Tunde Pombila Onene alo Peyovo liova Isilayeli ko Egitu

Kombila Onene kuahupile vala ovanthu etyinana. Mahi, mokuenda kuomuvo ovanthu vahimbika oku-​liyawisa, iya avakala ovanyingi. Etyi palamba omanima 352 tunde Pombila Onene, kuatyitwa omulumue umue ankho utiwa o Abraiau. Matukelilongesa oñgeni Huku afuisapo omulao wae, mokuavela Abraiau omona utiwa o Isake. Iya konyima, povana vevali va Isake, Huku aholovonapo Jako.

Jako ankho una ombunga imwe onene, yovana 12 vovalume, novana vamwe vovakai. Ovana 10 va Jako ankho veyele ondenge yavo Jose, iya avemulandesa koupika ko Egitu. Ko Egitu Jose wakakala omutumini umue wakolela. Etyi kueya ondyala imue onene, Jose aheteka ovakulu vae, opo atale inkha vapilulula onkhalelo yomitima viavo. Iya konyima ombunga aiho ya Jako, Ovaisilayeli, vailukila ko Egitu. Otyo tyapita etyi palamba omanima 290, tunde pokutyitwa kua Abraiau.

Ova Isilayeli vakala omanima 215 mo Egitu. Iya konyima yononkhia mba Jose, Ovaisilayeli avalingi ovapika mo Egitu. Mokuenda kuomuvo, kuatyitwa omulume umue ankho utiwa o Moisesi. Iya Huku emuundapesa opo ayovole ova Isilayeli mo Egitu. Monthele aiho YAVALI muvahiwa ehipululo liomanima 857.