Selemiya
27 Etyi Seoyakii ahimbika pahe okutumina, Seoyakii omona wa Sosiya, Seoyakii ohamba yo Sundaa, ondaka ei yatunda ku Siovaa ayeendela Selemiya: 2 “Siovaa wamphopila wati: ‘Linga omalienge nonokanga, onokanga mbupaka pomunyino wove. 3 Pahe ombutumu kohamba yo Endoo,+ no kohamba yo Moambe,+ no kohamba yova Amoo,+ no kohamba yo Tilu,+ no kohamba yo Sindone,+ mbupa ovatumwa-ndaka veya ko Selusalei veya ku Sendekiya, ohamba yo Sundaa. 4 Vetuma vakapopile onohamba mbavo okuti:
“‘“Etyi, otyo tyapopia Siovaa womambamba ovita, Huku yova Isilayeli, otyo muna okukapopila onohamba mbenyi, muti: 5 ‘Ame, ame natunga ohi, novanthu, novinyama kombanda yohi nononkhono mbange ononene, ame mwene natunga nokuvoko kwange kwatandavela, ovio ndyivipa ou nahanda.*+ 6 Pahe ame ndyipakula ovilongo evi aviho pomavoko omuundapi wange Nambukondonosole+ ohamba yo Mbambilonia; ndyimupa umwe novinyama viatyo viohika vimuundapele. 7 Ovanthu aveho vovilongo mavakaundapa kwe, no komona wae, no komutekula wae, atee ononthiki mbotyilongo tyae mbuhika-po,+ ononthiki ovanthu vovilongo ovinyingi nonohamba ononene mavekemulinga omupika.’+
8 “‘“‘Ine ovanthu votyilongo tyimwe, hamwe o vouhamba umwe vaanya okuundapela Nambukondonosole ohamba yo Mbambilonia, avaanye okupaka pomunyino okanga yohamba yo Mbambilonia, ame ovanthu ovo mandyikevetyepesako nomutunga,+ nondyala, nomukihi,’* o Siovaa wetyipopia, ‘atee ndyinyima-ko aveho nomavoko ae.’
9 “‘“‘Mwahatehelelei ovauli venyi, nii ovitapi vienyi, nii ovanthu venyi vokuulila monondyoi, no vokulipaka momatambu, nononganga, ava vokumupopila okuti: “Onwe kamamukaundapela ohamba yo Mbambilonia.” 10 Mokonda vemuulila omatutu, otyo matyimutwaisa kokule notyilongo tyenyi, mandyimutyandyanesa, onwe mamunyimi-ko.
11 “‘“‘Mahi ovanthu votyilongo tyamelipake mokanga yohamba yo Mbambilonia, ngayo vaundapela, ame mandyiveyeke avakala* meheke liavo,’ o Siovaa wetyipopia, ‘opo valime-mo, ngamo vakala.’”’”
12 Na Sendekiya+ ohamba yo Sundaa nemupopilile-ale onondaka ombo, andyiti: “Lipakei mokanga yohamba yo Mbambilonia, ngayo muundapela, nayo novanthu vayo, mwahankhie.+ 13 Omokonda yatyi ove tatekulu, novanthu vove, mamunkhila komutunga+ no kondyala,+ no komukihi,+ ngeetyi Siovaa apopilile ovanthu vovilongo vahaundapela ohamba yo Mbambilonia? 14 Mwahatehelei onondaka ovauli vemupopila, mbokuti: ‘Onwe kamamukaundapela ohamba yo Mbambilonia,’+ etyi vemupopila omatutu.+
15 “‘Ame hevetumine,’ o Siovaa wetyipopia, ‘veli nokumupopila omatutu menyina liange, otyo ame mandyikemuyandyanesila, amukanyima-ko, no onwe novauli vemupopila.’”+
16 Ovanakwa novanthu ava aveho nevepopila okuti: “Siovaa wati: ‘Mwehetavelei onondaka mbovauli venyi, vemupopila okuti: “Tala! Ovityuma vyo mondywo ya Siovaa, apa katutu ko Mbambilonia mavikaetwa-ko!”+ etyi vemupopila omatutu.+ 17 Mwehevetavelei. Onwe undapelei ohamba yo Mbambilonia muhupe.+ Oityi epunda-umbo malilingila omphile? 18 Mahi ine tyilityili ovauli umwe, vena umwe ondaka ya Siovaa, velivondele-vo mba ku Siovaa womambamba ovita, ovityuma viahupa mondywo ya Siovaa, no mondywo* yohamba yo Sundaa, no ko Selusalei, viahaye ko Mbambilonia.’
19 “Siovaa womambamba ovita wapopia onomphandyi,+ Nelunga,*+ noutuku-tuku,+ novityuma ovikwavo viahupa mepunda-umbo, 20 evi Nambukondonosole ohamba yo Mbambilonia asile-po etyi atyinda Sekoniya omona wa Seoyakii ohamba yo Sundaa, pokwemupola ko Selusalei emutwala koukonde ko Mbambilonia nae nomanene atyo aeho omo Sundaa, no omo Selusalei;+ 21 etyi otyo Siovaa womambamba ovita, Huku yo Isilayeli apopia tyayemba kovityuma viesalele mondywo ya Siovaa no mondywo* yohamba yo Sundaa, no mo Selusalei wati: 22 ‘“Mavikatwalwa* ko Mbambilonia,+ ngako vikakala, atee onthiki mandyikevisoka,” o Siovaa wetyipopia. “Mandyikevikondola, andyikevieta motyilongo muno.”’”+