LISAU 47
Vikhi Wafanya Kulumba Phala Kulibatizala?
Avi watuva kali vyuma vinzi kukhanda ya Yehova. Hamwe walumba zikhono zinzi phala kusa vyuma vya viha na kulumba vye Bibilya yilonga. Mazi ola mwemomo, hamwe kuli simwe suma sali mukukupiyatwisa kulihana kwa Yehova na kulibatizala. Mu lisau ye, twakutala vimwe vyuma vihasa kukukwasa phala kulibatizala.
1. Phala kulibatizala uvinga kuziva viose Bibilya yilonga?
Phala kulibatizala “uvinga kuziva sili.” (1 Timóteo 2:4) Avye vilomboloka kwakuninga phala kulibatizala kuvingi kuziva vyuma vinzi kukhanda ya Bibilya. Ola va valibatizala kali kahehi, anzi vapama na kutuva kukhanda ya Yehova. (Colossenses 1:9, 10) Mazi avi watokala kuziva milongi zali mu Bibilya. Vakulu va sikungulwila vakukukwasa kutala vye muthu watokala kuziva phala kulibatizala ni lowo.
2. Vyuma vikhi wafanya kulumba andi ya kulibatizala?
Andi ya kulibatizala avi wafanya ‘kulifisala na mbungi yose na kulihana kwa Suku.’ (Tanga Atos 3:19) Avye vilomboka kwakuninga wafanya kutusula vyuma vya viha na kulumba vyuma vyamboti vye Yehova asoli. Suma sikwau wafanya kulumba kukhala kupama kuya kuvikungulwila na kulonga vathu kukhanda ya Bibilya.
3. Mukonda lya vikhi kwatokeleli kukhala na woma wa kulibatizala?
Avamwe vezi kukhala na woma kwakuniga kavesi kuhasa kulumba vye Yehova atumina. Mazi zimbuluka kwakuninga vose twezi kulumba vyuma vya viha. Bibilya yiywela vathu va ufelelo navu vakalumba vimwe vyuma vya viha. (Tanga Salmo 103:13, 14.) Nga walumba vyuma vyamboti, Yehova akusanguluka na kukukwasa kupama. Yehova waywela momo heti: “Kakwesi suma sihasa kuhandununa sisola sa Yehova [kwetu].”—Tanga Romanos 8:38, 39.
LILONGI WEKHA
Kuziva samboti Yehova na kutava sikwasu sendi kwakukuhana zikhono za kuhita na vyuma vya viha na kulibatizala.
4. Ziva samboti Yehova
Andi yakulibatizala wafanya kuziva samboti Yehova. Wafanya kumusola na kulumba zikhono zinzi za kulumba vye yindi asola. Talyenu VIDYU phala kuziva vye Zimbangi za Yehova vezi kulumba mu tumbu liose, na momo Bibilya yakukwasa vathu kuziva Yehova. Vyelienu kukhanda ya sihulu se:
Mu vidyu, vikhi vuvu vakalumba phala kulibatizala?
Tangyenu Romanos 12:2. Vyelienu kukhanda ya vihulu vye:
Phala yivi, avye wakulilonga sili? Avi usoka kwakuninga Zimbangi za Yehova vezi kulonga sili?
Nga wali na zimwe zikhangu, vikhi wafanya kulumba?
5. Ukuhasa kuhita na vimwe vyuma vyezi kupiyatwisa kulibatizala
Hamwe twasoka kulihana kwa Yehova na kulibatizala, mazi kwali vimwe vyuma viezi kupiyatwisa. Talyenu VIDYU. Vyelienu kukhanda ya vihulu vye:
Vikhi vya kakhala kumuhwinya kulibatizala?
Sisola sa Narangerel kwa Yehova, sakamukwasa kulumba vikhi?
Tangyenu Provérbios 29:25 na 2 Timóteo 1:7. Vyelienu kukhanda ya sihulu se:
Vikhi vituhana zikhono phala kulumba vyuma vyamboti?
6. Tusula Yehova akukwasi
Yehova akukukwasa kulumba vyuma vyamboti. Talyenu VIDYU. Vyelienu kukhanda ya vihulu vye:
Mu vidyu, mukonda ya vikhi yo kakakheli kusola kulibatizala?
Vikhi vya kamukwasa kukhala na ufelelo kwa Yehova?
Tangyenu Isaías 41:10, 13. Vyelienu kukhanda ya sihulu se:
Sili sikhi uli nasu kwakuninga Yehova akukukwasa kulumba vye yivi waywela mu kulihana kwendi?
7. Weza sisakililo savi kwa Yehova kusisola ali nasu kwavi
Nga wasoka kusisola sa Yehova kwavi, wakulumba vyuma vye asoli, vileka kwakuninga avi umusola. Tangyenu Salmo 40:5. Vyelienu kukhanda ya sihulu se:
Zimboti zikhi za Yehova zikuwehela sinene?
Mbangi Jeremias wakakhala na sisola kwa Yehova na kumbimbi ya Suku. Phala yindi kusimanya Yehova sakakhala suma sinene ku mwenyu wendi. Jeremias wakaywela momo: “Yehova Suku, mbimbi yavi yihana kusanguluka kumbungi yami mukonda ami ñumbata zina lyavi.” (Jeremias 15:16) Vyelienu kukhanda ya vihulu vye:
Phala yivi, kukhala Mbangi ya Yehova suma samboti?
Navi wasola kulibatizala phala kukhala Umbangi ya Yehova?
Vikhi vya kukuhwinya phala kulibatizali?
Mukusoka kwavi, vikhi wafanya kulumba phala kulibatizala?
AVAMWE VETI: “Nali na woma wa kulibatizala mukonda hamwe ngulumba vyuma vya viha.”
Navi mwemomo wezi kusoka?
VIKHI WATUVA
Na sikwasu sa Yehova avi ukuhasa kulumba zikhono phala kulibatizala.
Kuzimbuluka
Mukusoka kwavi, wafanya kuziva viose Bibilya yilonga phala kulibatizala?
Vyuma vikhi wafanya kutusula andi ya kulibatizala?
Mukonda lya vikhi katukhali na woma wa kulibatizala?
KENGA WEKHA
Tala vye vyafanya kukulumbisa kulibatizala.
“Você está pronto para se batizar?” (A Sentinela, março de 2020)
Tala momo usa kuhita na vyuma vye visola kukhuhewesa kulibatizala.
“O que me impede de me batizar” (A Sentinela, março de 2019)
Tala momo umwe muyala akalomba zikhono phala kutusula vyuma vya viha phala kulibatizala.
Umwe muyala vashana Ataa wakakhala na zikhangu se watokala kulibatizala ni lowo. Tala vye vya kamukwasa phala yindi kulibatizala.