Oviimbo
Ko wokutumbula-mo. Otyiimbo tya Ndaviti.
64 Huku yange, tehelela-vo ondaka yange ndyilifefa kwoove.+
Yovola-vo omwenyo wange konondyale vahanda okundinga omapita.
2 Ndyakulile-vo kovivi onondingavivi vapangela pokamphengi,+
Ndyakulile konondingavivi ononyingi-nyingi.
3 Valipika elaka liavo ngomutunga.
Vayulika nonondaka mbavo onombi ngonohevo.
4 Vayaha ou wehena etyi alinga, otyo vavanda pomiyolameno viavo.
Vemuutukila nomihongo tyehena owoma.
5 Vakakatela monomphango mbavo onombi.*
Velipakaila-mo oñgeni mavatele omaliva avo.
Vati: “Olie meemono?”+
6 Vataindya ononkhalelo ononkhwavo mbokulinga ovivi.
Valingila pokamphengi onomphango mbavo onombi.+
Omalusoke eli momitima viavo epwilisa okwenoñgonoka.
7 Mahi Huku mekeveyaha nohevo.+
Mavakautukilwa avavangwa.
8 Elaka liavo mwene olio malikevetokesa.+
Aveho maveketyimona mavakapuka komutwe.