Gulu Limene Limalalikila Aliyense

Yehova analinganiza Aisiraeli mwadongosolo. Masiku anonso, iye walinganiza anthu ake mwadongosolo kuti acite cifunilo cake. Kuzungulila dziko lonse lapansi, maofesi ya nthambi, madela, mipingo, na tumagulu twa ulaliki, onse amagwilila nchito pamodzi popititsa patsogolo nchito yolengeza uthenga wabwino. Timalalikila aliyense kuphatikizapo amene amakamba citundu cina.—Chiv. 14:6, 7.

Kodi munaganizilapo zophunzila citundu cina n’colinga cakuti muthandize winawake kuphunzila coonadi? Ngakhale kuti mwina mulibe nthawi yokwanila yophunzila citundu cina, mungaseŵenzetse JW Language app kuti muphunzile ulaliki wacidule. Ndipo mukaseŵenzetsa ulaliki umenewu, mudzapeza cimwemwe cofanana na cimene abale a m’nthawi ya atumwi anapeza ataona kuti anthu ocokela ku maiko ena akhudzika pomvela “zinthu zazikulu za Mulungu” m’citundu cawo.—Mac. 2:7-11.

ONETSANI VIDIYO YAKUTI KHALA BWENZI LA YEHOVA—KULALIKILA M’GAWO LA CITUNDU CINA, PAMBUYO PAKE, YANKHANI MAFUNSO OTSATILAWA:

• 

  Kodi ni pa nthawi iti pamene JW Language app ingakuthandizeni?

• 

  Kodi zina mwa mbali za pa JW Language app n’zotani?

• 

  Kodi anthu m’gawo lanu amakamba vitundu viti?

• Kodi muyenela kucita ciani ngati munthu wina wokamba citundu cina waonetsa cidwi cofuna kumvela uthenga wa Ufumu?—od 100-101 ¶39-41