Wo Tete Wahonekelwa Ova Kolindu
10 Pahe vanthu vetu ame nahanda munoñgonoke okuti, ovakulu vetu aveho vali mekaka,+ aveho vakwatele melunga,+ 2 aveho vambatisalelwe mu Mwisesi pokwakala mekaka, pokwakwata melunga, 3 aveho valile okulia kwa Huku,+ 4 aveho vanwine omeva a Huku.+ Mwene ankho vetyiliya okunwa monkhanda ya Huku ivelandaula, onkhanda yatyo oyo ankho yakalela-po* Kilisitu.+ 5 Mahi Huku ehevehambukilwa, ovanyingi avemunumanesa, evevange, avavongela moluhandya.+
6 Pahe ovipuka ovio vialinga vietu viokutulongesa, opo twahapeleye evi vinyona, ngeetyi ngwe valingile.+ 7 Nii mwahalingei vokufenda ovika-huku ngeetyi vamwe valingile; tyahonekwa tyatiwa: “Ovanthu aveho vapumphama valie, vanwe. Pahe avakatuka avai mokunyana.”+ 8 Twahalingei ovihayo kokulihanda* nga vamwe vali ovihayo kokulihanda,* puvo yatyo apatoko ovanthu 23.000 monthiki ike vala.+ 9 Tupu twahalolei Siovaa*+ nga vamwe puvo vemulolele, pahe avakankhia vala kononyoka.+ 10 Mwahalingei vokulondovola nga vamwe puvo valondovolele,+ pahe avakankhia komuhanyi.+ 11 Ovipuka ovio vialingailwe umwe vitulongese, viahonekwa vitulondole onthwe+ vokuli-ale konthyulilo youye uno.
12 Naina, ou uti tyina elitala usoka okuti ndyitai, alunguke ahatoke.+ 13 Onwe mutupu otyivi tyitumbukila vala onwe, tyahatumbukila ovanthu aveho.+ Mahi Huku uyumbwa onthumbi, kemuyekela-le etyi mwehevili,+ tyina muna tyimwe tyimutateka ngwe memupe ondyila, opo mutyivile okulwa natyo.+
14 Naina, vanthu vange ndyihole, tilei etyi tyokufenda ovika-huku.+ 15 Ame ndyipopia tyokupopila ava vakungunyika ovipuka; noonwe mwene pahe koyei-po pu otyo napopia. 16 Tyina tunwa kokopo ei yoviwa tupandula, onthwe katuli nokupola kohonde ya Kilisitu?+ Tyina tulia kombolo ei tuvembula, katuli nokupola kolutu lwa Kilisitu?+ 17 Mokonda ombolo ike vala, noonthwe twahula okuti tuvanyingi, mahi tulutu lwike vala,+ mokonda atuho tulia vala kombolo ike.
18 Talei vala ova Isilayeli vatyo mwene:* Ava vokulia kovilikutila, navo kavali umwe nomutala?+ 19 Mahi otyo napopia natiwi? Okuti nati tyalingilwa ovilolo, tyina apa tyilifwe, ine nati ovilolo vina apa vilifwe? 20 Au; mahi ame ndyiti, evi vomihoko omikwavo valinga ovilikutila, vevilingila ovilulu, ha Huku vevilingila;+ ame hihande mulipake mo viovilulu.+ 21 Onwe kamupondola okuti amunu kokopo ya Siovaa,* amunu kokopo yovilulu; kamupondola okuti amuli “komesa ya Siovaa,”*+ amukalia komesa yovilulu. 22 Okuti ‘katuli nokunkhindula Siovaa,* haa kamalingi onkhwelume’?+ Onthwe katwapamene tyokumuvila, hatyili?
23 Ovipuka aviho vilingwa,* mahi ha aviho vieeta ouwa. Ovipuka aviho vilingwa, mahi ha aviho vitunga.+ 24 Munthu na munthu ehesuke vala neetyi mwene tyimupa ehambu, mahi esuke neetyi tyipa-vo mukwavo ehambu.+
25 Ohitu mwavasa ilandeswa liei, mwahapulei-pulei vali tyokuti vala opo omutima wenyi ukululuke, 26 mokonda “atyiho o tya Siovaa,* nohi novipuka viatyo vili-mo.”+ 27 Ine umwe wehemutaveli umukonga, onwe mutehela umwe mwahanda okweenda, etyi mwamapewa vala liei, mwahapulei vali mokonda yomutima wenyi. 28 Mahi ine umwe umuti: “Etyi o tyovilikutila,” opo mwahaliei mokonda yo oo wemutolela, mwahaliei omutima wahakale omapita.+ 29 Omutima maukala omapita ndyili nokupopia ha wenyi-ko, mahi o wa mukwenyi. Namphila etyi nahanda mwene ndyipondola okutyilinga, opo pahe mandyilingi vala etyi tyilingisisa omutima wa mukwetu akambela onombei?+ 30 Ine ame pokulia ndyipandula, opo etyi napandula otyo tyikamphopisa vali omapita?+
31 Naina tyilinge mulia tyilinge munwa tyilinge mulinga vali otyipuka tyimwe otyikwavo, aviho mulinga vipe omunkhima Huku.+ 32 Elowei, mwahalingei etyi tyitokesisa ova Sundaa, mwahatokesisei ova Ngeleku nii ovanthu aveho vewaneno lya Huku,+ 33 lingei ngaame ndyili nokututumba ndyilinge evi vihambukiswa aveho movipuka aviho, anahaovola etyi tyimpha,+ mahi ndyoovola etyi tyipa ovanyingi navo vakayovolwe.+