Eholololo Swau Amona

15 Nkhati ñgaa otyipuka otyikwavo vali otyinene meulu, omaelema omanene, onoandyu+ epandu-vali mbuna ovihuna epandu-vali. Ovio, ovihuna viahulilila umwe, tyeetyi ovihuna ovio, ovio umwe mavimane konyengo ya Huku.+

2 Andyimono otyipuka tyimwe tyilinga ngelunga+ liovitulu liahonya notupia, ava vokwatilisa+ enyama notyilolo+ tyalio nombalulo yenyina lialio,+ vetai ponthele pelunga opo, vakwata ovisandyi vya Huku. 3 Veli nokwiimba otyiimbo tya Mwisesi,+ omupika wa Huku, notyiimbo Tyondyona,+ vati:

“Omalinga ove omanene,+ ahuvisa, Siovaa* Huku Omunene.+ Onondyila+ mbove mbaviuka, o mbotyili, Hamba ya apeho.+ 4 Olie-vo wahamekutili owoma, olie wahamankhimaneka enyina liove Siovaa,* ngwe ove ove vala ukakatela ko vove?+ Ovanthu aveho vovilongo maveya,+ mavekufende, mokonda ovitumino viaviuka viaholololwa.”

5 Pahe, nkhati vali ñgaa omphangu ikola yohinge youmbangi+ keulu, yaikulwa,+ 6 onoandyu epandu-vali mbuna ovihuna+ epandu-vali ambutundilila pomphangu ikola, mbavala ovikutu viasukuka violinyu vialiaima, nomapoha* oolu monthulo. 7 Povipuka vikwana vina omwenyo, tyimwe atyitambeka onoandyu epandu-vali ovilindo epandu-vali vioolu vieyula onyengo ya Huku,+ ou ukala-kala-ko umwe apeho. 8 Omphangu ikola aiyula omwihi mokonda yomunkhima wa Huku,+ mokonda yononkhono mbae, nawike wetyivilile okunyingila momphangu ikola atee ovihuna+ epandu-vali vionoandyu epandu-vali viapwa.