Oseya
8 “Paka komulungu ombinga ohiki!+
Kuna umwe ukahi nokuya no mondywo ya Siovaa ukahi ngonkhombe,+
Mokonda vayeka-po omphango yange,+ vayapuka motyitumino tyange.+
2 Veliyava kwaame okuti: ‘Huku yetu, onthwe ova Isilayeli tukwii!’+
3 Isilayeli waanya-le etyi tyaviuka.+
Amoneswe ononkhumbi nonondyale.
4 Vanaka onohamba avahatehela kwaame.
Vanaka ovatumini tyahapulu kwaame.
5 Onkhembe yaanywa, ove Samaliya.+
Nanumana unene navo.+
Atee nalupi mavehevili okulisukula?*
6 Mokonda, oyo yatunda ku Isilayeli.
Ha Huku-ko weilinga yalingwa nomunthu.
Onkhembe yo Samaliya maikatyatyaulwa.
7 Mokonda vekahi nokukuna omphepo
Mavakateya otyipepe otyinene.+
Nga tyikayela ñgoo matyikaliwa nononthunda-vilongo.*+
8 Isilayeli makahanywa-ko.+
Mavakakala pokati kovilongo+
Ngatyina ombiya ihasilivila.
9 Valondeka no ko Asilia+ ngotyimbulu tyohika tyienda atyike.
Efalaii wakonga onombalehi mbae.+
10 Namphila vakonga onombalehi movanthu vovilongo ovikwavo,
Ame mandyikeveongiya.
Mavakahimbika okumoneswa ononkhumbi+ mokonda yomulemo mavapewa nohamba, novatumini.
11 Efalaii walinga omitala ominyingi opo alinge ononkhali.+
Omitala viae viakala viononkhali.+
12 Ame nemuhonekela ovipuka ovinyingi konthele yovitumino viange,*
Mahi viatalwa ngatyina otyipuka tyeheiwe.+
13 Vandingila oviawa, ohitu aveili-po,
Mahi Siovaa kevihambukilwa.+
Makahinangela ovivi viavo, ekevekoyesa mokonda yononkhali mbavo.+
14 Isilayeli walimbwa Una wemutunga,+ atungu onondywo mbokufendela,+
Sundaa wayawisa omapunda-umbo okwapama.+
Mahi ame mandyikatuma otupia momapunda-umbo ae,
Otupia matukayoka-po onomphandyi mbovimato viae.”+