Zimbangi za Yehova zi Kilistau za Sili?

Etu Zimbangi za Yehova tutava tuti tuzi Kilistau za sili. Mukonda lya vikhi? Mu lisau ye twakutuva ku vye yitu twezi kutava, mukonda lya vikhi twali na zina lya Zimbangi za Yehova na momo twezi kuleka sisola ku umwe na mukwetu.

1. Evi Zimbangi za Yehova vezi kulonga vyezi kuzila kwahi?

Yesu wakaywela momo: “Mbimbi ya [Suku] sili.” (João 17:17) Evi twezi kulonga vyezi kunzila mu Bibilya nañgu momo Yesu akaywela. Ku muvu wa 1870, vamwe vathu vakakhala kulilonga Bibilya phala kuziva samboti vye yuyu yilonga. Avuvu vakakhala kutava tuhu vye Bibilya yilonga, mazi zingeleja zikwau kavakakhele kulonga sili. Avuvu vakakhala kulonga vathu vakwau sili se sali mu Bibilya.a

2. Mukonda lya vikhi vezi kutushana zina lya Zimbangi za Yehova?

Yehova ezi kushana vathu va vezi kumusimanya heti Zimbangi zami. Mukonda avuvu vezi kulonga sili kukhanda ya yindi. (Hebreus 11:4–12:1) Kumivu za munyima, Suku wakashana mbunga ya Israel heti: “Enu mu Zimbangi zami.” (Tanga Isaías 43:10.) Bibilya yiti Yesu mbangi ya sili ya Suku. (Apocalipse 1:15) Netu mu muvu wa 1931, vovo vakakhala kutushana zina lya Zimbangi za Yehova. Etu tusola sinine zina lye!

3. Namwahi Zimbangi za Yehova vezi kuleka sisola nañgu momo Yesu akaleka?

Yesu wakakhala na sisola sinzi ku zindongi zendi zikakhali mbambi khumba yendi. (Tanga Marcos 3:35.) Kulinu kumbi, Zimbangi za Yehova navu vali na sisola sinene ku umwe na mukwau mu tumbu liose. Wamona twezi kulishana lya ziphangi. (Filêmon 1, 2) Netu twezi kulandula situminu se: “Khalyenu na sisola ku ziphangi zosi.” (1 Pedro 2:17) Twezi kuleka sisola ku umwe na mukwetu, mazi landa lya landa kukwasa ziphangi zetu.

LILONGI WEKHA

4. Twezi kulumba vye Bibilya yilonga

Yehova wakaywela kali heti kuphala ya vizuwa twakuya tukaziva samboti Bibilya. Tangyenu Daniel 12:4. Vyelienu kukhanda ya sihulu se:

• Nga twalilonga Bibilya, namwahi “kuziva kwetu kwakukhala”?

Tala momo Charles Russel, na vakwau vakakhala kulilonga Bibilya. Talyenu VIDYU. Vyelienu kukhanda ya sihulu se:

VIDYU: Sili sa Bibilya Vasisangi Kambali (7:45)

• Namwahi Charles Russell na vakwau vakakhala kulilonga Bibilya?

Waziva kali?

Kuli hamwe twezi kuhingulula kuziva kwetu kwa mu Bibilya. Mukonda lya vikhi? Mukonda Suku ezi kutukwasa kuziva mbimbi yindi kandambu-kandambu nañgu ha kumbi lyezi kuvula. (Tanga Provérbios 4:18.) Bibilya kayezi kuhinguluka. Yitu twezi kuhinguluka visoka vyetu phala kukhala kumuheka na vye Bibilya yiywela.

5. Vilinga vyetu vya kumuhekha na zina lyetu

VIDYU: Zina Vatuziva Nalyu (2:40)

• Mukonda lya vikhi zina za Zimbangi za Yehova lya tufanya?

Mukonda lya vikhi Yehova akahanda vathu phala kukhala zimbangi zendi? Mukonda vezi kukwasa vathu kuziva sili kukhanda ya Yehova. Twakutala vyuma vivali vya mambu zimwe zingeleja vezi kulonga.

Zimwe zingeleja, vezi kusembela vithuta. Mazi mwemomo Bibilya yilonga? Tangyenu Levítico 26:1. Vyelienu kukhanda ya vihulu vye:

• Suku wasola nga tulumba vithuta phala kumusimanya? Yehova asola vithuta vye?

Zimwe zingeleja vezi kulonga veti Yesu, Suku. Mazi ase sili? Tangyenu João 20:17. Vyelienu kukhanda ya vihulu vye:

• Sili limwe Yesu Suku? Yesu na Suku muthu umuhekha?

• Suku wahanda vathu phala kulonga sili kukhanda ya yindi na mona endi. Kuti uliva ha wiva vye?

6. Etu twali na sisola kumwe na mukwetu

Bibilya yiti zi Kilistau zali nañgu muzimba wa muthu. Tangyenu 1 Coríntios 12:25, 26. Vyelienu kukhanda ya vihulu vye:

• Namwahi zi Kilistau za sili vezi kulikwasa ha vezi kuhita na lamba?

• Namwahi Zimbangi za Yehova zezi kulileka sisola ku umwe na mukwau?

Zi Kilistau za sili valeka sisola ku ziphangi zavu vakumona lamba. Talyenu VIDYU. Vyelienu kukhanda ya sihulu se:

VIDYU: Sitembu Sinene na Nvula mu Tumbu lya Haiti (5:29)

• Twamona momo Zimbangi za Yehova vezi kulikwasa umwe na mukwau. Avye vileka sisola vuvu vali nasu?

VIKHI WATUVA

Zimbangi za Yehova zi Kilistau za sili. Tulihana samboti mu tumbu liose, twezi kulonga sili kukhanda ya Yehova.

Kuzimbuluka

• Mukonda lya vikhi vezi kutushana zina lya Zimbangi za Yehova?

• Namwahi twezi kuleka sisola ku vakwetu?

• Usoka uti Zimbangi za Yehova zi Kilistau za sili?

KENGA WEKHA

Tuva wekha kukhanda ya Zimbangi za Yehova.

Testemunhas de Jeová—Fé em Acão, Parte 1: Da escuridão para a Luz (1:00:53)

Zimbangi za Yehova kavese na woma wakulonga sili.

O povo de Deus glorifica o seu nome (7:08)

Tala vimwe vyuma vathu vezi kulihula kukhanda ya Zimbangi za Yehova.

“Perguntas frequentes sobre as Testemunhas de Jeová” (Mu jw.org)

Stephen wakakhala na kahandu ka vakwau, mazi tala momo Zimbangi za Yehova za kamukwasa.

“A minha vida ia de mal a pior” (A Sentinela, 1 de julho de 2015)