Noñgonoka Nawa Omunthu

Oityi Sesusi Alingile?

OVINDIU: Sesusi Waetehilile-mo Okankhenda Ovanthu

1. Tala OVINDIU, okuti hatyo, tanga Maluku 6:30-34. Pahe haa osoko komapulo aa:

1. Oityi Sesusi novalongwa vae vahandelele ‘okukala apa pehena vanthu’?

2. Oityi tyapele ononkhono Sesusi alongese ovanthu?

Oityi Tulilongesila ku Sesusi?

2. Okankhenda novanthu maketutwala kokusuka navo, atwehesuku vala neetyi twahanda okuvepopila.

Hetekela Sesusi

3. Tehelela nawa. Tyina omunthu apopia, muyeka umwe apopie etyi tyili komutima wae. Wehemutete ondaka, wehemuniange. Matyimoneka vala okuti usuka neetyi ngwe asoka, tyina umutehelela umwe nawa.

4. Soka kweetyi esuka vali natyo. Tyina mwamatomphola nomunthu, lipula ñgaa:

1. ‘Oityi omunthu ou esukisila umwe okwiiva otyili?’

2. ‘Okulilongesa Ombimbiliya matyimukalesa ñgeni pahetyino, matyikemukalesa ñgeni komutwe wandyila?’

5. Popia umwe etyi matyimukwatesako. Mulekesila-po umwe okuti pokulilongesa Ombimbiliya mamukumbulula omapulo ehole okulilinga, matyimukwatesako no movipuka ovikwavo vali.