Kuti Zinzangu za Zimbangi za Yehova Zikukwasa?

Wakalikungulwila kali ku yimwe nzangu ya Zimbangi za Yehova? Simwe sizuwa hamwe wasola kulikungulwila netu, amuni hamwe wezi kulihula momo: Vikhi vyezi kuhita ku zizangu zasu? Zili na mukomo? Mukonda lya vikhi nafanya kuya? Lisau ye wakulilonga momo zinzangu zetu zikukwasa kukhala ku uhehi na Yehova ku sizuwa na sizuwa.

1. Mukonda lya vikhi twezi kuya ku zinzangu ze?

Umwe muthu nendi akasoneka Bibilya wakaywela heti: “Mu sikungulwila sinene, na kusimanya Yehova.” (Salmo 26:12) Avye vileka kwakuninga musikungulwila twezi kuya phala kusimanya Yehova. Zimbangi za Yehova mu tumbu lyose vezi kulikungulwila phala kusimanya Yehova vezi kwimba na kulumba malombelo. Kwali vimwe vizuwa twezi kulikungulwila ku zinzangu zinene. Zimbangi za Yehova vasola sinene kuya ku zinzangu ze.

2. Vikhi wakutuva ku zinzangu zetu?

Kuvikungulwila vye, Zimbangi za Yehova vezi kulonga Bibilya. Twezi kutanga mbimbi ya Suku “hatuyilombololi samboti zimbimbi zayu.” (Tanga Neemias 8:8.) Navi nga waya, wakutuva kukhanda ya Yehova na vilinga vyendi zamboti. Wakutuva kwakuninga Suku akusola sinene, avye vya kukukwasa kukhala kahalu kendi. Kukhanda yikwau, endi wakukukwasa kukhala na kusanguluka.—Isaías 48:17, 18.

3. Vathu wakusanga musikungulwila se, vakukukwasa kulumba vikhi?

Yehova heti twafanya “kusoka ku umwe na mukwetu phala kulikwasa kukhala na sisola, na kulumba vyuma vyamboti, kamutusuli kulikungulwila.” (Hebreus 10:24, 25) Ku zinzangu ze, wakusanga vathu valisola umwe na mukwau. Wakwiva vathu mukuywela vyuma vyamboti vya Bibilya. (Tanga Romanos 1:11, 12.) Avu vasoli kutuva kukhanda ya Yehova nañgu yive. Kukhanda yikwau wakusanga vathu va sanguluka, ola mwemomo vezi kuhita na vithombo. Wamona Yehova asoli nga tuya ku zinzangu ze!

LILONGI WEKHA

4. Ziva zinzangu za Zimbangi za Yehova

Ku vizuwa vya munyima zindongi za Yesu vakakhala kulikungulwila phala kusimanya Yehova. (Romanos 16:3-5) Tangyenu Colossenses 3:16. Vyelienu kukhanda ya sihulu se:

• Zindongi za Yesu vakakhala kusimanya namwahi Yehova?

VIDYU: Bikhi Bezi Kulumba mu Inzo ya Uñgana ya Zimbangi za Yehova? (2:12)

• Vyuma vikhi vyezi kuhita ku zinzangu za Zimbangi za Yehova vya lififa na vye watanga mu Colossenses 3:16?

• Mu vidyu na kufotu, vikhi wekha wamona vya kuwehela ku zinzangu ze?

Tangyenu 2 Coríntios 9:7. Vyelienu kukhanda ya sihulu se:

• Muvikungulwila vya Zimbangi za Yehova kavezi kulomba vitali. Mukonda lya vikhi?

Yivi na mulongese wavi, talyenu vye mwakutuva ku semana ye yikwiya hene mu sikungulwila.

• Aha watala me, vikhi vya kukuwehela sinene ku semana yasu?

Wakaziva kali?

Mu jw.org, ukusanga masimbu na ko twezi kulikungulwila mu tumbu liose.

1. Mu vikungulwila vye wakwiva vimwe vyuma tushana tuti diskursu na ulongesu wa Sentinela, utali zi vidyu. Twezi kumeteka na kumana na tuselu na lombelo

2. Kuli hamwe vose twezi kuywela

3. Zinzangu ze phala vathu vose, vakulu na vana vazikhemba

4. Katwezi kuvinga vitali

5. Ahamwe tuvinga kulumba zikhono phala kuya ku zinzangu ze

Tuva na khumba ya Yesu. Kumivu zose avu vakakhala kuvula ku Nazare phala kuya ku Jerusalem phala kulikungulwila na vakwau. Vakakhala kulumba zikhono zinzi, mukonda hambata vizuwa vitatu phala kuyuka ku Jerusalem. Tangyenu Lucas 2:39-42. Vyelienu kukhanda ya vihulu vye:

• Mukusoka kwavi, vakakhala kulumba zikhono phala kuya ku zinzangu ze?

• Navi hamwe watokala kulumba zikhono phala kuya ku zinzangu ze?

• Mazi kota kulumba zikhono ze? Mukonda lya vikhi?

• Mukonda lya vikhi twatokala kuya semana zose ku zinzangu ze?

VIKHI WATUVA

Mu vikukungulwila vye, wakutuva vyuma vinzi kukhanda ya Yehova. Kukhanda yikwau, wa kusimanya Yehova na vakwenu.

Kuzimbuluka

• Mukonda lya vikhi Yehova asoli nga tuya kuvikungulwila vye?

• Vikhi wakutuva kuvikungulwila vya Zimbangi za Yehova?

• Mukusoka kwavi, zinzangu ze zihasa kukukwasa?

KENGA WEKHA

Wezi kulihula se vikhi wakusanga ku zizangu zetu? Umwe muyala nendi mwemomo akakhala kulihula. Mazi tala vye vya kamukwasa kusola zinzangu zetu.

Nunca vamos esquecer como nos receberam (4:16)

Tala momo zinzangu zetu zakakwasa umwe muzangala.

Eu gostei muito das reuniões! (4:33)

Tanga phala kuziva vye vamwe vathu vezi kusoka kukhanda ya vikungulwila vye.

“Por que é bom ir às reuniões no Salão do Reino?” (Mu jw.org)

Muyala yo, wakakhala muthu wa viha, mwenyu wendi wakahinguluka hosi akakhala kuya ku zinzangu za Zimbangi za Yehova.

“Eu nunca saía sem minha arma” (A Sentinela, 1.º de julho de 2014)