Isekiyele

15 Ondaka ya Siovaa aindyendela vali aiti: 2 “Mona womulume, omuti wonouva una ou weelekwa nao, okuti upondola okweelekwa nompha yomuti wo motyiteta? 3 Okuti otyimbonde tyapolwa-ko, tyina ovilinga? Okuti ovanthu vapondola okutulika ovityuma kotyimbonde tyatyo? 4 Tala! Okutyiyumba motupia tyiyaka, atyikwate otupia konondungu mbatyo, pokati atyivauka. Okuti opo pahe tyina vali ovilinga? 5 Pweetyi tyehenepie tyitupu-ale ovilinga. Pahe tyina tyavauka atyipi, opo tyina vali ovilinga?”

6 “Etyi otyo tyapopia Tatekulu Ohamba Onene Siovaa, wati: ‘Ngeetyi pokati komiti vyo mohika, evai liomuti wonouva nelilinga olukwii lwokuyakesa, novanthu vokukala mo Selusalei ongootyo mandyikevelinga.+ 7 Ame nevepilukila-po. Ngwe vahupa kotupia, mahi otupia matukevenyima-ko. Tyina namevepilukila-po,+ onwe mamukankhola umwe okuti ame, ame Siovaa.’”

8 “‘Otyilongo mandyiketyilinga ekongola,+ kombanda yeetyi valinga tyokunthyindamena,’+ wetyipopia o Tatekulu Ohamba Onene Siovaa.”