Oseya
4 Tehelelei ondaka ya Siovaa, onwe va Isilayeli.
Siovaa makakoyesa ovanthu votyilongo etyi,+
Mokonda motyilongo etyi mutupu otyili nii olwembia olunene nii enoñgonoko lya Huku.+
2 Okwaana, nomatutu, nokukemba,+ nokwipaa,+
Nokuvaka, noumbalehi+ vieliyandyana,
Okumomesa ohonde, tyiti vala etyi tyipwa etyi tyihimbika, katyitalama.+
3 Mokonda yotyo, otyilongo etyi matyikeliyava,+
Aveho vakala-mo mavakahoka.
Ovinyama mohika noviila meulu mavikankhia,
Atee umwe ombisi melunga maikankhia.
4 “Mahi pahakale nawike utañguna nii uviyula,+
Mokonda ovanthu vove vekahi nga vana vatañguna nomunakwa.+
5 Mokonda yotyo, ove mokelipunduka ngwe okomutenya,
Mamukelipundukila kumwe nomuuli ngatyina okounthiki.
Ame mandyikakalesa mee yove tyihapopi.*
6 Ovanthu vange mavakakala tyihapopi,* mokonda vetupu enoñgonoko.
Mokonda ove waanya enoñgonoko,+
Naame mandyikekwaanya opo uhaundape vali ngomunakwa wange;
Mokonda ove walimbwa otyitumino tya* Huku yove,+
Naame mandyikalimbwa ovana vove.
7 Putyina veliyawisa vali, no kononkhali mbavo vayawisa-ko vali.+
Omunkhima wavo mandyikeukalesa olukundo.*
8 Vapola ouwa kononkhali mbovanthu vange,
Vahanda unene ononkhali mbavo mbulinge ononyingi.*
9 Otyo tupu matyikamonekela ovanthu nomunakwa.
Mandyikevekoyesa mokonda yonondyila mbavo,
Mandyikevemonesa ononkhumbi mokonda yovipuka valinga.+
10 Mavakalia mahi kamavekekuta.+
12 Ovanthu vange vafenda ovika-huku viomavai,
Valinga etyi otyimuti tyavo* tyivepopila.
Mokonda yokuhanda okukala ekunga* pahe tyeveyapula,
Mokonda youkunga* wavo vaanya okutavela ku Huku yavo.
13 Valingila ovilikutila keulu lionomphunda+
Vayokela ovilikutila movipunda,
Mombwelo yomuhonda no yomupulukandi no mombwelo yomiti aviho ominene,+
Mokonda okahi kavio kekahi nawa.
Otyo ovana vove ovakainthu vakalela omakunga,*
Ovakwekai vove valinga oumbalehi.
14 Himakakoyesa ovana vae ovakainthu mokonda youkunga wavo,*
Nii ovakwekai vavo mokonda yokulinga oumbalehi,
Mokonda ovalume vaenda nomakunga,
Vaava ovilikutila nomakunga omondywo yokufendela.
Ovanthu ngo ovo vehena enoñgonoko,+ mavakanyimwa-ko.
16 Isilayeli ketavelele, wakala ngongombe omphandi.+
Okuti pahe Siovaa mekeventhita ngondyona motyipembe?*
17 Efalaii welipaka movika-huku.+
Muyekei aike!
Ovatumini vae* vehole unene evi vikundisa.+
19 Omphepo maikemupaka* momavava ayo,
Ngwe mavakakunda novilikutila viavo.”