Oviimbo
Otyiimbo tya Ndaviti, tyokuhinangelesa.
38 Siovaa wahambiyule nonyengo,
Wahandonge tyanumana.+
2 Mokonda onohevo mbove mbanyingila mokati kange,
Enkhanya liove liandemena.+
3 Olutu lwange aluho lwavela* mokonda yonyengo yove.
Mokati komankhipa ange mutupu ombembwa mokonda yonkhali yange.+
4 Mokonda ononkhali mbange mbutangelela keulu liomutwe wange,+
Ngomutyindo walema unene nehevili okutyinda.
5 Ovipute viange vianika omapita, vikahi nokuvila-po,
Mokonda yowova wange.
6 Neihamenwa nasoya unene.
Onthiki aiho ndyienda-enda vala tyasoya.
8 Nepwila unene, ndyitupu vali ononkhono.
Ndyikema unene* mokonda yomutima wange waihamenwa.
9 Siovaa, atyiho ame ndyihanda ove utyii,
Okukema kwange kakwaholamene kwoove.
10 Omutima wange uveta unene, ndyitupu vali ononkhono.
Otyimimi tyomaiho ange tyanthya-po.+
11 Omapanga ange no vomundyila yange vandyeka-po mokonda youvela wange,
Omapanga ange omanene vankhalela kokule.
12 Vokwovola okumphola omwenyo wange,* vatela omaliva.
Vokuhanda okunyona, vahipulula vala okunthyanya-ko.+
Onthiki aiho vaovola okunkhemba.
13 Mahi ame ndyikala ngompholo anehevetehela.+
Ndyikala ngotyihita-mulungu, anahaikula omulungu wange.+
14 Ame nakala ngomunthu weheivi-ko,
Una omulungu mahi eheliyakulila.
16 Ame nati: “Vahahambukilwe ononkhumbi mbange,
Nii vehelipake-ko tyina omphai yange yamasesunuka.”
17 Mokonda ame maa ndyitoka,
Apeho neihamenwa vala.+
20 Ame nevelinga otyiwa ngwe avandingi otyivi.
Vandyala mokonda ndyiovola okulinga oviwa.
21 Siovaa, wahandyeke-po.
Huku yange, wahankhalele kokule.+
22 Kuluminya, endyu unkhwateseko-vo,
Siovaa, muyovoli wange.+