Vikhi Twafanya Kulumba Phala Suku Kutava Kusimanya Kwetu?

Nañgu momo twatuva ku lisau ya munyima, Yehova kezi kutava zingeleja zose. Mazi etu tuhasa kusimanya Suku momo yindi asola. Namwahi Suku asola nga tumusimanya? (Tiago 1:27) Twakutala vye Bibilya yilonga.

1. Kusimanya kwetu kwa Suku, kwafanya kunzila kwahi?

Kusimanya kwetu kwafanya kunzila mu Bibilya. Yesu wakaywela heti: “Mbimbi yave ya sili.” (João 17:17) Azimwe zingeleja kazezi kulumba vye Bibilya yilonga, avu vezi kulumba vye vasoli havahani mukomo ku vye vathu vaywela. Mazi Yehova katavi va vezi “kuhaka huthenga vituminu vyendi.” (Tanga Marcos 7:9.) Kukhanda yikwau, Yehova wezi kusanguluka nga twalumba vye Bibilya yilonga.

2. Namwahi twafanya kusimanya Yehova?

Twafanya kusimanya tuhu Yehova mukonda yindi akatulumba. (Apocalipse 4:11) Wamona, katwafenyene kusimanya vithutha na vyuma vikwau mukonda twali na sisola sinene kwa Yehova.—Tanga Isaías 42:8.

Phala Suku kutava kusimanya kwetu, “twafanya ku waha.” (Romanos 12:1) Avye vilomboloka kwakuninga, twafanya kuhotolokela ku vituminu vya Suku. Vathu vali na sisola kwa Yehova vezi kulandula situminu sendi kukhanda ya ukaza. Kukhanda yikwau, navu kavezi kulumba vyuma vya viha nañgu kusipha, kunwa zidroga na kunwa sinene.a

3. Mukonda lya vikhi twafanya kusimanya ku muheka Yehova na vakwetu?

Yehova wasola nga tuya ku zinzangu za Zimbangi za Yehova mukonda zikutukwasa sinene. Tuhasa kusimanya Yehova ha tulikungulwilila kumuheka na vakwetu. Suma sikwau situkwasa kusimanya Suku kwimba. Tuselo natu tulumba mbandu ya “kusimanya Yehova. . . kumuheka na vakwetu.” (Salmo 111:1, 2; tanga Salmo 104:33.) Mu sikungulwila twezi kulikwasa muthu na muthu.

LILONGI WEKHA

4. Katukhali na vithutha phala kusimanya Suku

VIDYU: Suku Atava Kumusimanya na Vithutha? (3:26)

• Kumivu za munyima vamwe vathu vakasimanya Suku na vithutha. Mazi vikhi vya kavamoneka?

Avamwe vathu veti tukhala na vithutha phala kusimanya Suku. Mazi mwemomo Bibilya yilonga? Tangyenu Êxodo 20:4-6 na Salmo 106:35, 36. Vyelienu kukhanda ya vihulu vye:

• Vithutha vikhi wezi kumona vathu vezi kulumba phala kusimanya Suku?

• Yehova ezi kuliva namwahi ha vathu vezi kulumba vithutha phala kumusimanya?

• Usoka uti suma samboti kulumba vithutha phala kusimanya Suku?

5. Kusimanya tuhu Yehova kutukwasa kuhewa ulongesu wa mambu

VIDYU: Sili sa Bibilya Sakamukwasa (5:16)

Tangyenu Salmo 91:14. Vyelienu kukhanda ya sihulu se:

• Tuleka sisola setu kwa Suku nga twasimanya tuhu yindi. Vikhi Yehova akutukenekena nga twasimanya tuhu yindi?

6. Twezi kusimanya Yehova mu sikungulwila

Etu twezi kusimanya Suku na kulikwasa muthu na muthu mu sikungulwila ha twezi kwimba na kuywela vye twatuva. Tangyenu Salmo 22:22. Vyelienu kukhanda ya vihulu vye:

• Ha wezi kwiva vakwenu mu kuywela vye vatuvi mu sikungulwila vyezi kukuwehela?

• Phala yivi kuywela mu sikungulwila, vikhi wafanya kulumba?

7. Yehova wezi kusanguluka nga twalonga vakwetu kukhanda ya vye twatuva

Tuhasa kulonga vakwetu ku vye twatuva kweshoku twali. Tangyenu Salmo 9:1 na 34:1. Vyelienu kukhanda ya sihulu se:

• Walilonga kali vyuma vinzi mu Bibilya, vikhi wasola kulonga ku vakwenu?

VIKHI WATUVA

Yehova ezi kusanguluka nga twasimanya tuhu yindi. Ahatuyi mu sikungulwila hatuvyeli na vakwetu kukhanda ya vye twatuva.

Kuzimbuluka

• Vikhi vya kutukwasa kusimanya Suku momo yindi asola?

• Mukonda lya vikhi twafanya kusimanya tuhu Yehova?

• Mukonda lya vikhi twafanya kusimanya Yehova na va vasoli kulumba mboti yendi?

KENGA WEKHA

Tanga phala kuziva vye vya kakwasa umwe mama kutusula kusimanya vithutha.

“A Bíblia muda vidas” (A Sentinela, 1 de julho de 2011)

Tala vye vikukukwasa kukatula kuvoko phala kuywela vye watuva musikungulwila.

“Louve a Jeová na congregação” (A Sentinela, janeiro de 2019)

Muyala yo kwakakhala kumuhwinya kuya mu sikungulwila, tala vye vya kamukwasa.

Jeová cuidou de mim (3:07)

Vamwe vathu vezi kulonga veti zi Kilistau vafanya kukhala na malikulusu. Mazi a se sili limwe?

“Porque é que as Testemunhas de Jeová não usam a cruz na adoração?” (Mu jw.org)