimbu zamboti
Yesu wakenda sinene phala kulonga vathu mbimbi ya Suku. Tangyenu Lucas 8:1. Vyelienu kukhanda ya vihulu vye:
Yesu wakakhala kunengenena vathu kuya kwendi phala kuvalonga?
Vikhi Yesu akakhala kulumba phala kusanga vathu?
Bibilya yakaywela kali yiti Suku wakukahanda muthu akukalonga vathu vye yindi akulumba kuphala ya vizuwa. Tangyenu Isaías 61:1, 2. Vyelienu kukhanda ya vihulu vye:
Namwahi Yesu akalumba vye twavula mukutanga mu sivatu se?
Usoka uti kulinu kumbi vathu vavinga kwiva vyuma vye?
5. Yesu wakalonga vyuma vyamboti vili na mukomo
Yesu nendi wakalonga mana amboti. Tala vimwe vyuma yindi akalonga. Tangyenu Mateus 6:14, 34 na 7:12. Vyelienu kukhanda ya vihulu vye:
Mana akhi Yesu akalonga mu vivathu vye?
Usoka uti mana aha ahasa kukwasa vathu kulinu kumbi?
6. Yesu wakalumba vyuma vikasumwisa
Yehova wakahana zikhono zinzi kwa Yesu phala kulumba vyuma vinzi vikasumwisa. Tangyenu Marcos 5:25-34 ni lowo Talyenu VIDYU. Vyelienu kukhanda ya vihulu vye:
Mukhetu yo wakavinza sinene, mazi ola mwemomo sili sikhi akakhala nasu?
Vikhi vya kuwehela sinene ku vye Yesu akalumba?
Tangyenu João 5:36. Vyelienu kukhanda ya sihulu se:
Evi Yesu akalumba vileka vikhi?
Waziva kali?
Viose twaziva kukhanda ya Yesu vyali mu Bibilya mu mikanda za Mateus, Marcos, Lucas, na João. Mikanda ze vazishana veti Evangelhos. Ziywela kukhanda ya mwenyu wa Yesu.
MATEUS
mukanda utete wa zi Evangelhos. Uleka vyuma vinzi, landa lya landa vye Yesu akalonga kukhanda ya Uñgana wa Suku.
MARCOS
mukanda utoko wa zi Evangelhos. Mazi uleka vilinga vinzi vya Yesu.
LUCAS
mukanda wo uleka momo kulomba kwakakhala suma sinene phala Yesu na momo akakhala kuhana mukomo ku vakhetu.
JOÃO
mukanda wo uleka momo Yesu akakhala kulihana samboti na makamba endi na vathu vakwau. Na momo twafanya kulandula Yesu.
AVAMWE VETI: “Yesu kamona wa Suku aku, endi wakakhala muthu tuhu.”
Avi me usoka kuti?
VIKHI WATUVA
Yesu wakalonga kukhanda ya Uñgana wa Suku, wakakhala kulumba vye Yehova asoli, akalumbi vyuma vikasumwisa.
Kuzimbuluka
Milimu zikhi zalanda Yesu akakhala kulumba?
Evi Yesu akalumba vitulonga vikhi?
Vyuma vikasumwisa Yesu akakhala kulumba, vitulonga vikhi kukhanda ya yindi?
KENGA WEKHA
Vyuma vikhi vya landa Yesu akakhala kuywela?
“Por que o Reino de Deus é importante para Jesus” (A Sentinela, 1.º de outubro de 2014)
Tala mukonda lya vikhi twali na sili sakuninga vikasumwisu vya Yesu vya kamoneka.
“Os milagres de Jesus o que pode aprender deles?” (A Sentinela, 15 de julho de 2004)
Tala momo mwenyu wa umwe muyala wakahinguluka ha akalilonga kukhanda ya mwenyu wa Yesu.
“Eu pensava apenas em mim mesmo” (A Sentinela, 1.º de outubro de 2014)
Tala vyuma Yesu akalumba hanu hosi ku umetekelu wa mwenyu wendi kate ku usukilu.
a Zi lisau za 31 kate 33 za kuywela kukhanda ya Uñgana wa Suku.