LISAU 54
Milimu Zikhi “Muhika wa Sili” Ezi Kulumba
Yesu yindi mukulu munene wa sikungulwila. (Efésios 5:23) Kulinu Yesu wali kolu. Endi wezi kundesa mbunga ya Suku hanu hosi kukhanda ya “muhika wa sili walimuka.” (Tanga Mateus 24:45.) Yesu wakahanda muhika wo, akavahani kulumba tumwe tuyula. Ola mwemomo avuvu vezi kuhotolokela kwa Yesu na kukwasa ziphangi zavu. Yili muhika wa sili? Namwahi vuvu vezi kutulava?
1. Yili “muhika wa sili walimuka”?
Vuli mumivu za munyima Yehova ezi kuhanda vamwe vathu phala kundesa mbunga yendi. (Malaquias 2:7; Hebreus 1:1.) Hose Yesu akafa zindongi zendi na vamwe vakulu vasikungulwila mu Jerusalém vakakhala kundesa mbunga ya Suku. (Atos 15:2) Avye vyezi kumoneka kulinu. Yehova wezi kukalakala na ngulupu yitoku ya vakulu phala kutukwasa kupama kukhala na sisola sendi na kundesa milimu zikwau. Ngulupu yasu yezi kuhana milongi ku Zimbangi za Yehova mu tumbu liose. Avuvu vavashana veti “muhika wa sili walimuka” ni lowo Vakulu va Sikungulwila mu Tumbu Liose. Yesu wakavahanda phala vuvu kundesa mbunga ya Yehova. Avuvu “muhika wa sili walimuka [Yesu] akahanda.” (Mateus 24:45a) Avuvu vakukatumina kumuheka na Yesu kolu. Hose mwenyu wavu wezi kuhwa, vezi kuya kolu.
2. Namwahi muhika wa sili wezi kukwasa mbunga ya Suku?
Yesu wakavyela heti muhika wa sili “wakukahana makulya [ku zindongi zendi] ha vuvu vakuvinga.” (Mateus 24:45b) Nañgu momo kulya kwezi kutuhana zikhono akutulumbi samboti, milongi za Suku nazu zituhana zikhono phala kupama na kusimanya Suku na kulumba milimu ze Yesu akatusika. (1 Timóteo 4:6) Twezi kutambula milongi ze kukhanda ya zinzangu, mikanda, zividyu, na zinzangu zinene. Vyuma vyasu vye vilumba mbandu kukhanda ya Bibilya. Mukonda lya kulya ko, twezi kukhala na zikhono za kusimaya Yehova, na kulandula vituminu vyendi.
LILONGI WEKHA
Ziva se mukonda lya vikhi tuvinga “muhika wa sili walimuka”, ni lowo tuti Vakulu va Sikungulwila mu Tumbu Liose.
Vakulu va Sikungulwila mu Tumbu Liose vezi kuhana makulya na milongi na kukwasa mbunga ya Yehova mu tumbu liose
3. bunga ya Yehova yafanya kukhala kumuheka
Vakulu va Sikungulwila mu Tumbu Liose vakukahana milongi hukati ka Zimbangi za Yehova. Mazi navu vezi kulandula milongi za Yehova. Zi Kilistau za munyima, navu mwemomo vakakhala kulumba. Talyenu VIDYU.
Tangyenu 1 Coríntios 14:33, 40. Vyelienu kukhanda ya sihulu se:
Namwahi vivatu vye vileka momo Yehova asoli nga mbunga yendi yikala?
4. Muhika wa sili wezi kundesa milimu zetu zakulonga
Kulonga, milimu zalanda zi Kilistau za munyima vakakhala kulumba. Tangyenu Atos 8:14, 25. Vyelienu kukhanda ya vihulu vye:
Yili akakhala kulava milimu zakulonga za zi Kilistau kumivu za munyima?
Pedro na João vakatava milongi ze zindongi zikwau vakhala kuhana?
Milimu zalanda Vakulu va Sikungulwila mu Tumbu Liose vezi kulumba, kulava milimu za kulonga vathu Mbimbi ya Suku. Talyenu VIDYU.
Yesu wakalonga kwakuniga kulonga mizimbu za Suku suma sa mukomo. Tangyenu Marcos 13:10. Vyelienu kukhanda ya vihulu vye:
Mukonda lya vikhi milimu za kulonga suma sa mukomu winzi phala Vakulu va Sikungulwila mu Tumbu Liose?
Mukonda lya vikhi twavinga nga Vakulu va Sikungulwila mu Tumbu Liose valava milimu za kulonga mu tumbu liose?
5. Muhika wa sili ezi kutuhana milongi
Vakulu va Sikungulwila mu Tumbu Liose vezi kuhana milongi ku Zimbangi za Yehova mu tumbu liose. Namwahi vezi kulumba kamwe kayula? Tala momo vakulu vasu vakakhala kuhana milongi kumivu za munyima Tangyenu Atos 15:1, 2. Vyelienu kukhanda ya vihulu vye:
Vikhi vya kakhala kukenga vithombo hukati ka zi Kilistau za munyima?
Paulo, Barnabé na vathu vakwau, kwali vakhakala kulomba sikwasu phala kumana vithombo vyasu?
Tangyenu Atos 15:12-18, 23-29. Vyelienu kukhanda ya sihulu se:
Andi ya kulumba kayula, zindongi za Yesu na vamwe vakulu vasikungulwila vakakhala kukenga milongi za Suku kuhanda ya kayula kasu. Namwahi vakakhala kulumba?—Tala sithimbu 12, 15 na 28.
Tangyenu Atos 15:30, 31 na 16:4, 5. Vyelienu kukhanda ya vihulu vye:
Zi Kilistau vakhala kutava vye ngulupu ya vakulu vakakhala kuhana?
Zimboti vikhi Yehova akavahana mukonda lya kuhotolokela vyuma vye vakulu vakaywela?
Tangyenu 2 Timóteo 3:16 na Tiago 1:5. Vyelienu kukhanda ya sihulu se:
Namwahi Vakulu va Sikungulwila mu Tumbu Liose vezi kulumba tuyula kulinu kumbi?
AVAMWE VETI: “Nga watava kwiva ku Vakulu va Sikungulwila mu Tumbu Liose yivi kulandula vayala.”
Mazi vikhi vituhana sili kwakuninga Yesu ezi kundesa Vakulu va Sikungulwila mu Tumbu Liose?
VIKHI WATUVA
Watuva kwakuninga Vakulu va Sikungulwila mu Tumbu Liose, “muhika wa sili walimuka.” Avuvu Yesu akavahanda phala kulumba tuyula. Ziphangi zasu, vezi kuhana kulya kwa muzumbi ku zi Kilistau mu tumbu liose.
Kuzimbuluka
Yili akahanda “muhika wa sili walimuka”?
Namwahi Vakulu va Sikungulwila mu Tumbu Liose vezi kutulava kulinu?
Avi utava uti Vakulu va Sikungulwila mu Tumbu Liose, “muhika wa sili walimuka”?
KENGA WEKHA
Tala momo Vakulu va Sikungulwila mu Tumbu Liose vezi kulumba milimu zavu kulinu.
“O que é o Corpo Governante das Testemunhas de Jeová?” (Mu jw.org)
Tala momo Vakulu va Sikungulwila mu Tumbu Liose vezi kuhana kulya kwa zumbi phala mbunga ya Yehova.
Namwahi Vakulu va Sikungulwila mu Tumbu Liose vezi kuliva kukhanda ya milimu ze Yesu akavaha?
Namwahi zinzangu zetu na zinzangu zinene zileka kwakuninga Yehova yokundesa Vakulu va Sikungulwila mu Tumbu Liose?