Omukanda wa Vali Ehipululo
15 Ononkhono mba Huku ambuya mu Asaliya omona wa Ondende. 2 Aende ku Asa, emupopila okuti: “Ove Asa no Sundaa aiho, no Mbesamii, nthehelelei! Siovaa makala vala noonwe tyina onwe mutwalako okukala nae.+ Ine mumwovola, mayeke mumuvase.+ Mahi ine mumuyeka-po, nae memuyeke-po.+ 3 O Isilayeli yakala ononthiki ononyingi tyehena Huku yotyotyili, tyehena ovanakwa vokulongesa, nii ovitumino.+ 4 Mahi etyi vahulilwa, avakondoka ku Siovaa Huku yova Isilayeli, avemwovola, ngwe ayeke vemuvase.+ 5 Pononthiki opo, nawike weenda-enda,* mokonda movilongo aviho muna vala onondyaya. 6 Ovanthu votyilongo tyimwe vahanywa no votyilongo otyikwavo, epunda-umbo limwe lihanywa nepunda-umbo ekwavo, mokonda Huku wevepakele monondyaya nononkhumbi mbatyo ambuho.+ 7 Mahi onwe, kalei tyapama, mwahasoyei,*+ tyeetyi mamuyambwa mokonda yovilinga vienyi.”
8 Etyi Asa eiva onondaka ombo mbomuuli Ondende, eiva etyi aula, amono ononkhono, ahanye ovika-huku vitoyesa viotyilongo atyiho tyo Sundaa,+ no tyo Mbesamii, no vyo momapunda-umbo o konomphunda mbo Efalaii apola-ko, apindula-po omutala wa Siovaa wovilikutila ukala komutwe wotyimato tyokwaya peulu tya Siovaa.+ 9 Aongiya o Sundaa aiho no Mbesamii, nononthunda-vilongo mbukala pokati kavo, ova Efalaii, nova Manasesi, nova Simiyau,+ mokonda ova Isilayeli ovanyingi-nyingi vatunda ko Isilayeli avakahula ku Asa, tyeetyi vamona okuti Siovaa Huku yae ukahi nokumukwatesako. 10 Ngootyo, aveliongiya mo Selusalei mohanyi ya tatu menima 15 lioutumini wa Asa. 11 Monthiki oyo, avalingila Siovaa ovilikutila, onongombe 700, nonongi 7.000 vapolele pu evi vapundile. 12 Tupu, avalingi omphango yokwovola Siovaa, Huku yovakwaukulu vavo, nomutima wavo auho, nohande* yavo aiho.+ 13 Omunthu wahaovola Siovaa Huku yo Isilayeli, una okwipawa, tyilinge omunene tyilinge omututu, tyilinge omulume tyilinge omukai.+ 14 Avaane komaiho a Siovaa nondaka yakaluluka, otyo vakwilila nehambu, otyo vahika ononkhwino, nonombinga. 15 O Sundaa aiho aihambukwa mokonda yokwaana, tyeetyi vaana umwe nomutima auho vemwovola nesuko enene, ngwe ayeke vemuvase.+ Siovaa atwalako okuvepululukiswa-po kononthele ambuho.+
16 Ohamba Asa atee umwe wapolele ina-mukulukai Maakaa+ kovipundi,* mokonda walinga otyika-huku tyimwe tyitoyesa afende kotyipandyi tyikola.*+ Wahanyaunine-ko otyika-huku tyitoyesa tya ina-mukulukai, etyitwala Komulola wo Sendoloo, + etyiteya-teya etyipake motupia. 17 Mahi onomphangu mbokwaya peulu mo Isilayeli+ kambahanyenwe-mo.+ Mahi omutima wa Asa wali wotyili,* momwenyo wae auho.*+ 18 Atwala mondywo ya Huku yotyotyili ovipuka vapakulile na tate yae vialinga ovipuka vikola: Opalata, noolu, novityuma ovinyingi.+ 19 Kakwakalele vali ovilwa, atee menima 35 Asa atumina.+