Sangulwisa Yehova ku Vye Wezi Kuywela

Kuywela suma samboti Yehova akatuha. Namwahi Yehova ezi kuliva ku vye twezi kuywela? Wezi kuhana mukomu. (Tanga Tiago 1:26.) Amomo namwahi tuhasa kuywela samboti phala kusangulwisa Yehova?

1. Namwahi twafanya kuywela?

Bibilya yiti: “Twafanya kulikwasa na kulikolesa umwe na mukwau.” (1 Tessalonicenses 5:11) Waziva umwe muthu kesi kuliva samboti wasola kukwasa? Vikhi wafanya kulumba phala muthu wasu kuliva samboti? Leka ku muthu wasu kwakuninga wali na sali nendi. Vyuma wafanya kulumba vye: kupanda kuvilinga vendi, kutanga nendi simwe sivatu mu Bibilya phala kumukwasa kuliva samboti. Mazi zimbuluka kwakuninga avye yivi uywela vihasa kukwasa ni lowo kuzindisa muthu. Amomo, watokala kulivendeka na kuywela samboti na vakwenu.—Provérbios 15:1.

2. Vyuma vikhi katwatokeleli kuywela?

Bibilya yiti: “Kamuvuli mbimbi ya viha mukanwa kenu.” (Tanga Efésios 4:26.) Avye vilomboloka kwakuninga katwatokeleli kuywela zimbimbi za viha ni lowo ze zizindisa vakwetu. Kukhanda yikwau, twatokala kutusula mbwembwe na kuywela vyuma vya mambu.—Tanga Provérbios 16:28.

3. Vikhi vya kutukwasa kuywela vyuma vyamboti?

Avye yitu twezi kuywela, vileka vye vyali kumbungi yetu. (Lucas 6:45) Amomo twafanya kulumba zikhono phala kusoka ku vyuma vyamboti na vyuma vya sili, na vye vyali na mukomu. (Filipenses 4:8) Wamona twatokala kuhanda samboti makamba etu na momo twezi kuhema. (Provérbios 13:20) Kukhanda yikwau, twatokala kusoka samboti ku vye twakuywela. Bibilya yiti: “Zimbimbi za viha zalififa nãngu kukutoma na phoku yinene, mazi linyi lya vakamana lisoha.”—Provérbios 12:18.

LILONGI WEKA

4. Soka samboti ku vye wakuywela

Kuli hamwe twezi kuywela vimwe vyuma ka vyamboti aku. (Tiago 3:2) Tangyenu Gálatas 5:22, 23. Vyelienu kukhanda ya vihulu vye:

• Sivatu se twavula mukutanga, siywela kukhanda ya vilinga vinzi vya momo twatokala kuywela na vakwetu. Vilinga vikhi wasola nga Yehova akukwasa kukhala navyu? Namwahi vilinga vyasu vihasa kukukwasa?

Tangyenu 1 Coríntios 15:33. Vyelienu kukhanda ya sihulu se:

• Namwahi makamba etu, na vye twezi kutala mu televisau na zimuzika ze twezi kwiva, vihasa kutulumbisa kuywela vyuma vya viha?

Tangyenu Eclesiastes 3:1, 7. Vyelienu kukhanda ya sihulu se:

• Mukonda lya vikhi wafanya kusoka se wakuywela ni lowo?

5. Kuyweli mwaviha kukhanda ya vakwenu

VIDYU: Twafanya “Kuywela Samboti na Vakwetu” (4:07)

• Mu vidyu, mukonda lya vikhi yindi akasoka kwakuninga kuywela mwaviha ku vakwau ka suma samboti aku?

• Amoni vikhi yindi akalumba?

Tangyenu Eclesiastes 7:16. Vyelienu kukhanda ya sihulu se:

• Nga hamwe wezi kusola kuywela mwaviha ku vakwenu, vikhi wafanya kulumba?

Tangyenu Eclesiastes 7:21, 22. Vyelienu kukhanda ya sihulu se:

• Namwahi sivatu se sikukwasa phala kuthati nga umwe muthu akuyweli mwaviha?

6. Vyela na sisola na khumba yavi

VIDYU: Khala na Sisola na Vumbi mu Khumba Yavi (3:08)

• Vikhi vya kukukwasa kuvyela samboti na khumba yavi?

Tangyenu Efésios 4:31, 32. Vyelienu kukhanda ya sihulu se:

• Namwahi twafanya kuywela na khumba yetu?

Yehova wakaywela heti: ‘Nali na sisola sa monami.’ Tangyenu Mateus 17:5. Vyelienu kukhanda ya sihulu se:

• Avye vikulonga vikhi kukhanda ya momo wafanya kuywela na khumba yavi konzu?

VIKHI WATUVA

Zimbimbi zetu zali na zikhono zinzi. Wamona twatokala kulivendeka momo twafanya kuywela na vye twakuywela.

Kuzimbuluka

• Vyuma vikhi vyamboti wafanya kuywela phala kukwasa vakwenu?

• Vyuma vikhi vya viha yivi kwatokeleli kuywela?

• Vikhi vya kutukwasa kukhala kuywela vyuma vye vyamboti?

KENGA WEKHA

Vikhi vya kukukwasa kuywela vyuma vyamboti?

Tenha a língua dos sábios (8:04)

Tala vye vihasa kukukwasa kutula kusiñgana.

“Será que dizer palavrões é assim tão mau?” (Mu jw.org)

Tala momo tuhasa kutusala kuywela mwaviha ku vakwetu.

Fofoca? Sai dessa! (2:36)

Tala momo Yehova akakwasa umwe muyala kutula kusiñgana.

“Comecei a pensar no rumo que a minha vida estava a tomar” (A Sentinela, 1 de agosto de 2013)