LISAU 37
Vikhi Bibilya Yiywela Kukhanda ya Milimu na Vitali?
Ku mbungi kwakakuzika kali mukonda lya kusoka ku milimu na vitali? Ahamwe kuhwinya kulumba vyuma vivali, kukakalakala na kusimanya Yehova momo asoli. Mazi Bibilya yituhana mana amboti ahasa kutukwasa.
1. Vikhi Bibilya yiywela kukhanda ya milimu?
Yehova wasola nga tukhala na kusanguluka ku milimu zetu. Bibilya yiti “kakwesi suma siniha kusanguluka ku muthu nañgu kukhemba na zimboti za milimu zendi.” (Eclesiastes 2:24) Yehova wezi kukalakala sinene. Netu twasola kukengelesa Yehova na kulumba zikhono phala kukalakala. Nga twalumba vye, Yehova wakusanguluka, netu tulivi samboti.
Kukalakala suma samboti. Mazi katwatokelele kuhana mukomo winzi ku milimu, hatuhaki milimu za Yehova kuthenga. (João 6:27) Yehova atukenekena kwakuninga nga twahaka sisola sendi kuphala, wakutuhana viose twavinga phala kukhala na mwenyu.
2. Visoka vikhi vyamboti twafanya kukhala navyu kukhanda ya vitali?
Bibilya yitava kwakuninga vitali vitukwasa. Mazi nayu yitukanda kwakuninga kavitali tuhwaku tuvinga kumwenyu phala kukhala na kusanguluka. (Eclesiastes 7:12) Wamona Bibilya yituywela yiti katwatokelele kukhala na sisola ku vitali, mazi twafanya “kusanguluka na vyuma vye tuli navyu.” (Tanga Hebreus 13:5.) Nga twalumba momo, katwesi kuzinda ola kwakuninga katwesi na vitali vinzi. Kukhanda yikwau, katwesi kukhala na makongo enzi. (Provérbios 22:7) Avye navyu vya kutukwasa kuhewa kulumba vyuma vya viha phala kukhala tuzikwasi.
3. Namwahi tuhasa kukwasa vakwetu na vye tuli navyu?
Yehova asola kuhana, netu tumukengelesa nga “twavana na vakwetu vye tuli navyu.” (1 Timóteo 6:18) Tuhasa kulumba vyuma vye, mukukwasa sikungulwila na va vavingi sikwasu, landa lya landa ziphangi zetu mu sikungulwila. Yehova kezi kusola tuhu kwakuninga tuhana vyuma vinzi, mazi suma salanda phala Yehova yitu kuhana na mbungi yose. Nga twahana vimwe vyuma ku vakwetu na mbungi yose, Yehova wakusanguluka netu twakuliva samboti.—Tanga Atos 20:35.
LILONGI WEKHA
Ziva momo twafanya kusoka kukhanda ya milimu na momo twatokala kusanguluka na vye tuli navyu.
4. Kukalakala kwavi kuhasa kufumanesa Yehova
Tuhalu twa Yehova, katwatokelele kukhala na umonya. Talyenu VIDYU. Vyelienu kukhanda ya vihulu vye:
Mu vidyu, vikhi vialanda kukukomwesa ku vilinga vya João ku milimu?
Vikhi yindi akalumba phala kukhala muthu wakalakala, na kuhana mukomo kumilimu za Suku?
Tangyenu Colossenses 3:23, 24. Vyelienu kukhanda ya sihulu se:
Mukonda lya vikhi twatokala kulumba samboti milimu zetu?
Kukalakala suma sinene. Mazi milimu kazatokeleli kulanda kusimanya kwetu kwa Yehova
5. Twatokala kusanguluka na vye tuli navyu
Vamwe vathu vezi kulumba zikhono phala kukhala na vitali vinzi. Mazi Bibilya yitukanda kulumba vyuma vye. Tangyenu 1 Timóteo 6:6-8. Vyelienu kukhanda ya sihulu se:
Bibilya yiti vikhi twafanya kulumba?
Ola katwesi na vyuma vinzi, tuhasa kukhala na kusanguluka. Talyenu VIDYU. Vyelienu kukhanda ya sihulu se:
Mu vidyu zikumba kavakakhele na vitali vinzi, mazi ola mwemomo vikhi vya kakhala kuvahana kusanguluka?
Amuni nga kwakuninga twalikali na vitali vinzi, mazi ola mwemomo hanzi twasola wekha vikwau? Yesu wakata simwe sisima situkwasa kuziva kwakuninga suma saviha kusola kukenga vitali vinzi. Tangyenu Lucas 12:15-21. Vyelienu kukhanda ya sihulu se:
Vikhi yivi watuva na sisima sa Yesu?—Tala mu sithimbu sa 15.
Tangyenu Provérbios 10:22 na 1 Timóteo 6:10. Vyelienu kukhanda ya vihulu vye:
Vikhi yivi usoka uti vyali na mukomo winzi: Kukhala tuhalu twa Yehova ni kukhala na vitali vinzi? Mukonda lya vikhi?
Nga muthu ali na luwimbi wa vitali, vithombo vikhi ahasa kukhala navyu?
6. Yehova wakutukwasa na vye twavinga kumwenyu
Kusakalala sinene na milimu na vitali, kuhasa kulola ufelelo wetu kwa Yehova. Talyenu VIDYU phala kuziva vye twafanya kulomba nga twavinga vyuma vye. Vyelienu kukhanda ya vihulu vye:
Mu vidyu, vithombo vikhi phangi yo akakhala navyu?
Vikhi akalumba phala kuhasa kuhita na vithombo vyasu?
Tangyenu Mateus 6:25-34. Vyelienu kukhanda ya sihulu se:
Vikhi Yehova akeneki kuva vahaka sisola sendi kuphala ya vyuma vikwau?
AVAMWE VETI: “Ami natokala kukalakala sinene phala kutekula mukhetu na vana vami. Sesi kuhasa kuya ku zinzangu semana zose.”
Sivatu sikhi sa mu Bibilya sikutevesa kwakuninga suma samboti wafanya kulumba, kuhaka sisola sa Yehova kuphala?
VIKHI WATUVA
Milimu na vitali vyuma vyamboti, mazi kavyatokaleli kulanda kusimanya kwetu kwa Yehova.
Kuzimbuluka
Vikhi vya kukukwasa kukhala na visoka vyamboti kukhanda ya milimu?
Mukonda lya vikhi twafanya kusakilila ku vye tuli navyu?
Namwahi uhasa kuleka ufelelo wavi kusikeneku sa Yehova sa kulava mbunga yendi?
KENGA WEKHA
Sunga limwe Bibilya yiywela kwakuninga vitali vyuma vya viha?
Tala momo twafanya kukhala na mbungi ya kuhana phala kusangulwisa Yehova.
Sunga limwe kuta wali suma sa viha?
“O conceito da Bíblia—Jogatina”? (Despertai!, março de 2015)
Tala vye vya kakwasa umwe muyala kutusula kuta wali.
“Eu era apaixonado por corridas de cavalo” (A Sentinela, 1.º de novembro de 2011)