OMAPULO OMBIMBILIYA AKUMBULULWA
Okuti Onongeleya Ambuho Mbuhivilika Huku?
Tyina utehelela ouye omupe, hamwe uhole okutala okuti ovipuka ovivi vilingwa onongeleya. Onongeleya haambuho mbatuka Huku yotyotyili. (Mateus 7:15) Tyotyili, ovanthu ovanyingi vayapulwa.—Tanga 1 João 5:19.
Anthi, Huku weete ovanthu vena omitima omiwa vehole otyiwa, notyili. (João 4:23) Huku ukahi nokukonga ovanthu ovo opo velilongese otyili tyikahi Mondaka yae, Ombimbiliya.—Tanga 1 Timóteo 2:3-5.
Oñgeni moimbuka ongeleya yotyotyili?
Jeova Huku ukahi nokuongiya ovanthu ovanyingi okuvepola monongeleya mokuvelongesa otyili nokuvelongesa okukala nohole navakuavo. (Miquéias 4:2, 3) Ngotyo, upondola okuimbuka ovituwa viongeleya yotyotyili mokutala oñgeni vatekula vakuavo.—Tanga João 13:35.
Jeova Huku ukahi nokuwaneka ovanthu aveho mokuvelongesa efendelo liotyotyili.—Salmo 133:1
Ovafendi votyotyili ekolelo liavo nonkhalelo yomuenyo wavo vielikuata netyi Ombimbiliya ipopia. (2 Timóteo 3:16) Tupu vapanda enyina lia Huku. (Salmo 83:18) Iya vena onthumbi yokuti Ouhamba wa Huku o vala ekevelo pala ovanthu. (Daniel 2:44) Ovo vahetekela Jesus mokuyeka ‘otyimimi tyavo tyiliaime,’ mokulinga oviwa ovomunthele yayo. (Mateus 5:16) Ngotyo, Ovakristau votyotyili vapondola okuimbukwa tyina vatalelapo ovomunthele yavo okuvetuaila onondaka onongwa Mbouhamba wa Huku.—Tanga Mateus 24:14; Atos 5:42; 20:20.