Omukanda wa Vali Ehipululo
8 Konthyulilo yomanima 20 etyi Salomau amana okutunga ondywo ya Siovaa, neumbo liae* mwene,+ 2 Salomau apindula-po omapunda-umbo apelwe na Hilau,+ apake-mo ova Isilayeli,* ngamo vakala. 3 Tupu, Salomau akalwisa otyilongo tyo Hamate-Sombaa, etyipolo-ko. 4 Apameka* vali o Tandimole, ikala moluhandya, nomapunda-umbo aeho okuna ovityivo ovinene*+ atungile mo Hamate.+ 5 Tupu Salomau wapamekele o Mbete-Oloo yo Kombwelo+ no Mbete-Oloo yo Kombanda+ novimato, nomapito, nomakumba, 6 no Mbaalate,+ nomapunda-umbo aeho ovilimba vya Salomau, nomapunda-umbo omatemba ovilwa,+ nomapunda-umbo ovalume vokuvelama kononkhambe, novipuka aviho Salomau ahandele okutunga mo Selusalei, no mo Limbanu, no movilongo aviho ankho atumina.
7 Mahi ovanthu aveho vokwahupile kova Hete, no kova Amoleu, no kova Peliseu, no kova Heveu, no kova Sembusi,+ veheva Isilayeli,+ 8 ovana vovanthu vahupile motyilongo, vana ova Isilayeli vahaipaele,+ Salomau evekwate, evekuluminya okulinga ovilinga vialema atee hono.+ 9 Mahi Salomau kalingile omu Isilayeli nawike omupika movilinga viae,+ mokonda ovakwa-vita vae, ononkhalamutwe mbovaomboli vomatemba ae ovilwa, no mbovokweenda nononkhambe mbae.+ 10 Kwali ononkhalamutwe mbovatumini 250, vokuhongolela ovilinga Viohamba Salomau.+
11 Tupu, Salomau apolo omona wa Falaoo omufikwena+ Mepunda-umbo lya Ndaviti, emutwala no keumbo emutungila,+ ati: “Namphila omukai wange, mahi kapondola okukala meumbo lya Ndaviti Ohamba yo Isilayeli, mokonda onomphangu ambuho pakala Otyikasa tya Siovaa, mbukola.”+
12 Konyima, Salomau alingila Siovaa ovilikutila viokuyokwa,+ komutala wovilikutila wa Siovaa,+ atungile komutwe wotyikulilo.+ 13 Walandulile etyi tyilingwa nthiki na nthiki. Walingile oviawa, alandula umwe etyi ovitumino vya Mwisesi vipopia tyilingwa movityasapalo,+ na tyina ohanyi yaviala,+ no povipito viokulingwa tutatu menima,+ Otyipito Tyonombolo Mbahapakelwe Onkhiso,+ Notyipito Tyonosimanu,+ Notyipito Tyomakaka.*+ 14 Tupu walandulile etyi apopililwe na tate yae Ndaviti, aonganeka ovikundyi viovanakwa+ opo valinge ovilinga viavo. Aonganeka ovana va Levii opo vaundape ponomphangu mbavo, opo vahilivike Huku,+ nokuundapela kumwe novanakwa ngeetyi tyilingwa nthiki na nthiki. Tupu waonganekele ovikundyi vyo vokuundapa konombundi,+ mokonda ovio ovio ovitumino vya Ndaviti, omunthu wa Huku yotyotyili. 15 Ovanakwa, novana va Levii kavayapukile movitumino vapelwe nohamba, konthele yovilimba novilinga ovikwavo. 16 Ovilinga aviho vya Salomau viali ovilinga viaonganekwa* nawa, okuhimbikila monthiki ehina* liondywo ya Siovaa liatungwa+ atee onthiki yapwa. Pahe, ondywo ya Siovaa aipu.+
17 Konyima, Salomau aende ko Esioo-Sembele,+ no ko Elate,+ kekomo lielunga motyilongo tyo Endoo.+ 18 Hilau+ atumu ku Salomau onombaluku novatahi vonombaluku* ovanongo. Ovatahi ovo, avaende novapika va Salomau ko Ofili,+ avakaeta onotalendu* 450 mboolu,+ avembutwala Kohamba Salomau.+