Vikhi Vikukwasa Kuliva Samboti Konzu Yavi?—Mbandu 2

Vana zimboti za Yehova. Endi wasola nga zitata valava samboti vana. Yehova ezi kuhana mana phala kukwasa vitata kulava samboti vana vavu. Milongi za Suku ezi kukwasa vana kulumba mbandu yavu phala kukwasa khumba kukhala na kusanguluka konzu.

1. Mana akhi Yehova ahana ku vitata?

Yehova wasola nga vitata vakhala na sisola na khumba yavu ha vahiti masimbu nayu. Endi nendi wasola nga vitata valava samboti vana vavu, ha valongi milongi za Bibilya. (Provérbios 1:8) Yehova avela momo kuvitata: “Pamyenu kulonga vana venu muzinzila za Yehova.” (Efésios 6:4) Endi, ezi kusanguluka nga vitata vahotoloka muzinzila za Yehova. Endi kasoleli nga vitata vahana vana vavu phala kuvatekula ku vakwau.

2. Mana akhi Yehova ahana ku vana?

Yehova aywela momo ku vana: “Tavyenu ku milongi za vitata zenu.” (Tanga Colossenses 3:20.) Nga vana vahotolokeli viyisi ha valeki vumbi, vahasa kusangulwisa mbungi ya Yehova. Vitata navu vasanguluka. (Provérbios 23:22-25) Hosi Yesu akakhala mona khemba wakakhala kwiva viyisi. Yesu kakakeleli kulumba vyuma vya viha, mazi ola mwemomo endi wakakhala kuhotolokela viyisi.—Lucas 2:51, 52.

3. Vyuma vikhi khumba yafanya kulumba phala kukhala samboti na Suku?

Nga utata, nga umama, avi wasola sinene vana vavi vakhala na sisola sineni kwa Yehova nañgu yivi. Namwahi uhasa kuvakwasa? Nga walumba vye Bibilya yiywela. Ayu yiti: “Mwafanya kulonga samboti zimbimbi [za Yehova] ku vana venu, hose mokukhala hamuheka monzu yenu, ni lowo mukwenda munzila.” (Deuteronômio 6:7) “Kulonga samboti” kulomboloka kuvutuka mukulonga heka vye wakalonga. Avi waziva kwakuninga phala vana vavye kuziva samboti simwe suma, wafanya kuvutuka muywela suma sasu vizuwa vikwau. Amoni sivatu se sa Bibilya sileka kwakuninga, avi watokala kukenga masimbu phala kulonga vana vavi. Sima siteti watokala kulumba, kusa sizuwa simuhekha ku semana yose phala kulilonga Bibilya na khumba. Nga kwakuninga kwesi na vana, ola mwenyomo watokala kunona masimbu phala kulilonga Bibilya semana zose.

LILONGI WEKHA

4. Longa vana vavi na sisola

Kulonga vana kuhwinya, mazi namwahi Bibilya yihasa kukukwasa? Tangyenu Tiago 1:19, 20. Vyelienu kukhanda ya vihulu vye:

• Namwahi vitata vahasa kuleka sisola, mukuywela na vana vavu?

• Mukonda lya vikhi vitata kavatokeleli kulonga vana nga vali na tathi?a

5. Lava vana vavi samboti

Phala kuliva vana vavi, suma samboti kuywela navu kukhanda ya kulizeka ola kwakuninga yivi kuwiva zisonyi. Talyenu VIDYU. Vyelienu kukhanda ya vihulu vye:

VIDYU: Lava Samboti Vana Vavi ku Vyuma Vya Viha (2:58)

• Mukonda lya vikhi vamwe vitata kavezi kuliva samboti kuywela ku vana kukhanda ya kulizeka?

• Kuti vamwe vitata vakahasa kuywela na vana vau kukhanda ya kulizeka?

Nañgu momo Bibilya yiywela, tumbu lya Sathana lya viha. Tangyenu 2 Timótio 3:1, 13. Vyelienu kukhanda ya vihulu vye:

• Mu sithimbu sa 13 saywela kukhanda ya vathu vaviha. Avamwe vathu vasu veni va, vezi kulizeka na vana vazikemba. Amuni, mukonda lya vikhi suma samboti vitata vafanya kulonga vana vavu kukhanda ya kulizeka na vye wafanya kulumba nga umwe muthu asoli kulizeka navu?

Waziva kali?

Zimbangi za Yehova vali na mikanda zinzi zilonga momo vitata vafanya kulonga vana kukhanda ya uyala na ukhetu, na momo vafanya kulava vana vavu ku vathu va vezi kulumba vyuma vya viha na vana vazikhemba. Tala vimwe vyuma:

• Lava Vana Vavi Samboti (VIDYU)

• Aprenda do Grande Instrutor, zi kapitulu 10 na 32

• “Como falar com seus filhos sobre sexo?” (Despertai!, n.º 5 de 2016)

6. Leka vumbi ku vitata vavi

VIDYU: Namwahi na Kuywela na Viyisi Yami? (2:19)

• Mukonda lya vikhi vakwenzi vafanya kulumba zikhono phala kuywela na viyisi?

• Namwahi vana vafanya kuleka vumbi mu kuywela na viyisi?

Tangyenu Provérbios 1:18. Vyelienu kukhanda ya sihulu se:

• Vikhi vakwenzi vafanya kulumba nga yisi amukandi simwe suma?

7. Kusimanya Yehova na khumba

Zikhumba za Zimbangi za Yehova, vezi kunona masimbu simwe sizuwa phala kulilonga Bibilya kumuheka na vana vavu konzu. Avye vezi kulumba vavishana veti kusimaya kumuhekha na khumba. Namwahi wezi kulumba ulongeso wasu? Talyenu VIDYU. Vyelienu kukhanda ya vihulu vye:

VIDYU: Kusimaya Kumuhekha na Khumba—Vihango na Zimboti (8:04)

• Namwahi khumba vafanya kulitinga phala kusimanya kumuheka?

• Namwahi vitata vahasa kukwasa vana vavu kuliva samboti mu kusimanya Yehova?—Talyenu fotu umetekelu wa lisau ye.

• Avi me, vikhi wezi kukuhwinya kusimanya Yehova kumuhekha na khumba?

Mu mivu za munyima, Yehova wakasola nga mbunga ya Israel vaywela kukhanda ya zimbimbi ze ku vizuwa viose. Tangyenu Deuteronômio 6:6, 7. Vyelienu kukhanda ya sihulu se:

• Namwahi uhasa kulandula milongi ze kumwenyu wavi?

Tala vimwe vyuma mwafanya kulumba:

• Kulilonga vye twakuywela mu sikungulwila.

• Mutanga simwe sivathu mu Bibilya amuyweli vye mwatuva.

• Nga wali na vana vazikhemba, nona vidyu ni lowo mikanda ziywela kukhanda ya vana vazikhemba mu jw.org.

• Nga wali na vana ya vakwenze, vyela navu kukhanda ya vyuma za vakwenze mu jw.org.

• Kengelesenu amumaka aha Bibilya na vana vavi.

• Talyenu yimwe vidyu ya mu jw.org, mu vyeli kuvye mwatuva.

VIKHI WATUVA

Yehova wasola nga vitata: (1) Valeka sisola ku vana vavu, vavalonga na kuvalava; (2) Vana vahotolokela viyisi havaleki vumbi; (3) Khumba vezi kusimanya kumuheka Yehova.

Kuzimbuluka

• Namwahi vitata vahasa kulonga na kulava vana vavu?

• Namwahi vana vahasa kuleka kavumbi ku viyisi?

• Mukonda lya vikhi mwafanya kusimanya Yehova na khumba mu zi semana zose?

KENGA WEKHA

Vyuma vikhi vihasa kukwasa vana vavi aha vakukula?

“Seis lições para ensinar ao seu filho” (Despertai!, n.º 2 de 2019)

Tala mana aha Bibilya yina kuva vakulava viyisi vakuku.

“O que a Bíblia diz sobre cuidar de pais idosos?” (Mu jw.org)

Tala momo umwe muyala kakazivili momo akatokala kulonga vana vendi kukhala tata yamboti.

Jeová nos ensinou a criar nossos filhos (5:58)

Tala momo umwe tata afanya kukhala na ukamba wamboti na mona konzu.

“Como o pai pode se manter achegado a seu filho?” (A Sentinela, 1.º de novembro de 2011)