Oseya
10 “Isilayeli ukahi ngomuti wonouva watyuuka,* ukahi nokwima ovinyango.+
Putyina aima vali ovinyango ovinyingi, uyawisa vali komitala viae viovilikutila.+
Putyina ateya vali unene mohika yae, onomphandyi mbae mbukola umbufiviswa vali.+
2 Omutima wae owemphinia;*
Pahe mavavelwa onombei.
Pena umwe makateya-teya omitala viae viovilikutila, akahanya-ko onomphandyi mbae mbukola.
3 Pahe mavakapopia okuti: ‘Tutupu ohamba+ mokonda katwatilile owoma Siovaa.
Oityi ohamba ipondola okutulingila-ko?’
4 Onondaka vapopia kambusilivila, vaana omatutu,+ valinga onomphango mbomatutu.
Mokonda yotyo otyipuka vateta onomphela uti vala ovifo vikola ovanthu, vimena monohika mbalimwa.+
5 Ovana-tyilongo vo Samaliya mavakatila owoma otyika-huku tyo ko Mbete-Ave.+
Ovanthu votyilolo otyo maveketyilila,
Novanakwa vovika-huku vovilongo ovikwavo ankho vahambukwa mokonda yatyo nomunkhima watyo, mavakalila,
Mokonda matyikatwalwa koukonde kokule navo.
6 Matyikatwalwa ko Asilia ngatyina otyiawa tyapewa ohamba imwe onene.+
Efalaii makakala tyakunda,
Isilayeli makakunda mokonda yelondolo alandula.+
7 Tyotyili, Samaliya nohamba yae mavakahanyaunwa-ko,*+
Ngatyina otyimpha tyateka tyili kombanda yomaande.
8 Omitala viovilikutila vyo ko Mbete-Ave+ vilingisa Isilayeli onkhali,+ mavikahanywa-ko.+
Komitala viavo makukamena omakete novifo.+
Ovanthu mavakapopila onomphunda okuti: ‘Pupikei kwoonthwe!’
Ovipunda aveviti: ‘Wilei kwoonthwe!’+
9 Ove Isilayeli, ulinga onkhali tundee kononthiki+ mba Simbeaa.
Vatwalako okulinga ngootyo.*
Ovilwa kaviehikile ko* vokulinga ovivi mo Simbeaa.
10 Tyina namahande, mandyivelongesa.
Ovanthu mavekeliongiya na vevelwise,
Putyina vamatyindi omutengi wovivi viavo vivali.*
11 Efalaii ukahi ngongombe ondema yalongeswa, ityihole tyokutyopa onoñgima,
Hapakele okanga pomunyino wayo.
Mandyikatuma umwe makavelama ku Efalaii.*+
Sundaa makalimisa, Sakoo mekemuviukisila-ko otyilwa.
12 Kunei ouviuki, muteye olwembia olunene.
Limisei monohika mbokuhakuninwe,+
Tyina nkhele pena omuvo wokwovola Siovaa,+
Atee ngwe eya, emulongesa ouviuki.+
13 Mahi onwe mwakuna ovivi,
Amuteye okulingwa onya,+
Mulia otyinyango tyomatutu.
Mokonda ove wayumba onthumbi mondyila yove mwene,
Momafwalali ove omanyingi-nyingi.
14 Mokeiva ovita viaviela unene viya okulwisa ovanthu vove,
Omapunda-umbo ove okwapama maeya okuhanyaunwa-ko,+
Ngeetyi Salumaa ahanyauna-po eumbo lya Alembeli,
Monthiki yovita pweetyi ovoina vatyopwa-tyopwa kumwe novana vavo.
15 Otyo, otyo ove mokalingwa Mbetele,+ mokonda yovivi viove ovinyingi unene.
Tyina ekumbi litunda, ohamba yo Isilayeli, tyotyili maikanyimwa-ko.”*+