Vikhi Wafanya Kulumba Phala mu Sikungulwila Kulihana Samboti?

Ha twezi kukhala kumuheka na ziphangi zetu twezi kuliva nañgu Davidi akaywela heti: “Kwali ku waha ha tusanga ziphangi veni vosi vezi kukhala kumuhekha.” (Salmo 133:1) Mazi phala ziphangi vose mu sikungulwila kulihana samboti vose twafanya kulumba zikhono.

1. Vikhi vikasumisa kumbunga lya Yehova?

Nga walya muvikungwila vya kaseka ku matumbu akwau, ola kwakuniga kwesi kwiva lizu lyavu, yivi kwesi kuzimbala. Mukonda lya vikhi? Mukonda twezi kulilonga Bibilya, yitu twali na mikanda zimuhekha mu tumbu liose. Kukhanda yikwau, etu twezi kulumba zikhono phala kukhala na sisola umwe na mukwau. Ola kwakuninga katwesi mu tumbu limuhekha, twezi “kutumbula zina lya Yehova na kumusimanya kumuhekha.”—Sofonias 3:9 na nota.

2. Vikhi wafanya kulumba phala kulihana samboti na vakwenu?

“Khalyenu na sisola na vakwenu.” (1 Pedro 1:22) Namwahi yivi uhasa kulandula vyuma vye? Kukhali na visoka vya viha ku ziphangi na ku vye vezi kulumba, mazi wafanya kulumba zikhono phala kulihana samboti na ziphangi. Kukhali tuhu ukahalu ka muthu umuhekha. Twafanya kukenga kuziva ziphangi zosi mu sikungulwila. Kukhanda yikwau, twatokala kulumba zikhono zinzi phala katukhali na kahandu.—Tanga 1 Pedro 2:17.a

3. Vikhi wafanya kulumba nga kwesi kulihana samboti na umwe phangi?

Etu tuva kavitusi, kwali hamwe twakulumba vyuma vye vakwetu kavasoli. Mazi ola mwemo twafanya kulumba zikhono phala kulihana samboti na ziphangi zetu. Bibilya yiti: “Twafanya kupama kuloloka umwe na mukwau.” Bibilya nayu yiywela wekha yiti: “Nañgu momo Yehova ezi kumiloloka na kumifutikila nenu mwemo mwatokala kulumba.” (Tanga Colossenses 3:13.) Vitusi vinzi twezi kulumba kumesu aha Suku. Mazi ola mwemomo endi ezi kutuloloka wamona nendi asoli nga netu tuloloka ziphangi zetu. Nga kwakuninga simwe suma sa zindisa mukwenu, lumba zikhono phala kumana liwa na vithombo vyasu, mukhali samboti.—Tanga Mateus 5:23, 24.b

LILONGI WEKHA

4. Tusula kahandu

Twasola kuleka sisola ku ziphangi zetu zose. Mazi kuli hamwe kuhwinya kukhala na sisola na muthu yo kalififili netu. Amuni, vikhi vihasa kutukwasa? Tangyenu Atos 10:34, 35. Vyelienu kukhanda ya vihulu vye:

• Yehova kesi na kahandu, endi atava vathu vose vasoli kumusimanya. Namwahi vye vihasa kukukwasa kulihana samboti na vathu va kavalififili navi?

• Ko yivi watunga kahandu kakhi wezi kumona? Vikhi wafanya kulumba?

Tangyenu 2 Coríntios 6:11-13. Vyelienu kukhanda ya sihulu se:

• Vikhi vya kukukwasa kukhala na sisola ku ziphangi zose ola mwemomo kamwatungili hamuhekha?

5. Loloka vakwenu

Etu katuhasi kuloloka Yehova ku simwe suma. Mazi ola mwemomo endi ezi kutuloloka. Tangyenu Salmo 86:5. Vyelienu kukhanda ya vihulu vye:

• Vikhi sithimbu se situlonga kukhanda ya momo Yehova ezi kutuloloka?

• Avi wasanguluka momo Yehova ezi kutuloloka, mukonda lya vikhi?

• Twasola kulihana samboti na vakwetu vosi. Mazi mukonda lya vikhi kuhwinya?

Namwahi tuhasa kupama kukengelesa Yehova phala kulihana samboti na ziphangi zetu sikhali za vayala sikhali za vakhetu? Tangyenu Provérbios 19:11. Vyelienu kukhanda ya sihulu se:

• Nga kwakuninga umwe muthu wakakulumba simwe suma sakuzindisa, vikhi wafanya kulumba phala kulihana samboti?

Mazi kuli hamwe twezi kuzindisa vakwetu. Nga vye vya moneka vikhi wafanya kulumba? Talyenu VIDYU. Vyelienu kukhanda ya sihulu se:

VIDYU: Suku Ezi Kuhana Zimboti Kuva Vezi Kulihana Samboti na Vakwau (6:01)

• Mu vidyu, namwahi phangi yo akahasa kumana vithombo vye akakhala navyu na mukwau?

6. Soka ku vilinga vyamboti ziphangi vali navyu

Nga twakhala kumuhekha na ziphangi zetu twakuziva vilinga vyavu vyamboti, na vye ka vyamboti aku. Amuni namwahi tuhanda kupama kukhala tuhalu twavu? Talyenu VIDYU. Vyelienu kukhanda ya sihulu se:

VIDYU: Zimbuluka ku Vilinga Vyamboti Vya Vakwenu (5:10)

• Vikhi vya kukukwasa kusola vilinga vya ziphangi?

Yehova ezi kutala vilinga vyetu vyamboti. Tangyenu 2 Crônicas 16:9a. Vyelienu kukhanda ya sihulu se:

• Yehova wezi kutala vilinga vyamboti vye wali navyu. Namwahi mukuziva vye vihasa kukukwasa?

VIKHI WATUVA

Avi uhasa kukwasa sikungulwila kulihana samboti nga wakhala na sali na vakwenu na kuvaloloka nga vakuzindisi.

Kuzimbuluka

• Twafanya kulumba vikhi phala kutusula kahandu?

• Vikhi wafanya kulumba nga kamwesi kulihana samboti na umwe phangi?

• Mukonda lya vikhi wasola kukengelesa Yehova kukhanda lya momo wafanya kuloloka vakwenu?

KENGA WEKHA

Tala sisima se Yesu akata momo sihasa kutukwasa phala katuvyeli mwaviha ku ziphangi zetu.

Tire a trave do seu olho (6:56)

Usoka uti twatokala kulomba muloloki ola kwakuninga kayitwa aku twaluta?

“Pedir desculpas: um meio eficaz para fazer as pazes” (A Sentinela, 1 de novembro de 2002)

Tala momo vamwe vakatula kukhala na kahandu.

Não julgue pelas aparências (5:06)

Tala momo uhasa kumana simwe sithombo na umwe phangi phala kukhala na kusanguluka musikungulwila.

“Resolva problemas com amor” (A Sentinela, maio de 2016)