LISAU 33
Vikhi Uñgana wa Suku Wakukalumba?
Uñgana wa Suku wali kali mu kutumina kolu. Kwakamba kandambu, phala Uñgana wa Suku kulumba vyuma vyamboti hanu hosi. Mu lisau ye, twakutuva vyuma vyamboti wakukalumba.
1. Namwahi Uñgana wa Suku wakuniha mbembwa mu tumbu liose?
Bibilya yiti: “Kwakamba kandambu, vathu vaviha vakuhwa.” Yesu, Ñgana ya Uñgana wa Suku, wakukamana vathu vaviha na zinguvulu za vayala kuvita vye Bibilya yishana yiti Armagedom. (Salmo 37:10; Apocalipse 16:14, 16) Yesu akuniha mbembwa mu tumbu liose.—Tanga Isaías 11:4.
2. Namwahi mwenyu wetu ukukhala ha Suku akukalumba vye yindi asoli ku vathu?
Asi soka kukhala mu tumbu lye vathu vose vakukakhala na sisola kwa Yehova, na muthu na mukwau! “Vathu vamboti vakukakhala hosi, vakakhali mu tumbu na mwenyu kawezi kuhwa.” (Salmo 37:29) Kakwesi yo akukhala na kuvinza, vosi vakukhala na mwenyu kauhwi. Mwemomo twakukhala hose Uñgana wa Suku wakutumina hanu hosi.
3. Vikhi Uñgana wa Suku wakulumba hose vathu vaviha vakuvamana?
Hose vathu vaviha vakuhwa, Yesu akukatumina 1000 ya mivu. Kumivu zasu, Yesu na 144.000 vakwiya vakakwasi vathu hanu hosi phala kavakhali wekha na situsi. Tumbu lyeni liosi lya kukhala lya waha. Vathu vakukhala na kusanguluka kwinzi mukonda vose vakutava vituminu vya Yehova. Mukusuka kwene, Yesu akukavutwisa Uñgana kwa yisi. Ha vye vikukamoneka, zina lya Yehova likwiya “likawahi samboti.” (Mateus 6:9, 10) Vose vakwiya vakazive kwakuninga Yehova Ñgana yamboti, wali na sali sa vathu. Yehova wakukazimisa Sathana, zidemonyo na vathu kavezi kutusula vyuma vya viha. (Apocalipse 20:7-10) Katwesi kwiya tukakhala wekha na mwenyu twali nawu kulinu.
LILONGI WEKHA
Tala mukonda lya vikhi twali na ufelelo kwakuninga Suku akulumba vyuma vyamboti kukhanda ya Uñgana wendi kuphala ya vizuwa.
4. Uñgana wa Suku wakumana na zinguvulu za tumbu
Bibilya yiti: “Vathu vezi kutumina vakwau phala kuvamwesa lamba.” (Eclesiastes 8:9) Yehova akumana vyuma vye vya viha kukhanda ya Uñgana wendi.
Tangyenu Daniel 2:44 na 2 Tessalonicenses 1:6-8. Vyelienu kukhanda ya vihulu vye:
Vikhi Yehova na Mona endi Yesu vakukalumba kuzinguvulu na va vezi kuvakwasa?
Amomo waziva samboti Yehova na Yesu. Mukusoka kwavi, suma samboti ni lowo kumana na zinguvulu?
5. Yesu Ñgana yamboti
Yesu Ñgana ya Uñgana wa Suku, endi akulumba vyuma vyamboti phala kukwasa vathu munu mu tumbu. Talyenu VIDYU phala kutala kwakuninga Yesu wasola kukwasa vathu.
Vyuma vye Yesu akalumba ha akakhala hosi, vileka kwakuninga endi akuhasa kulumba vyuma vyamboti ku Uñgana wa Suku. Zimboti zikhi wasola nga zimoneka? Tangyenu vivathu vya Bibilya viywela vyuma vye.
HOSE YESU AKAKHALA MUNU MU TUMBU . . . |
YESU KOLU . . . |
|---|---|
|
|
|
|
|
|
|
|
6. Uñgana wa Suku wakuhana zimboti kazezi kuhwa
Uñgana wa Suku wakuhana mwenyu wamboti ku vathu mupalayizu hanu hosi nañgu momo Suku akasola ku umetekelu. Talyenu VIDYU phala kuziva vye Yehova akatumina Yesu kulumba kuphala ya vizuwa.
Tangyenu Salmo 145:16. Vyelienu kukhanda ya sihulu se:
Namwahi uliva ha uziva kwakuninga Yehova akwiya “akatuhi vyosi twasola”?
AVAMWE VETI: “Nga vosi twakalakala kumuheka, twakuhasa kumana vithombo munu mu tumbu.”
Vithombo vikhi zinguvulu kavahasi kumana, mazi Uñgana wa Suku uhasa kumana?
VIKHI WATUVA
Suku akulumba viose asoli kukhanda ya Uñgana wendi. Wakalumbisi tumbu lye phala ku waha. Vathu venzi vamboti vakukasimanya Yehova ku mivu zose.
Kuzimbuluka
Namwahi Uñgana wa Suku ukuwehesa zina lyendi?
Mukonda lya vikhi tuhasa kukhala na sili kwakuninga Uñgana wa Suku ukulumba vyuma viose Bibilya yakeneka?
Kukhanda ya vyuma viose Uñgana wa Suku wakukalumba, vikhi yivi usola nga vimoneka sinene?
KENGA WEKHA
Lilongi phala kuziva se Armagedom vikhi.
Tanga phala kuziva vye vikkamuneka ku vye Yesu akashana heti “lamba likola.”—Mateus 24:21.
Tala momo khumba yihasa kusoka mu palayizu.
Mu mukanda wo uvyela momo: “Nakakhala na Vihulu Vinzi vya Kakhala Kukuzikisa mu mbungi”, tala momo umwe muthu kakakheli na woma wa zinguvulu, wakasanga sikwasu akakhala kukenga.
“A Bíblia muda a vida das pessoas” (A Sentinela, 1.º de janeiro de 2012)