Omukanda wa Vali Onohamba
25 Menima lya tyive Sendekiya eli nokutumina, mohanyi 10, monthiki 10 yohanyi, Nambukondonosole+ ohamba yo Mbambilonia kumwe novita viae aviho aveya okulwisa o Selusalei.+ Aveyoongela onthanda, avatungu otyimato tyeliseta nepunda-umbo aliho,+ 2 epunda-umbo avelipake pokati atee menima 11 ohamba Sendekiya eli kovipundi. 3 Monthiki ya tyive yohanyi ya kwana, ondyala mepunda-umbo aivili-po,+ ovanthu vo motyilongo+ vetupu okulia. 4 Avatembe+ emphana motyimato tyepunda-umbo. Ovakwa-vita aveho avahene-mo kounthiki, avakwata pombundi ikahi pokati kovimato vivali mondyila pononthemo mbohamba, pweetyi ova Kalindeya vapaka pokati epunda-umbo, ohamba ayeende nondyila yo ko Alambaa.+ 5 Ava ngwe ovakwa-vita vova Kalindeya avalandula ohamba, avekeivasa monthanthalahi moluhandya lwo ko Selikoo, ovakwa-vita vae aveho ali navo avakapamba. 6 Avakwata ohamba+ aveitwala kohamba yo Mbambilonia ko Limbela, aveipopila etyi maveilingi. 7 Avaipaa ovana va Sendekiya otyo atala, konyima Nambukondonosole akwata Sendekiya emulingi omumphoki, emukutu nomalienge otyitasu, emutwala no ko Mbambilonia.+
8 Mohanyi ya tano monthiki ya pandu-vali, menima 19 Nambukondonosole ohamba yo Mbambilonia eli kovipundi, Nembusalandaa+ omunene wovayungi, omuundapi wohamba yo Mbambilonia eya mo Selusalei.+ 9 Ayoko-po ondywo ya Siovaa+ nondywo* yohamba,+ nonondywo ambuho mbo Selusalei,+ tupu ayoko-po onondywo mbovalume aveho omalombe atyo.+ 10 Ovimato viokweliseta no Selusalei avihanywa-o novita aviho viova Kalindeya viaile nomunene wovayungi.+ 11 Nembusalandaa omunene wovayungi atwala koupika ovanthu vokwahupa-po vesalele mepunda-umbo, vana vahula kohamba yo Mbambilonia novanthu ovakwavo vahupa-po.+ 12 Mahi omunene watyo wovayungi asi-po vana vokwahepa vali povanthu vo motyilongo vaundape momapia omiti vionouva no movilinga vamatumwa.+ 13 Ova Kalindeya avatyoka-tyoka onomphandyi mbotyitasu+ mbondywo ya Siovaa noutuku-tuku,+ Nelunga liotyitasu+ likala mondywo ya Siovaa, avatwala otyitasu ko Mbambilonia.+ 14 Avatyindi novikwatelo, nonopaa, no viokunyima omutemo, nomalufo, novityuma aviho viotyitasu vaundapa navio mondywo ya Huku. 15 Omunene wovayungi apolo-po ovitenyo novilindo vialingwa noolu+ yatyo mwene nopalata+ yatyo mwene. 16 Mahi onomphandyi onombali, Nelunga noutuku-tuku Salomau alingilile ondywo ya Siovaa, ovipuka ovio aviho vialingilwe notyitasu, kavevivilile okuviheteka.+ 17 Otyipandyi tyike tyina onokovandu* 18 motyitai.+ Omutwe wo kombanda yotyipandyi tyimwe walingilwe notyitasu, omutwe wike una onokovandu ononthatu motyitai, omawanda nomalomaa okweliseta nomutwe, aeho alingwa notyitasu.+ Omphandyi ya vali nomawanda ayo yelifwa nomphandyi yo tete.
18 Omunene wovayungi aikwata na Selaya,+ omunene wovanakwa, na Sofoniya+ omunakwa wa vali, novayungi vetatu vo konombundi.+ 19 Apolo omuundapi umwe wo mombonge mepunda-umbo, omululiki womafwalali, novalume vetano vokupakela-mo ohamba vo mepunda-umbo, nomuhoneki womunene womafwalali, wokukwata ovanthu motyilongo, novalume 60 vo motyilongo nkhele vali mepunda-umbo. 20 Nembusalandaa+ omunene wovayungi evekwata, evetwala kohamba yo Mbambilonia ko Limbela.+ 21 Ohamba yo Mbambilonia aivevange, aiveipaela ko Limbela kotyilongo tyo Hamate.+ Ova Sundaa motyilongo tyavo+ avapolwa-mo avatwalwa koukonde.
22 Nambukondonosole ohamba yo Mbambilonia ape otyilinga Sendaliya+ omona wa Aikau,+ Aikau omona wa Safaa,+ otyilinga tyokuyunga ovanthu vesalele kotyilongo tyo Sundaa.+ 23 Ovanene vatyo vomafwalali nomafwalali atyo, vati vala tyiivee okuti ohamba yo Mbambilonia yaavela Sendaliya otyilinga, avaende ku Sendaliya ko Misipaa. Tyati o Isimayeli omona wa Netaniya, o Soanaa omona wa Kaleyaa, o Selaya omona wa Tanumete omu Netofa, o Saasaniya omona wa Maakate aveho avaende novita viavo.+ 24 Sendaliya apopi navo aane, ati: “Mwahatilei owoma wokukala ovaundapi vova Kalindeya. Kalei motyilongo, amuundapela ohamba yo Mbambilonia, atyiho matyimwende nawa.”+
25 Mohanyi ya pandu-vali, Isimayeli+ omona wa Netaniya, Netaniya omona wa Elisama womuhoko wohamba,* aende ko Misipaa+ kumwe novalume ovakwavo 10. Avavange Sendaliya, ankhi, ova Sundaa nova Kalindeya ena-vo navo avaipawa. 26 Pahe ovanthu aveho ovatutu novanene, nononkhalamutwe mbomafwalali, avatundu-ko avaende no ko Isitu,+ mokonda vatila owoma ova Kalindeya.+
27 Menima 37 Swakii+ ohamba yo Sundaa eli koukonde, tyina tyiti mohanyi 12 monthiki 27, menima Evili-Melondake alinga ohamba yo Mbambilonia, ayovola* Swakii ohamba yo Sundaa, emupolo mokalavoso.+ 28 Apopi nae nokankhenda, emupake kovipundi* emulingi omunene vali konohamba ali nambo ko Mbambilonia. 29 Apolo-mo ovikutu viae viounkhwatwa ahimbika okulia komesa yohamba ononthiki ambuho mbomwenyo wae. 30 Ononthiki ambuho upolelwa kokulia kwohamba, ononthiki ambuho ena omwenyo.