Ciŵelengelo ca Acinyamata Odwala Matenda a Maganizo Cikuculuka—Kodi Baibo Ikutipo Ciyani?

Pa Mande, February 13, 2023, bungwe loona za umoyo lochedwa Centers for Disease Control and Prevention (CDC) ku United States linatulutsa lipoti la ciŵelengelo ca acinyamata odwala matenda amaganizo mu U.S. Lipotilo linati ana oposa 40 pelesenti kusukulu ya sekondale amakhala okhumudwa komanso opanda ciyembekezo.

Dr. Kathleen Ethier, amene ni mtsogoleli wa nthambi ya bungwe la CDC yochedwa Division of Adolescent and School Health (DASH) anati: “Takhala tikuona kuculuka kwa acinyamata amene amadwala matenda a maganizo m’zaka 10 zapitazi. Koma ciŵelengelo ca atsikana odwala matenda amaganizo, komanso amene amafuna kudzipha cawonjezeka kwambili kuposa kale lonse.”

Lipotilo linati:

• Pafupifupi atsikana aŵili pa 10 aliwonse (14 pelesenti) amagonedwa mwacikakamizo. Dr. Ethier ananena kuti: “Pa atsikana 10 alionse amene udziŵa, mtsikana mmodzi ngakhale kuposapo, amakhala kuti anagwililidwapo. Zimenezi n’zomvetsa cisoni kwambili.”

• Pafupifupi mtsikana mmodzi pa atsikana atatu alionse (30 pelesenti) anakhalapo na maganizo ofuna kudzipha.

• Pafupifupi atsikana atatu pa 5 alionse (57 pelesenti) anapsinjikako maganizo kapena kutaya mtima.

Ziŵelengelo zimenezi n’zomvetsa cisoni kwambili. Unyamata ni nthawi imene munthu amafunika kukhala wosangalala. N’ciyani cingathandize acinyamata kuthana na nkhawa masiku ano? Kodi Baibo ikutipo ciyani?

Baibo ili na malangizo othandiza kwa acinyamata

Baibo imakamba mosapita mbali za nthawi yovuta imene tikukhalamo. Imati ni “nthawi yapadela komanso yovuta.” (2 Timoteyo 3:1-5) Komabe, imapeleka malangizo amene amathandiza acinyamata mamiliyoni padziko lonse kulimbana na mavuto amene amakumana nawo. Ŵelengani nkhani zotsatilazi zokhala na malangizo a m’Baibo.

• Kodi Baibulo Lingandithandize Ngati Ndili ndi Maganizo Ofuna Kudzipha?

• Kodi Baibo Linganithandize Ngati Nili na Maganizo Ofuna Kudzipha?

• Kodi Kudzipha Ndi Njira Yabwino Yothetsera Mavuto?

• Kodi Ndingatani Ngati Ndili ndi Matenda Ovutika Maganizo?

• Kodi Ndingatani Kuti Ndisamangoganizira Zinthu Zolakwika?

• N’chiyani Chingandithandize Ndikakhala Ndi Nkhawa?

• Kodi Ndingatani Kuti Ndisamasinthesinthe Mmene Ndimamvera?

• Zimene Mungachite Kuti Muyambirenso Kusangalala (vidiyo yatukadoli)

• Kodi Ndingatani Anthu Ena Akamandivutitsa?

• Ndingatani Ngati Anthu Ena Amandivutitsa pa Intaneti?

• Kugonjetsa Munthu Amene Akukuvutitsani Popanda Kumenyana Naye (vidiyo yatukadoli)

• Kodi Ndizitani Ngati Ena Akundichitira Zachipongwe?

• Kodi Ndiyenera Kudziwa Zotani Zokhudza Nkhanza za Kugonana?—Gawo 1: Mmene Mungadzitetezere

• Kodi Ndiyenera Kudziwa Zotani Zokhudza Nkhanza za Kugonana?—Gawo 2: Zimene Mungachite Ngati Munachitidwapo Nkhanza Zotere

Baibo imapeleka malangizo othandiza kwa makolo

Baibo imapelekanso malangizo abwino amene makolo angagwilitse nchito pothandiza ana awo kulimbana na nkhawa za pa umoyo. Ŵelengani nkhani zotsatilazi zokhala na malangizo a m’Baibo.

• N’chifukwa Chiyani Achinyamata Ambiri Akudwala Matenda Ovutika Maganizo?

• Ngati Mwana Wanu Wamkazi Akuvutika Maganizo

• Kodi Ndingatani Ngati Nditamva Kuti Mwana Wanga Amavutitsidwa ndi Anzake?

• Mmene Mungathandizire Mwana Wanu Amene Amadzivulaza Mwadala

• Nkhani Yovomereza Ana Kugwiritsa Ntchito Intaneti—Mbali 1: Kodi Mwana Wanga Azigwiritsa Ntchito Intaneti?

• Nkhani Yovomereza Ana Kugwiritsa Ntchito Intaneti—Gawo 2: Kuphunzitsa Mwana Wanu Wachinyamata Kukhala Wosamala Pogwiritsa Ntchito Intaneti

• Ana ndi Mafoni—Mbali Yoyamba: Kodi Mwana Wanga Akhale ndi Foni?

• Ana ndi Mafoni—Mbali Yachiwiri: Phunzitsani Ana Anu Kugwiritsa Ntchito Foni Mosamala

• Kukambirana ndi Mwana Wanu Nkhani Yotumizirana Zinthu Zolaula Pafoni