Omukanda wo Tete Onohamba
19 Akambe+ apopila Sesambele+ atyiho Iliya alinga, neetyi aipaa ovauli aveho nomutunga.+ 2 Sesambele atumu omutumwa-ndaka akapopile Iliya okuti: “Ono-huku mbumonese emone, mbutyilinge unene nonya, ine muhuka ngo opo, ame himekulingi ngeetyi walinga ovauli ovo aveho!”* 3 Pahe Iliya atili owoma. Aende-nkholo ahupise omwenyo wae.*+ Ehiki ko Mbelesemba+ ankho ikala ko Sundaa,+ ngako asa omukwatesiko wae. 4 Anyingila moluhandya aende onthiki aiho. Etyi avasa otyinkhondo tyolukateko, apumphama mombwelo yatyo, aiti ankhie.* Ati: “Tyatuuka! Pahe Siovaa mphole omwenyo wange,*+ mokonda ame, hame-ko ndyikahi vali nawa tyipona ovakwaukulu vange.”
5 Alangala-po mombwelo yotyinkhondo tyolukateko, alala. Liwa-liwa oandyu imwe aimuyame+ aiti: “Pinduka-po, lia.”+ 6 Etyi apindukapo, tyina akati ñgaa pomitwe viae pena ombolo ikahi kombanda yomamanya atokota, nomulindi womaande. Ali, anu alangala-po vali. 7 Oandyu ya Siovaa aiya vali, aimuyame aiti: “Pinduka-po, lia, mokonda oungendi molingi omule unene.” 8 Ngootyo apindukapo ali, anu, okulia oko akumupameka aende ovitenya 40 novinthiki 40, atee ehika ko Holembe, komphunda ya Huku yotyotyili.+
9 Etyi ehika oko, anyingila meleva,+ ngamo alala; akuya ondaka yatunda ku Siovaa aiti: “Oityi ulinga muno Iliya?” 10 Ngwe akumbulula ati: “Ame nali nonduvia onene na Siovaa, Huku yomambamba ovita,+ mahi ova Isilayeli vayeka-po omphango yove,+ vahanya-po omitala viove viovilikutila, vaipaa ovauli vove nomutunga,+ ame vala nahupa-po. Pahe vahanda okumphola omwenyo wange.”*+ 11 Mahi Ngwe aiti: “Lupuka, talama komphunda komaiho a Siovaa.” Siovaa ankho ukahi nokulamba,+ akuya omphepo onene unene aiteye onomphunda, nomamanya komaiho a Siovaa,+ mahi Siovaa ankho kekahi momphepo. Etyi omphepo yatalama, akuya otyinimawe,+ mahi Siovaa ankho kekahi motyinimawe. 12 Etyi otyinimawe tyalamba, akuya otupia,+ mahi Siovaa ankho kekahi motupia. Etyi otupia twanyima akwivala ondaka yahiliya, yavova-po.+ 13 Etyi Iliya eiva ondaka oyo, elihiki komutwe notyinyanga tyae,*+ alupuka atalama pombundi yeleva. Ondaka imwe aimupulu okuti: “Oityi ulinga muno Iliya?” 14 Ngwe akumbulula ati: “Ame nali nonduvia onene na Siovaa, Huku yomambamba ovita, mahi ova Isilayeli vayeka-po omphango yove,+ vahanye-po omitala viove viovilikutila, vaipaa ovauli vove nomutunga, ame vala nahupa-po. Pahe vahanda okumphola omwenyo wange.”*+
15 Siovaa emupopila okuti: “Kondoka, enda koluhandya lwo Ndamasiku. Nga wehika-ko, lembula Hasayeli+ akale ohamba yo Silia. 16 Una okulembula Seuu+ omutekula wa Nisi, akale ohamba yo Isilayeli, olembula Eliseu* omona wa Safate wo ko Ambele-Meolaa, akale omuuli pomphangu yove.+ 17 Una wamahupu komutunga wa Hasayeli,+ Seuu memwiipaa,+ una wamahupu komutunga wa Seuu, Eliseu memwiipaa.+ 18 Nkhele ndyina ava vahupapo vena 7.000 veli mo Isilayeli+ vehelipetamenene ku Mbaale,+ vana vehemuhipile ombesu+ nomilungu viavo.”
19 Iliya atundu opo, aende ku Eliseu omona wa Safate, ukahi nokulimisa nonosaluwa 12 mbukokwa nonongombe mbapandekwa onombali-onombali; Eliseu ankho una osaluwa ya 12. Iliya aende-ko emuyumbila otyinyanga tyae.*+ 20 Eliseu asi-po onohove mbae, ahatekela Iliya, emupopila okuti: “Mbambavo eta nkhele ndyikalekele* ovo tate na mee. Pahe andyiya twende atuho.” Ngwe ati: “Upondola okwenda, ame hikutyilika.” 21 Akondoka apolo-po onohove onombali embulingi otyilikutila. Anthiakana omavai osaluwa nonokanga, ateleka ohitu eyaavela ovanthu avali. Konyima atundu opo alandula Iliya, ahimbika okumuundapela.+