LISAU 53
Namwahi Tuhasa Kuhanda Kuhema Kwetu?
Yehova “Suku ya sakunguluka.” (1 Timóteo 1:11) Endi wasola nga netu tukhala na kusanguluka kumwenyu wetu. Kukhanda yikwau, endi wasola nga tunona masimbu phala kunyoka. Mu lisau ye, twakutuva momo twafanya kunona masimbu etu phala kuhema se kulava vye visangulwisa Yehova.
1. Vikhi twafanya kusoka kukhanda ya kuhema kwetu?
Vikhi wezi kulumba aha wenzi kunona masimbu phala kunyoka? Avamwe wezi kukhala konzu phala kutanga, kutala zividyu na kwiva tuselu. Avamwe vezi kukasa ndundu. Avamwe vezi kusola kwenda kandambu na kuvia. Kuhema kwetu kwafanya “kusangulwisa Ñgana.” (Efésios 5:10) Suma samboti kusoka kukhanda ya vyuma vye, mukonda avamwe vathu vezi kuhanda kuhema ko kwali na vyuma vinzi Yehova kasoli, nañgu zingunda undumbu, na vyuma vya vanda ku wanga. (Tanga Salmo 11:5.) Vikhi vya kutukwasa kuhanda kuhema kwamboti?
Nga twakhala na makamba a vathu va vali na sisola kwa Yehova, avuvu vakutukwasa kuhanda kuhema kwamboti. Mu lisau 48, twatuva tuti: “Mweshou enda na ndimo nendi alimuka, mazi mweshou a nendi na vyova nendi wakukhala nañgu vuvu.”—Provérbios 13:20.
2. Vikhi twafanya kulumba phala katuvisi masimbu enzi mu kuhema kwetu?
Kuhema suma samboti. Mazi twatokala kulivendeka phala katuvisi masimbu enzi mu kuhema. Nga twahita masimbu enzi mu kuhema katwesi kukhala na masimbu phala kulumba vyuma vya mukomu. Bibilya yezi kuvyela kwakuninga “twafanya kundesa [samboti] masimbu etu.”—Tanga Efésios 5:15, 16.
LILONGI WEKHA
Tala momo uhasa kulumba kayula kamboti ku vye ukuhema navyu.
3. Tusula vyuma vye Yehova kasoli
Mukonda lya vikhi twafanya kuhanda samboti kuhema kwetu? Talyenu VIDYU. Vyelienu kukhanda ya vihulu vye:
Namwahi kuhema kwakakhala mu Roma, kwalififa nañgu kwalinu kumbi?
Mu vidyu, vikhi Daniel akatuva kukhanda ya kuhema kwasu?
Tangyenu Romanos 12:9. Vyelienu kukhanda ya sihulu se:
Namwahi sivatu se, sikukwasa kuhanda samboti kuhema kwavi?
Vyuma vikhi Yehova kasoli? Tangyenu Provérbios 6:16, 17 na Gálatas 5:19-21. Vyelienu kukhanda ya sihulu se:
Vyuma vikhi twatanga mu sivatu se, vyezi kumoneka kulinu kumbi?
Vyuma vikhi vya kukukwasa kuhanda samboti kuhema kwavi?
Asi soka ku vihulu vye:
Vikhi? Kuhema ko kwali na vimwe vyuma Yehova kasoli?
Masimbu akuti? Kuhema ko kwakuñgunona masimbu nambeli kulumba navyu vyuma vikwau vya mukomu?
Yili? Ayo nezi kuhema nendi, ezi kulumba vye Yehova asola?
Kutina teki suma samboti. Mweni mumuheka, nga twali na zikhangu se kumwe kuhema kwamboti ni lowo, suma samboti twafanya kulumba, kuhewa
4. Ndesa samboti masimbu avi
Talyenu VIDYU. Vyelienu kukhanda ya sihulu se:
Nañgu momo twamona ku vidyu ye, muthu yo kakakheleli kulumba vyuma vya viha. Mazi wakakhala kundesa samboti masimbu endi?
Tangyenu Filipenses 1:10. Vyelienu kukhanda ya sihulu se:
Namwahi sivatu se sihasa kutukwasa kusoka se masimbu akuti twakuhita mu kuhema kwetu?
5. Handa samboti vye wakuhema navyu
Twaziva kwakuninga kwali vyuma vinzi Yehova kasoli, mazi kwali wekha vyuma vinzi vyamboti twafanya kuhema navyu. Tangyenu Eclesiastes 8:15 na Filipenses 4:8. Vyelienu kukhanda ya sihulu se:
Kuhema kukhi yivi usola sinene?
Kwali vyuma vinzi usola kukhala kuhema navyu
AVAMWE VETI: “Kakwesi maka, kutanga ni lowo kutala zividyu ze zali na zingunda, undumbu ni lowo wanga.”
Namwahi ukumutava?
LILONGI WEKHA
Yehova wasola nga tuhanda samboti kuhema kwetu na vye twakutala.
VIKHI WATUVA?
Kuhema kukhi zi Kilistau kavatokeleli kulumba?
Mukonda lya vikhi twafanya kulivendeka na masimbu aha, twakuhita mukuhema?
Mukonda lya vikhi yivi wafanya kuhanda kuhema ko kusangulwisa Yehova?
KENGA WEKHA
Tala se yili atokala kutuvyela vye wakuhema navyu.
“Será que as Testemunhas de Jeová proíbem certos filmes, músicas ou livros?” (Mu jw.org)
Tala momo twafanya kuhanda vye twatokala kuhema navyu.
“Será que a sua recreação é benéfica?” (A Sentinela, 15 de outubro de 2011)
Tanga phala kuziva se mukonda lya vikhi umwe muyala akatusula kuhema kwa viha.
Tala momo mama yo akahasa kulumba kayula kamboti kakutusula kutala zividyu ze zivyela vyuma vya wanga.