LISAU 46
Mukonda lya Vikhi Twafanya Kulibatizala?
Suma samboti vose twafanya kulumba, kuhana mwenyu wetu kwa Yehova. Phala kulihana kwa Yehova, wafanya kulumba lombelo aha uyweli kwakuninga nasola tuhu kulumba sisola sendi na kusimanya tuhu yindi. (Salmo 40:8) Mukusuka kweni atulibatizala phala kuleka ku vakwetu kwakuninga twahana kali mwenyu wetu kwa Yehova. Kulihana kwa Yehova suma salanda muthu afanya kulumba. Mazi mukonda lya vikhi watokala kulihana kwa Yehova na kulibatizala?
1. Vikhi vilumbisa muthu kulihana kwa Yehova?
Etu twezi kulihana kwa Yehova mukonda tumusola. (1 João 4:10, 19) Bibilya yiti: “Sola Yehova na mbungi yavi yose na mwenyu wavi, na silunzi na zikhono zavi zose.” (Marcos 12:30) Tuhasa kuleka sisola setu kwa Suku kukhanda ya vye twezi kuywela na vye twezi kulumba. Sunga lumwe, muyala na mukethu nga valisola kwa sili, avuvu valumba zikhono phala kukazala. Mwemumuhekha, sisola setu sa kuhasa kutukwasa kuhana mwenyu wetu kwa Yehova na kulibatizala.
2. Zimboti zikhi muthu atambula ha alibatizala?
Aha muthu alibatizala halumba mbandu ya khumba ya Yehova. Amomo wakuhasa kwiva sisola sinene Yehova ali nasu kwavi, na kuliyuka kuhehi wendi. (Tanga Malaquias 3:16-18.) Yehova wakukhala tata yavi. Kukhanda yikwau wakukhala na ziphangi mu tumbu liose vasola Yehova na yivi. (Tanga Marcos 10:29, 30.) Mazi phala kulibatizala uvinga kulumba vimwe vyuma. Watokala kutuva kukhanda ya Yehova, kumusola na kuleka ufelelo ku mona endi Yesu. Mukusuka kweni watokala kuhana mwenyu wavi kwa Yehova. Nga walumba vyuma vye ha ulibatizali ukukhala na mwenyu kawezi kuhwa. Mbimbi ya Suku yiywela momo: ‘Batizimu yimi yovola.’—1 Pedro 3:21.
LILONGI WEKHA
Ziva mukonda lya vikhi suma samboti kuhana mwenyu wavi kwa Yehova na kulibatizala.
3. Etu veni vose twatokala kuhanda yo twa kusimanya
Avamwe vathu kumbunga ya Israel munyima vakakhala kusoka veti vahasa kusimanya Yehova na suku ya mambu Baale. Mazi Yehova akatuma Elias phala kuvazimbula kwakuniga vye vakakhala kulumba ka vya weheli. Tangyenu 1 Reis 18:21. Vyelienu kukhanda ya sihulu se:
Vikhi mbunga ya Israel vakambeli kulumba?
Nañgu momo mbunga ya Israel, netu kulinu twatokala kuhanda se yili twakusimanya. Tangyenu Lucas 16:13. Vyelienu kukhanda ya vihulu vye:
Tuhasa kusimaya Suku na vyuma vikwau kumuheka?
Namwahi tuhasa kuleka kwa Yehova kwakuninga twasola kumusimanya?
4. Soka momo Yehova akusola
Yehova wakatuhana vyuma vinzi vyamboti. Amuni vikhi netu twafanya kulumba? Talyenu VIDYU.
Vikhi Yehova ezi kulumba vileka kwakuninga endi akusola? Tangyenu Salmo 104:14, 15 na 1 João 4:9, 10. Vyelienu kukhanda ya vihulu vye:
Vyuma vikhi vyamboti Yehova akalumba yivi usola sineni?
Namwahi uliva kukhanda ya vyuma vyasu?
Wakatambula kali simwe suma sa kakuhana kusanguluka? Avi wakasakilila muthu yo akakuhana suma sasu. Tangyenu Deuteronômio 16:17. Vyelienu kukhanda ya sihulu se:
Mukusoka ku vyuma vyamboti Yehova wakahana phala yivi, vikhi navi wasola kulumba phala Yehova?
5. Kuhana mwenyu wavi kwa Yehova kuhana zimboti zinzi
Vamwe vathu vezi kusoka veti kukhala na lifumo na vitali vinzi kuniha kusanguluka. Mazi ase sili? Talyenu VIDYU. Vyelienu kukhanda ya vihulu vye:
Andrey wakakhala kusola sineni kukasa ndundu, amuni vyuma vikhi vya kamulumbisa kutusula?
Endi wa katusula kukasa ndundu akalihani kwa Yehova na kulibatizala. Mukusoka kwavi, yindi akalumba vyamboti? Mukonda lya vikhi?
Apostolu Paulo andi ya kukhala Kilistau endi wakakhala na ufunu uhana kufumana. Endi wakalilonga milongi za jijudeu. Mazi Paulo akasi ulongesu wasu phala kukhala Kilistau. Mazi Paulo wakakhala kulihana kakambu mukonda lya vye akasa? Tangyenu Filipenses 3:8. Vyelienu kukhanda ya vihulu vye:
Paulo wakasoneka hati vyuma akakhala kulumba munyima andi ya kukhala Kilistau, kavyesi na mukomu. Mukonda lya vikhi?
Zimboti zikhi akatambula ku ufuno wo akakhala nau?
Usoka uti mwenyu wavi navi wakuwaha nga wahanda kusimanya Suku?
Kukhala Kilistau wakahana zimboti zinzi kwa Paulo. Kakusoki na vyuma vye akasa munyima
AVAMWE VETI: “Sili, mazi sasoleli aku kulihana kwa Yehova.”
Mukusoka kwavi, mukonda lya vikhi twafanya kulihana kwa Yehova?
VIKHI WATUVA
Sisola situkwasa kuhana mwenyu wetu kwa Yehova na kulibatizala.
Kuzimbuluka
Mukonda lya vikhi twafanya kusola Yehova na kumusimanya?
Zimboti zikhi Yehova ezi kuhana kuva vezi kulibatizala?
Navi wasola kuhana mwenyu kwa Yehova?
KENGA WEKHA
Tala vye vya kakwasa umwe mukethu akakhala kwimba na umwe muyala wakahkala kukasa ndundu kuhana mwenyu wavu kwa Yehova.
Os Jovens Perguntam: O que fazer da minha vida?—Relembrando (6:54)
Tala vyuma vikwau vihasa kukulumbisa kuhana mwenyu wavi kwa Yehova.
“Por que se dedicar a Jeová?” (Sentinela, 15 de janeiro de 2010)
Mu vidyu tala kusanguluka kwa vathu va vezi kuhana mwenyu wavu kwa Yehova.
Tanga mukanda uvyela momo: “Ami nakakhala kulihula se mukonda lya vikhi Suku akatulumba”, phala kutala vye vya kakwasa umwe mukhetu kuziva vye vyali na mukomu winzi ku mwenyu.
“A Bíblia muda a vida das pessoas” (A Sentinela, 1.º de novembro de 2012)