Oviimbo
Ko wokutumbula-mo. O Sendutuu.*+ Otyiimbo tya Ndaviti.
39 Ame nati: “Mandyiyungu ondyila yange,
Opo nahalinge onkhali nelaka liange.+
Mandyikutu komulungu wange+
Tyina ponthele yange pena ondingavivi.”
2 Nakala otyihita-mulungu, anahapopi,+
Hapopile natyike nii vala otyiwa.
Mahi olwihamo lwange ankho luvila-po vala.*
3 Omutima wange ankho watokota unene mokati kange.
Tyina ankho ndyisokolola,* otupia ankho tutokota vali.
Ame andyiti:
4 “Siovaa, nkhwateseko-vo ndyinoñgonoke apa mandyihulila,
Na apa pelifwe ononthiki mbange,+
Opo ndyinoñgonoke ousupi womwenyo wange.*
Tyotyili, omunthu ngamoneka-ñgo ngoti wapama, kasilivila-le omphepo vala.+ (Selaa)
6 Ovanthu aveho vapilauluka ngokafi.
Velipwilisa vala nokuti, avakahateka no oku avakahateka no oku.*
Veliongiyila olumono otyo vehei ou mekelulia.+
7 Oityi ndyipondola okukevelela Siovaa?
O kwoove vala ndyikevelela.
8 Ndyovole-vo mononkhali mbange ambuho.+
Wahayeke eova lindinge omukwele.
10 Mphole-vo ovihuna evi wamphaka.
Nepwila mokonda yokuvetwa nenkhanya liove.
11 Ove pokuviyula omunthu, umumonesa ononkhumbi mokonda yonkhali yae.+
Ove umana-po ovipuka omunthu ehole, ngoutiva wokulia ovikutu.
Tyotyili, ovanthu aveho omphepo vala.+ (Selaa)
12 Siovaa, tehelela-vo elikwambelo liange,
Nthehelele-vo tyina ndyiulula onkhwo opo unkhwateseko.+
Wahaniange ononkhuka mbange.*
13 Wahandengulule-vo vali, opo ame ndyihambukwe,
Tyina ame nkhele neheneende, anahakala-ko vali.”