Selemiya
51 Etyi otyo tyapopia Siovaa wati:
2 Mandyitumu mo Mbambilonia ovalume veityandyanesa;
Mavemutyandyanesa, otyilongo avetyilingi ekongola;
Mavemweendela avemuhitikinya monthiki yovihuna.+
3 Omuyahi ahalunde* onkhondyi yae.
Pahamone ou ukatuka notyikutu tyae tyondyakulilo.
Mwahalingei okankhenda ovakwendye vakala-mo.+
Hanyei ovita viae aviho.
4 Mavakaipaelwa meheke liova Kalindeya,
Mavakatomenwa momatapalo atyo.+
5 Mokonda Isilayeli na Sundaa, havahepe va Huku yavo, Siovaa womambamba ovita.+
Omaheke* avo epwila monombei komaiho Omukwa-ukola wa Isilayeli.
Mwahaipaelwei ovivi viae.
Mokonda yahika-po onthiki yonyengo ya Siovaa.
Memufete umwe etyi mwene nae alinga.+
7 O Mbambilonia yalinga-linga-le olufo lwoolu peke lya Siovaa;
Yapa-apa-le okunwa* eheke aliho alikolwa.
8 Liwa-liwa o Mbambilonia yatoka-po, yahanyauka.+
Ililei yapita!+
Iwavekei ombasamu yaihamenwa; hamwe iveluka.”
9 “Twahetekela-ko okuhakula Mbambilonia, mahi kaiveluka.
Iyekei twendei, munthu na munthu aye no kotyilongo tyae.+
Mokonda onombei mbae mbehika peulu;
Mbaya peulu ngomakaka.+
10 Siovaa oe wetweetela okuviukiswa.+
Endywei, tupopilei mo Siyau ovilinga vya Siovaa Huku yetu.”+
11 “Lipikei onohevo;+ kwatei onondyakulilo mbeliseta elola.*
Siovaa oe wahinda omitima vionohamba mbova Mendia,+
Wahanda o Mbambilonia ihanyauke.
Mokonda oyo, oyo onyengo ya Siovaa, tyemunumanesa etyi tyalingwa ondywo yae.
12 Yelulei otyilekesa*+ tyokulwisa ovimato vyo Mbambilonia.
Yawisei kovayungi, pakei ovayungi apa vena okukala.
Pakei ovalume pomiyolameno.
Mokonda Siovaa walinga-le omphango yatyo,
Malingi etyi apangela ovanthu vokukala mo Mbambilonia.”+
13 “Ove mukai, ove ukala kombanda yomeva omanyingi,+
Wolumono olunyingi;+
Onthyulilo yove yehika-po, oumphulu wove ukupa ouhona wapwa.+
14 Siovaa womambamba ovita waana* wati:
‘Mandyiyulisa ovalume mwoove, ovanyingi-nyingi ngovimphunia-mphunia,
Mavakakwililila mokonda vekuvila vekuteya-po.’+
15 Oo, oe watunga ohi kononkhono mbae,
Oe watunga eheke liovikuna kounongo wae,+
Watandaveka eulu mekungunyiko liae.+
16 Tyina alinga ondaka yae iivale,
Omeva meulu apikita,
Ukatula omakaka* kononthele mbo kokule-kule mbohi, eekatula meulu.
17 Ovalume aveho kavasoko, valinga ovipuka tyehena ekungunyiko.
Ononkhulungu aveho mavakakundila ovilolo valinga vianthilwa,+
Mokonda ovilolo valinga viotyivela,* oviomatutu,
18 Viyondya vala,*+ ovilinga vihiwa okukwelwa.
Tyina onthiki yomphela yavio yamehiki-po, mavikanyimwa-ko.
19 Tya Sakoo katyikahi ngovipuka ovio,
Mokonda tyae otyo tyalinga atyiho;
Mwene omphangoti yepingo Liae.+
Utiwa o Siovaa womambamba ovita.”+
20 Ove unkhunye yange yovilwa, utyihongati tyange tyovilwa,
Mokonda ove mandyitipaula noove ovanthu vovilongo,
Ove mandyihanye noove omauhamba aahanyauka.
21 Ove mandyitipaula noove onkhambe no wokweendela-ko,
Ove mandyitipaula noove etemba liovilwa nomwoomboli walio.
22 Ove mandyitipaula noove omulume nomukai,
Ove mandyitipaula noove omukulu nomona,
Ove mandyitipaula noove omukwendye nomukainthu.
23 Ove mandyitipaula noove, omunthita nonongi mbae,
Ove mandyitipaula noove omulimisi nonohove mbatyo apandeka,
Ove mandyitipaula noove ovatumini vomapunda-umbo no vokuvekwatesako.
24 Mandyityepesako o Mbambilonia novanthu aveho vakala mo Kalindeya,
Kombanda yovivi aviho valinga mo Siyau otyo mutala,”+ o Siovaa wetyipopia.
25 “Mandyikweendela ove,+ ove mphunda yokuhanya,” o Siovaa wetyipopia,
“Mphunda yokuhanya eheke aliho.+
Mandyikutandavekela okuvoko, mandyikekukulungutisa konkhanda oi no mombwelo,
Mandyikulingi omphunda yomphile.”
26 “Petupu omunthu mapolo kwoove emanya lyo pevindi, emanya lielisesu,
Mokonda ove mokakala-kala otyipembe,”+ o Siovaa wetyipopia.
27 “Yelulilei otyilekesa* motyilongo.+
Hikei onkhwino movanthu vovilongo.
Tumei* ovanthu vovilongo veveendele.
Mukongelei omauhamba o Alalate,+ o Mini, o Asikenasi.+
Munakelei wokukongolola ovanthu valinge ovakwa-vita.
Mweetelei ononkhambe mbulinga lwovimphunia-mphunia ovitutu viatyo.
28 Munakelei* ovanthu vovilongo vemweendele,
Onohamba mbo Mendia,+ ovatumini vomapunda-umbo, no vokuvekwatesako,
Novilongo aviho vatumina.
29 Ohi maiteketa aihiñginya,
Mokonda etyi Siovaa asokela Mbambilonia, matyilingwa,
Otyilongo tyo Mbambilonia etyilinge otyipuka tyitilisa owoma, etyisi tyehena nawike ukala-mo.+
30 Ovakwa-vita vomo Mbambilonia vayeka-ko kokulwa.
Vepumphi movimato viavo viokwapama.
Ononkhono mbavo mbapwa.+
Valinga ovakai.+
Onondywo mbatyo mbapakwa otupia.
Omakumba alio ateywa.+
31 Omutumwa-ndaka uhateka avase mukwavo,
Omutumwa uhateka avase mukwavo,
Vakapopila ohamba yo Mbambilonia okuti epunda-umbo liae liakelelwa na nthele na nthele,+
32 Oviyau viondongi vialinga viavo,+
Onombaluku mbonole vembupaka otupia,
Ovakwa-vita vapaalala.”
33 Mokonda etyi otyo tyapopia Siovaa womambamba ovita Huku ya Isilayeli wati:
“Omona omukainthu wo Mbambilonia ukahi ngotyipale.
Ou pahe omuvo mailiatwa-liatwa.
Apa katutu omuvo wae wokuteya mauya-po.”
Wamphaka pohi ngomulindi wehena natyike.
Wanyina-po uti enyoka enene;+
Weyulisa eimo liae novipuka viange oviwa.
Wandyumbahi kokule.*
35 ‘Ovivi nalingwa, vialingwa olutu lwange viwile ko Mbambilonia!’ omukai wokukala ko Siyau wetyipopia.+
‘Ohonde yange ikatokele kovanthu vokukala ko Kalindeya!’ o Selusalei yetyipopia.”
36 Etyi otyo tyapopia Siovaa wati:
Mandyikukutisa elunga liae nononyombo mbae.+
37 O Mbambilonia mailingi ononthunthu mbomamanya,+
Eleva liovimbandye,+
Otyipuka tyitilisa owoma, avekeihikila omwelwa,*
Kamukakala vali omunthu nawike.+
38 Aveho mavakakoma ngononkhulika mbelilumba.*
Mavakaona ngounkhulika oututu watyo.”
39 “Putyina velipaka-ko mandyivelingila otyipito, andyivekoleswa,
Opo vahambukwe;+
Pahe haa avamono olumphoki lumwe lwahapu,
Avahakapahuka-po vali,”+ o Siovaa wetyipopia.
40 “Mandyikeveombola ngonondyona mbukaipawa,
Ngonongi novikombo ovitwei vikaipawa.”
Tala o Mbambilonia yalingwa etyi tyitilisa owoma pokati kovanthu vovilongo!
42 Elunga lieya liaendela o Mbambilonia.
Liahika-ko notyiumbe-umbe tyomakufikufi.*
43 Omapunda-umbo ae alingwa etyi tyitilisa owoma, eheke liakukuta, esala oluhandya.
Omaheke mwahamakala omunthu, mwahakwata omulume nawike.+
Ovanthu vovilongo kavekelikongololela vali kwe.
Otyimato tyo Mbambilonia matyikatoka-po.+
45 Tundei pokati kayo vanthu vange!+
Hupisei omienyo vienyi*+ konyengo onene ya Siovaa!+
46 Mwahasoyei, mwahatilei owoma onondaka mamwiivi motyilongo.
Matyiti enima eli mwiiva ondaka ei,
Enima eli mwiiva ondaka ei,
Ondaka yovivi viivalela motyilongo, novatumini velikatukila novatumini.
47 Ngwe tala! omboo mbuya ononthiki,
Ononthiki mandyeendela ovilolo viokwanthilwa mo Mbambilonia.
Otyilongo tyatyo atyiho matyikakunda,
Ovivimbi viatyo aviho mavikatokela pokati kayo.+
48 Eulu, nohi novipuka aviho vili-mo,
Mavikakwiililila nehambu o Mbambilonia,+
Ovahanyauni mavakatunda kombanda,”+ o Siovaa wetyipopia.
49 “O Mbambilonia hava Isilayeli vala yaipaa vatoka,+
Mahi yaipaa ovanthu vovilongo aviho vatoka.
50 Onwe mwahupa komutunga, mwahatalamei endei!+
Hinangelei Siovaa kokule oko muli,
O Selusalei iye komitima vienyi.”+
51 “Twapakwa molukundo, mokonda twetyiiva tyokupenywa.
Olukundo lwetuhika umwe motyipala,
Mokonda ononthunda-vilongo* vaendela onomphangu mbukola mbondywo ya Siovaa.”+
52 Tala! Omboo mbuya ononthiki,” o Siovaa wetyipopia,
“Ononthiki mandyeendela ovika-huku viayo vianthilwa,
Motyilongo tyayo atyiho, vovipute mavakakema.”+
53 “O Mbambilonia ngaikalonda keulu,+
Naipameke ovimato viayo ovinene,
Ovahanyauni mandyikatuma mavakanyingila-mo,”+ o Siovaa wetyipopia.
54 “Tehelelei! Ko Mbambilonia+ kwiivalela ononkhu,
Kwiivalela ehanyauno limwe enene liotyilongo tyova Kalindeya,+
55 Mokonda Siovaa uli nokuhanyauna o Mbambilonia,
Ondaka yayo yapama meimutisa.
Omakufikufi avo maakapupa ngomaande omanyingi,
Omuhindo wondaka yavo makukeivala.
56 Omuhanyauni manyingila mo Mbambilonia,+
Ovakwa-vita vayo mavaende navo.+
Ononkhondyi mbavo mambukateywa,
Mokonda Siovaa o Huku unumana.+
Mwene maveketyifeta umwe.+
57 Mandyikanwisa ovanene vae novanongo vavo avakolwa,+
Novatumini vavo vomapunda-umbo novanene vatyo, novakwa-vita vatyo,
Ngwe mavakalala olumphoki lumwe lwahapu,
Mavakalala avahakapahauka-po vali,”+ wetyipopia Ohamba, wenyina litiwa o Siovaa womambamba ovita.
58 Etyi otyo tyapopia Siovaa womambamba ovita wati:
“Otyimato tyo Mbambilonia, tyahula okuti otyinthanda, mahi matyikateywa-po atyiho.+
Omapito atyo ahula okwaya peulu, mahi maakapakwa otupia.
Ovanthu mavaundapa vala ononkhono-pwila;
Ovanthu vovilongo aviho mavekepwilila vala okulia kwotupia.”+
59 Ei ondaka omuuli Selemiya apele Selaya ilinge ngotyitumino, Selaya omona wa Neliya, Neliya+ omona wa Maseiya, pweetyi aya no ko Mbambilonia na Sendekiya ohamba yo Sundaa, menima lya kwana eli kovipundi. Selaya wali umwe povaundapi vokuyunga ovipuka viohamba. 60 Selemiya ahoneka momukanda ovihuna aviho mavieendela o Mbambilonia, onondaka ambuho mbahonekelwa o Mbambilonia. 61 Selemiya apopila Selaya ati: “Tyina wenda no ko Mbambilonia, ukati ñgaa imoneka, tanga nondaka yakaluluka onondaka ombu ambuho. 62 Pahe oti: ‘Ove Siovaa, ove wati omphangu ei maikahanyaunwa-ko aisala tyehena ou ukala-mo, tyilinge omunthu tyilinge otyinyama, maikakala-kala vala oluhandya.’+ 63 Tyina wamamane okutanga omukanda ou, ukutila emanya ouyumbu pokati-na-kati kondongi yo Eufalate. 64 Oti: ‘Ongootyo o Mbambilonia maikanyingila onthwitwi, ayahakatumbauka vali,+ mokonda yovihuna ndyili nokuyeetela. Mavekepwila.’”+
Onondaka mba Selemiya opo mbapwila apa.