Omukanda wo Tete wa Samuwele
21 Pahe Ndaviti aende ko Nombe,+ ku Aimeleke omunakwa. Etyi Aimeleke elivasa na Ndaviti, ahimbika okuteketa emupulu okuti: “Omokonda yatyi weila awike? Omokonda yatyi weheililile nomunthu umwe?”+ 2 Ndaviti akumbulula Aimeleke, omunakwa okuti: “Ohamba yanthuma okulinga otyipuka tyimwe, mahi aimphopila okuti: ‘Wahayeke nawike anoñgonoke otyilinga mandyikutumu, nii onondongwa nekwavela.’ Mokonda yotyo, napopia novakwa-vita vange opo tulivase pomphangu imwe. 3 Pahe, ine una-vo vala onombolo ononthano hamwe otyimwe vali vala, ndyavele-vo.” 4 Mahi omunakwa akumbulula Ndaviti okuti: “Petupu ombolo iliwa novanthu aveho, pena vala ombolo ikola;+ mupondola okwiilia vala ine ovita viove kaveliyamene novakai.”*+ 5 Ndaviti apopila omunakwa ati: “Tyotyili ovakai vakalela kokule noonthwe ngeetyi tulinga-linga-le tyina twenda movilwa.+ Ine mwene ovalume kavayame-ale kweevi viasila movilinga valinga-linga-le, okuti pahe hono kavamanene-mo umwe?” 6 Omunakwa emwaavela onombolo mbukola,+ mokonda mutupu vali, muna vala onombolo mbokulekeswa, mbapolwa mekaka lya Siovaa opo papingiywe onomphe monthiki onombolo mbupolwa-mo.
7 Monthiki oyo pali umwe povaundapi va Saulu wahapondola okutunda kotyipala tya Siovaa. Enyina liae ankho o Ndowenge,+ omu Endoo,+ omululiki wovanthita va Saulu.
8 Ndaviti apulu Aimeleke okuti: “Utupu-ale eonga muno ine omutunga? Omutunga wange, novihongati viange hevityindile, mokonda otyilinga ohamba yanthuma ankho tyalumbanesa.” 9 Omunakwa akumbulula Ndaviti okuti: “Ndyina vala apa omutunga wa Ngoliya,+ omu Filisitiya una waipaela Melola* wo Elaa.+ Uli apa wawingilwa potyinyanga, konyima yotyikutu tyomunakwa.+ Ine wahanda okwenda nao, utyinda-po, oo vala tunao muno.” Ndaviti ati: “Umphe, mokonda kutupu omukwavo ukahi ngao.”
10 Onthiki oyo Ndaviti aende, atwalako okwenda-nkholo+ Saulu, pahe ehiki kotyilongo tya Akisi, ohamba yo Ngate.+ 11 Ovaundapi va Akisi avemupopila okuti: “Ou ha Ndaviti, ohamba yotyilongo tyo Isilayeli? Hae ovakai vaimbile tyina vanyana, avapopi okuti:
‘Saulu waipaa ovityita novityita,
Mahi Ndaviti waipaa omakwii nomakwii ovityita’?”+
12 Ndaviti etyi asoka ku otyo vapopia, atili unene owoma+ Akisi, ohamba yo Ngate. 13 Mokonda yotyo, ponthele yavo elilingisa ngotyova,+ alingi ngatyina elai pokati kavo.* Akwanya-kwanya momapito otyo ayeyela omalute konondyeli. 14 Pahe Akisi apulu ovaundapi vae okuti: “Kamutyeete okuti omulume ou otyova? Mwemwetela-tyi kwaame? 15 Ovityova vili meumbo liange kavihi, etyi mundyetela vali omulume ou? Omulume ou upondola okunyingila meumbo liange?”