Níłchʼi Bidaʼiiníziinii Nidaʼałtseedii Danilı̨́!

Séítan dóó bándaalʼaʼí níłchʼi bidaʼiiníziinii doo daatsʼííd da dóó tʼóó báhádzidii danilı̨́. Díí éí ałkʼidą́ą́ʼ áhóótʼįįd Séítan éí Job oodlání nilı̨́įgo bilı̨́ı̨́ʼ dóó bándaalʼaʼí neestseed. Séítan éí Job neeznáago baʼáłchíní neestseed. Éí ‘báhádzidgo níyolʼ choyoosʼįįdgo hooghan tʼáá yiiʼ naháaztą́ągo bił ałhiihnááłdááz. Éí náá bíkéédóó Séítan Job “bikétłʼááhdóó bitsiitʼáajįʼ chʼozh yiidííłnaʼ.”—Job 1:7-19; 2:7.

Jesus kǫ́ǫ́ naagháyę́ędą́ą́ʼ, níłchʼi bidaʼiiníziinii łaʼ diné doo yádaałtiʼgo dóó doo daʼooʼı̨́ı̨́go ádeeyiilaa. (Matthew 9:32, 33; 12:22) Níłchʼi bidaʼiiníziinii łaʼ hastiin léiʼ tsiʼnideeyiiłáago tʼáá bí tsé yee naʼádílgizhgo ádabiilaa. (Mark 5:5) Áádóó nááʼáłdóʼ ashkii yázhí tʼáadoo hooyání háádílwoshgo nááʼíndayiiłhą́ąhgo “ditsxizgo” ádabiilaa.—Luke 9:42.

Dííshjı̨́įdi, Séítan dóó níłchʼi bidaʼiiníziinii tʼáá ákó daanéehgo tʼahdii ndaʼałtseedii danilı̨́. Yáʼąąshdę́ę́ʼ chʼídabidiistłʼííd bikéédóó tʼóó yówohda doo tsʼíídgo bił hodeeshzhiizh. Tʼóó yówohda doo daatsʼíídgo nihookááʼ tʼáá siʼą́ą́ ńtʼééʼ baa dahaneʼ. Diné yaa dahwiiyiiłʼah. Áádóó náánáłaʼ tłʼééʼgo yéego yichʼįʼ nidahwiiłná, bił bee doodaiiʼ bikʼi nídaʼiilchíihgo ádeeyósin. Dóó náánáłaʼ ił ashtéézh kʼehgo yichʼįʼ nidahwiiłná. Díídi níłchʼi bidaʼiiníziinii diné tʼóó dadiigis, nidaʼałtseed doodaiiʼ nidaʼádíltseedgo ádabileʼ.

Lintina éí Surinamedi bighango kweʼé nihił chʼihooníʼą́. Níłchʼi bidaʼiiníziinii éí hastą́ą́ tsʼáadahgo éí bikʼéí nideestseed. Áádóó ałdóʼ tʼáadoo nídí bitsʼíís dóó bíneʼ yichʼįʼ nidahwiiłnáago tseebíí tsʼáadah nááhai. Díí tʼáá bináałgo áhóótʼįįdígíí bee bééhózinígo níłchʼi bidaʼiiníziinii “diné tʼáadoo bee bikʼídahotʼáhígíí yichʼįʼ nidahwiiłnáago nideełtseed, éí bił ayóó ádaatʼé.”

Jiihóvah éí diné bándaalʼaʼígíí yichʼą́ naaghá Séítan bitsʼąą.—Proverbs 18:10.