Namwahi Zingeleja Zamambu Zizi Kuhandununa Vathu Kwa Suku?

Nga Suku ali na sisola, mukonda lya vikhi zimwe zingeleja zezi kulumba vyuma vya viha? Mukonda zingeleja zasu za mambu. Kazilongi sili kukhanda ya Suku. Namwahi zingeleja za mambu zezi kuhandununa vathu kwa Suku? Namwahi yindi ezi kuliva? Vikhi akulumba?

1. Namwahi zingeleja za mambu zezi kuhandununa vathu ku vye vezi kulonga?

Vaka zingeleja za mambu “vahingululi sili sa Suku na mambu.” (Romanos 1:25) Zingeleja za mambu kazezi kulonga zina lya Suku. Mazi Bibilya yiti suma sinene kutumbula zina lya Suku. (Romanos 10:13, 14) Ha kwezi kumoneka vyuma vya viha zimwe zipadri na zipastor vezi kuywela veti sisola sa Suku. Mazi avye mambu. Suku kezi kulumba vyuma vya viha. (Tanga Tiago 1:13.) Vezi kuywela veti Suku yindi ezi kutumwesa lamba.

2. Namwahi zingeleja za mambu zezi kuhandununa vathu kwa Suku mukonda lya vye vezi kulumba?

Bibilya yiti vitusi vya zingeleja za mambu “vya yuka kate kolu.” (Apocalipse 18:5) Tundi kumivu za munyima kate linu, zingeleja za mambu vezi kulihaka ku vyuma vya tumbu na kukwasa kuvita. Zingeleja ze zezi kukenga kufa kwa mundu winzi. Vamwe vakulu va kazingeleja ze vali na mwenyu wamboti mukonda avu vezi kutambula vitali vya vathu va zingeleja zavu. Zingeleja ze kazesi na sali na vathu nañgu Yehova. Vakulu va zingeleja vezi kuywela veti Suku avatumikisi, mazi vilinga vyavu vya viha avuvu kavazivi Suku.—Tanga 1 João 4:8.

3. Vikhi Suku asoka kukhanda ya zingeleja za mambu?

Avi nga wezi kuzinda mukonda lya vyuma vya viha zingeleja vezi kulumba. Asisoka Yehova! Endi ezi kuzinda sinene. Vakulu va zingeleja ze vezi kuhandununa vathu kwa Suku. Kavesi na sali sa vathu va vezi kuya ku zingeleja zavu. Yehova ali na sali sa vathu endi wezi kuzinda ha ezi kuvamona mu kulumba vyuma vye. Bibilya yiti Suku ‘akukamana’ na zingeleja za mambu.—Apocalipse 18:8, 21.

LILONGI WEKHA

4. Suku kezi kutava zingeleja zosi

Vamwe vathu vezi kusoka veti Suku wezi kutava zingeleja zosi. Mazi ase sili? Tangyenu Mateus 7:13, 14. Vyelienu kukhanda ya sihulu se:

• Bibilya yiywela yiti nzila yihana mwenyu yili kuti?

Talyenu VIDYU. Vyelienu kukhanda ya sihulu se:

VIDYU: Suku Atava Zingeleja Zosi?—Sithimbu (3:22)

• Bibilya yilonga kwakuninga Suku atava zingeleja zosi?

5. Zingeleja za mambu kazezi kuleka sisola kwa Suku

Zingeleja za mambu zezi kulumba vyuma vinzi vya viha vyezi kutinisa vathu kwa Suku. Evi vya landa vita. Mu vidyu ye tala vye zingeleja za mambu vakalumba. Talyenu VIDYU. Vyelienu kukhanda ya vihulu vye:

VIDYU: Vye Zingeleja Vya Kalumba mu Vita Vya Mbali mu Tumbu (2:22)

• Vikhi zimwe zingeleka vya kalumba ku Vita Vya Mbali?

• Kutala vye zingeleja vakalumba, uliva namwahi?

Tangyenu João 13:34, 35 na 17:16. Vyelienu kukhanda ya vihulu vye:

• Namwahi Yehova ezi kuliva hose zimwe zingeleja zezi kulumba vita?

• Zingeleja za mambu vuvu vezi kukenga vyuma vya viha. Vyuma vikhi vya viha vezi kulumba, vileka kwakuninga avuvu kavaleke sisola kwa Suku?

6. Suku wasola kunona vathu mu zingeleja za mambu

Tangyenu Apocalipse 18:4.a Vyelienu kukhanda ya sihulu se:

• Zingeleja za mambu zezi kukusa vathu. Namwahi yive uliva momo waziva uti Suku wasola kunona vathu mu zingeleja za mambu?

7. Pama kutuva kukhanda ya Suku

Wafanya kutusula kusimanya Suku mukonda lya vye zingeleja za mambu vezi kulumba? Nga umwe mona awuli konzo ya yisi amba kulumba vyuma vya viha, tuhasa kutetela yisi?

• Mukusoka kwavi, tuhasa kutetela Yehova ku vyuma vya viha zingeleja za mambu vezi kulumba?

VIKHI WATUVA?

Zingeleja za mambu zezi kutinisa vathu kwa Suku mukonda lya vye vezi kulonga na vye vezi kulumba. Suku wakukamana na zingeleja za mambu.

Kuzimbuluka

• Namwahi wezi kuliva mukonda lya vyuma vya viha zingeleja za mambu vezi kulonga na kulumba?

• Yehova ezi kuliva kuti kukhanda ya zingeleja za mambu?

• Vikhi Suku akukalumba na zingeleja za mambu?

KENGA WEKHA

Tala vyuma vivali vye vileka kwakuninga zingeleja za mambu kazezi kulumba sisola sa Suku.

“Será que todas as religiões são iguais? Será que todas levam a Deus?” (Mu jw.org)

Mukonda lya vikhi Yehova asoli nga tumusimanya kumuheka na vakwetu?

“Será que é necessário pertencer a uma organização religiosa?” (Mu jw.org)

Padri wakakhala na zikangu za vimwe vyuma mungeleja endi. Tala vye vya kamukwasa kusanga sili.

“Porque um padre deixou a igreja” (Despertai!, fevereiro de 2015)

Vuli kumivu za munyima zingeleja za mambu vezi kulonga mambu kukhanda ya Suku. Vamwe vathu vezi kusoka veti Suku wa viha mukonda lya mambu asu. Tala mambu atatu vezi kulonga.

“Mentiras que afastam as pessoas de Deus” (A Sentinela, 1 de novembro de 2013)