LISAU 25
Mukonda lya Vikhi Suku Akatulumba?
Bibilya yiti mwenyu wa vathu kaukhali simbu. Kukhanda yikwau mwenyu wasula na lamba. (Jó 14:1) Mazi awo we mwenyu Suku akasola phala yitu? Vikhi Suku akasola ha akalumba vathu? Simwe sizuwa Suku akukalumba vye yindi akasola? Ziva vye Bibilya yiywela.
1. Mwenyu ukhi Yehova asoli phala yitu?
Suku wakalumba hosi, akalumbi vathu vatete Andau na Eva. Kuvahaka mu tumbu lya waha vashana veti Jardim ya Êden. Kukhanda yikwau, “Suku wakavahana zimboti zinzi. Aka vayweli momo: ‘Khaliyenu na vana, mukhali muvezi, musulisi hose mulavi samboti tumbu.’” (Gênesis 1:28) Yehova wakasola nga vathu vakhala na vana, avalumbisi tumbu kukhala phala ku waha, havalavi samboti zisitu. Suku wakasola nga vathu vakhala na kukola avakhali na mwenyu kauhwi.
Kulinu, vyuma kavyesi nañgu momo Suku akasola.a Mazi Suku akwiya alumba vye yindi akasola. (Isaías 46:10, 11) Suku hanzi asoli nga ava vezi kulumba vye yindi asoli vakhala na mwenyu kauhwi.—Tanga Apocalipse 21:3, 4.
2. Vikhi vihasa kukukwasa kukhala samboti ku mwenyu wavi kulinu?
Yehova wakatulumba phala tukhali tumakamba endi. Wamona twezi kukenga kumuziva na kulumba vye yindi asoli. (Tanga Mateus 5:3-6.) Endi wasola nga tukhala tutuhalu twendi na ‘kwenda muzinzila zendi na kumusola na kumusimanya na mbungi yetu yose.’ (Deuteronômio 10:12; Salmo 25:14) Nga twalumba vye tukukhala na kusanguluka kwinzi, ola ha tukuhita na vithombo. Kusimanya Yehova kutuhana mwenyu wamboti.
LILONGI WEKHA
Ziva momo Suku akatuleka sisola ha akalumba tumbu phala yitu. Ziva wekha mukonda lya vikhi Suku akatulumba.
3. Yehova wasola nga tukhala na mwenyu wamboti
Talyenu VIDYU. Vyelienu kukhanda ya sihulu se:
Mukonda lya vikhi Suku akalumba tumbu lya waha momo?
Tanga Eclesiastes 3:11. Vyelienu kukhanda ya sihulu se:
Avye vikulonga vikhi kukhanda ya Yehova?
4. Avye Yehova asoli phala yitu, akukavilumba?
Tangyenu Salmo 37:11, 29 na Isaías 55:11. Vyelienu kukhanda ya sihulu se:
Namwahi twaziva tuti viose Yehova asoli phala yitu wa kuvilumba?
Inzu ni ya viha, vezi kuyitunga kambali. Tumbu nalyu lya viha, mazi Yehova akwiya akalilumbi samboti phala va vezi kumusimanya
5. Kusimanya Yehova kutuhana kusanguluka ku mwenyu
Kuziva se mukonda lya vikhi Suku akatulumba, kutuhana kusanguluka. Talyenu VIDYU. Vyelienu kukhanda ya sihulu se:
Namwahi Terumi akakhala ha akaziva kwakuninga mukonda lya vikhi Suku akatulumba?
Tangyenu Eclesiastes 12:13. Vyelienu kukhanda ya sihulu se:
Yehova wakalumba vyuma vinzi phala yitu, amuni vikhi twafanya kulumba phala yindi?
NGA UMWE MUTHU AKUHULI MOMO: “Mazi vikhi twakeya mukulumba mu tumbu?”
Namwahi wakumutava?
VIKHI WATUVA
Yehova akatulumba phala kukhala na mwenyu kauhwi hanu hosi. Nga wasimanya Suku na mbungi yose, wakukhala na kusanguluka.
Kuzimbuluka
Vikhi Yehova akasola phala Andau na Eva?
Namwahi twaziva tuti Suku akukalumba vye yindi asoli phala yitu?
Vikhi vya kukukwasa kukhala samboti ku mwenyu wavi?
KENGA WEKHA
Tanga phala kuziva se mukonda lya vikhi twali na sili kwakuninga Jardim ya Êden yakamoneka.
“O Jardim do Éden—mito ou fato?” (A Sentinela, 1.º de janeiro de 2011)
Tanga phala kuziva kwakuninga tumbu kavesi kwiya valihumuna?
Tala vye Bibilya yiywela se mukonda lya vikhi Suku akatulumba?
John wakakhala kusoka heti wali na viose ku mwenyu wendi. Mazi tala vye vya kakamba ku mwenyu wendi.
a Ku lisau yikwau twakutala vye vya kamunekha.