Handa Samboti Tuhalu Twavi

Suma samboti kukhala na tuhalu phala kuhema na kutukwasa ha twakuhita na vimwe vithombo. Mazi Bibilya yitukanda kwakuniga ka vathu vose aku tuhalu twamboti. Amomo namwahi, uhasa kuhanda tuhalu twamboti? Soka ku sihulu se.

1. Namwahi tuhalu twetu vahasa kutukwasa?

Nga twahita masimbu enzi sikhali mu telefoni sikhali kulitala, tuhasa kulumba vye tuhalu twetu vezi kulumba. Wamona Bibilya yiti: “Mweshou enda na ndimo nendi alimuka, mazi mweshou a nendi na vyova [ni tuti va kavezi kusimanya Yehova] nendi wa kukhala nañgu vuvu.” (Provérbios 13:20) Nga wakhala na tuhalu to vasola Yehova, va kukukwasa kupama kulumba vye Yehova asola. Mazi kukhala na tuhalu to kavesi na sisola kwa Yehova, va kutuhandununa kwendi. Mwamona Bibilya yiywela yiti twafanya kuhanda samboti tuhalu twetu! Nga twahanda tuhalu to twali na sisola kwa Suku, ase sakukhala suma samboti phala yitu na vuvu. Amomo “twakulikwasa na kulikwasa umwe na mukwau.”—1 Tessalonicenses 5:11.

2. Namwahi Yehova ahasa kuliva mukonda lya tuhalu ha uhanda?

Yehova ezi kuhanda samboti va vakukhala tuhalu twendi. Endi ali na “sisola sinene kuva vali na ufelelo kwendi.” (Provérbios 3:32) Namwahi Yehova akuliva nga twahanda tuhalu ha kavesi na sisola kwendi? Endi wa kuzinda sinene! (Tanga Tiago 4:4.) Mazi nga twahewa tuhalu aviha ha tuhandi tuhalu amboti ali na sisola kwa Yehova, endi wakusanguluka. Kukhanda yikwau, Yehova atuhanda phala kukhala tuhalu twendi.—Salmo 15:1-4.

LILONGI WEKHA

3. Lilavi ku vathu vaviha

Vathu va kavasoli Yehova, kavasoleli vituminu vyendi, ka tuhalu twamboti aku. Talyenu VIDYU. Vyelienu kukhanda ya sihulu se:

VIDYU: Lomba Zikhono Phala Kutusula Kwenda na Vathu Vaviha (6:17)

• Namwahi tuhasa kukhala na tuhalu aviha se yitu kuziva?

Tangyenu 1 Coríntios 15:33. Vyelienu kukhanda ya sihulu se.

• Vifa vikhi umona ku vamwe vathu usoka uti kavafenyeni kukhala tuhalu twavi? Mukonda lya vikhi?

Tangyenu Salmo 119:63. Vyelienu kukhanda ya sihulu se:

• Vilinga vikhi vyamboti wafanya kukenga ku tuhalu twavi?

4. Uhasa kukhala ukahalu ka vakulu na vana vazikhemba  

Bibilya yiywela kukhada ya vamwe vayala vavali vakatunga ku mbunga ya Israel vashana vati Jonatã na Davidi. Jonatã wakakhala mona wa ñgana ya Israel, endi wakakhala mukulu wa muthu wa Davidi. Mazi ola mwemomo avuvu vakakhala na ukamba wamboti. Tangyenu 1 Samuel 18:1. Vyelienu kukhanda ya sihulu se:

• Mukonda lya vikhi tuhalu twetu kavavingi kukhala tuhu va twali na mivu zimuheka ni lowo va vali na vitali vinzi?

Tangyenu Romanos 1:11, 12. Vyelienu kukhanda ya sihulu se:

• Namwahi tuhalu vali na sisola kwa Yehova vahasa kulikwasa umwe na mukwau?

Talyenu VIDYU, phala kuziva momo umwe mukwenzi wa kasanga kamba lya mboti kou kakeli mukusoka. Vyelienu kukhanda ya sihulu se:

VIDYU: Wakulisanga na Tuhalu Khandi Akasoka (5:06)

• Mu vidyu, mukonda lya vikhi viyisi ya Abele zimbungi zavo ya kavasakalala mukonda ya tuhalu mona avu akakhala navu kusikola?

• Vikhi vya kalumbisa Abele kulitinga na vazangala vasu?

• Vikhi vya kamukwasa na visoka vya kukhala yindi veni?

5. Namwahi uhasa kukhala na tuhalu twamboti

VIDYU: Kuti Tuhalu Twa Sili Vafanya Kukhala? (4:14)

Tangyenu Provérbios 18:24 na 27:17. Vyelienu kukhanda ya vihulu vye:

• Namwahi tuhalu a sili vezi kulikwasa umwe na mukwau?

• Tuhalu avi valumba momo? Nga vuvu kavezi kulumba momo, vikhi wafanya kulumba phala kukhala na tuhalu a sili?

Tangyenu Filipenses 2:4. Vyelienu kukhanda ya sihulu se:

• Phala kukhala na tuhalu twamboti navi watokala kukhala ukahalu kamboti. Namwahi uhasa kukhala ukahalu kamboti?

VIKHI WATUVA

Kuhanda samboti tuhalu etu atulumba samboti. Kukhanda yikwau, twakusangulwisa Yehova.

Kuzimbuluka

• Mukonda lya vikhi kuhanda tuhalu etu suma samboti phala Yehova?

• Tuhalu akhi katokaleli kwenda navu?

• Namwahi uhasa kukhala na tuhalu twamboti na vathu vasili?

KENGA WEKHA

Tala momo kuhanda tuhalu amboti kutukwasa kuhita na vyuma vihwinya.

Fortaleça as suas amizades antes que o fim chegue (A Sentinela, novembro de 2019)

Khala na kayula kamboti phala kuhanda samboti tuhalu avi.

“Como podes fazer bons amigos?” (Os Jovens Perguntam – Respostas Práticas, Volume 1, capítulo 8)

Vikhi wafanya kuziva kukhanda ya kuhanda tuhalu avi mu telefone?

Seja esperto: saiba usar as redes sociais (4:12)

Tala vye vya kakwasa umwe muyala kuhanda tuhalu twendi, tanga mu mukanda yivyela momo: “Ami nakakhala kuvinga umwe tata.”

“A Bíblia Muda Vidas” (A Sentinela, 1 de abril de 2012)