Kodi Alongo Angakalamile Bwanji?

Alongo amacita mbali yofunika kwambili pocilikiza nchito ya Ufumu. (Sal. 68:11) Ndiwo amatsogoza maphunzilo a Baibo ambili. Ndipo apainiya oculuka a nthawi zonse ni alongo. Alongo olimbikila ofika m’masauzande amatumikila pa Beteli, ni amishonale, amadzipeleka pa nchito zamamangidwe kapena ni atumiki a nchito zamamangidwe, ndipo ena ni omasulila. Alongo ofikapo mwauzimu amalimbitsa mabanja awo na mipingo. (Miy. 14:1) Ngakhale kuti alongo sangatumikile monga akulu kapena atumiki othandiza, angadziikile zolinga mumpingo. Ngati ndimwe mlongo, kodi mungakalamile m’njila monga ziti?

• Kukulitsa makhalidwe abwino acikhristu—1 Tim. 3:11; 1 Pet. 3:3-6

• Kuthandiza alongo osadziŵa zambili mumpingo—Tito 2:3-5

• Kuwonjezela luso na zocita mu ulaliki

• Kuphunzila cinenelo cina

• Kusamukila kumene kuli olengeza Ufumu ocepa

• Kufunsila kuti muzithandizako pa nchito za pa Beteli kapena pa nchito yomanga malo olambilila

• Kufunsila kuti mukaloŵe Sukulu ya Alengezi a Ufumu

ONELELANI VIDIYO YAKUTI “AKAZI OGWILA NCHITO MWAKHAMA POTUMIKILA AMBUYE”, NDIYENO YANKHANI FUNSO ILI:

• Kodi zimene aliyense wa alongowa wakamba zakulimbikitsani bwanji?