LISAU 7

Vyela Sili

Lucas 1:3

VYE WAFANYA KULUMBA: Vyela mizimbu za sili phala kukwasa vathu kuziva vye vatokala kulumba.

Kenga mikanda ze zivyela sili. Vyose wafanya kuvyela vileka kwakuninga vyali mukuvula mu Bibilya. Nga wahasa, tanga Bibilya. Nga watanga umwe mukanda, ni lowo weva simwe suma sa hita, suma siteti ziva se maka asu a sili.
Kuhingululi mizimbu. Lombolola simwe sivatu sa Bibilya, nañgu momo Bibilya na mikanda za “muhika wa sili walimuka” zivyela kukhanda ya sivatu sasu. (Mat. 24:45) Nga wasola kuvyela amwe maka wasanga mu livulu kalilumbi mbandu mu sikungulwila setu, ulivendeka phala kusosoli ni lowo kuwezi maka akwawu.

Wafanya kulivendeka, vyela tuhu sili. Nga wasanga vasoneki “avamwe vathu”, mu kulonga, kuvyeli kwakuninga “mundu winzi.” Nga wasanga vasoneki “kuli hamwe”, kuvyeli kwakuniga “mu vizuwa vyose.” Nga wasanga vavyeli kwakuninga “avye vihasa kuhita”, kuvyeli kwakuninga, “avye vyezi kuhita.”
Kwasa vathu kuziva samboti vye ukuvyela. Hose wa kutanga simwe sivatu ni lowo zimwe mizimbu wasanga mu yimwe livulu, lumba vihulu, ni lowo lumba sifika phala kukwasa vathu kuziva vuvu veni kukhanda ya vye vafanya kulumba.